[ مشاركة في المسابقة المفتوحة للمقبلات الرمضانية ] كرات البطاطا بالجبنة من مطبخ أم أيوب

**أم أيوب** · 07-31-2012, 05:23 AM

السلام عليكم ورحمة الله وبركاته

أمس درت عالفطور كرات البطاطا المحشية بالجبنة

الطريقة ساهلة وماتاخدش وقت وممكن تسلقي كمية من البطاطا وتهرسيها وتحطيها في الفريز

المكونات :

بطاطا حسب الكمية اللازمة لعيلتك + بهارات ( زنجبيل مطحون + فلفل أكحل + حبهان مطحون )

2 ملعقة زبدة + بيض + خبزة مرحية + جبنة أي نوع تفضليه ( نحبها بجبنة مثلثات ) + زيت للقلي

الطريقة :

تسلقي البطاطا لعند ما تستوي وتهرسيعا وتخلطيها مع البهارات والبيض وشوي خبزة مرحية

حطي عليها الزبدة واعجنيها لعند ما يتكون عندك عجينة بطاطا متماسكة وممكن تشكليها كورة

اختاري نوع الجبنة اللي تبيه وهنا استخدمت جبنة ابو الولد

ادهني يدك بشوية مية وخودي شوي بطاطا في كف يدك احشيها بنص طرف جبنة وكوريها

غمسيها في بيض مخبزة مرحية تكون ناعمة واقليها في زيت غزير

ارفعيها على ورق تصفى وهدي النتيجة

ملاحظة صغيرونة :

قلي البطاطا بهالشكل ما يعطلش والحلو انها توكل ساخنة

ننصحك كوريها وبطنيها وخليها جاهزة للقلي ولما يقرب المغرب اقليها عشان تستمتعي بأكلها وهي ساخنة ومقرمشة

وصحتين عليكم

**luba** · 07-31-2012, 05:36 AM

تسلم ايديك ماشاء الله جاري التقييم والتطبيق
وشكلهم دوخوني ربي يعطيك الصحة

**الصابرة** · 07-31-2012, 05:42 AM

ماشاءالله تبارك الرحمن عليك
كويرات يجن في الخاطر واكيد جاري التطبيق
احلى تقييم واحلى نجوووووووووووووووم

**barney** · 07-31-2012, 05:44 AM

يسلمووووووووووووووووو

**بنت حواء** · 07-31-2012, 12:43 PM

ماشاااااااااء الله كويرات تشههههههههي
سلم يدياتك ياأم أيوب وصحة وهنا على قلوبكم
أسعدتني مشاركتك هللللللللللبة
بالتوفيق ولك 5 نجوووووووووووم

**حبيبتهم** · 07-31-2012, 10:14 PM

ماشاء الله

كويرات سمحة
ربي يسلم ايديك

**عطر ليبيا** · 08-01-2012, 08:02 PM

بارك الله فيك
جربت مرة طريقة شبيهة بهادي هديكا الجبنة مخلط مع البطاطا لكن حنجرب طريقتك شكلها حلو ومشهي
وحتى من باب التغيير احني كله ماكلتنا لحم مفروم ودجاج
والأحلى طبعا انها من ايدياتك
تسلم ايدك:d