[ تمت الاجابة ]استخدامات ألة الطهي على البخار

**سحابه صيف** · 12-01-2010, 05:44 PM

بنات لو في مين تعرفي كيفة استخدام هادي الطجرة وشني الاكلات الي نقدر انطيبها بيها هي جتني هديه ومعرفتش كيف نستغلها

**أمـ ساره** · 12-01-2010, 06:35 PM

أهلين وخيتي والله نقدر نفتي شوي فيها

مرة شفت وحدة شبيها بيها في اعلان أجنبي

يستخدموا فيها لتطيب الخضرة على البخار وتقدري اطيبي فيها الرز من تحت

وطبعا مش لازم تستخدمي القطع كلها

تقدري اطيب الرز في الطنجرة بس أو اديري فوقها كسكاس واحد بس

على حسب الأكلات الي عندك

لو تعرفي قناة التسوق يعرضوا في وحدة شبيها بيها ممكن تستفيدي

هذه الميزات الي كاتبينها عليها

الميزّات

خامتها من البلاستيك الأسود ومعدن الكروم.
يسع 9 لتر ماء.
مؤشر مستوىِ ماء.
موقّت 60 دقيقة.
المفتاح آلي .
سهلة التخزين.
يمكن غسلها في غسالة.
تَتضمّنُ صفوف 3.
فتحة تخزين لسلك الكهرباء.
الأقدام مانعة للإنزلاق.
مؤشر ضوئي دلالة على تشتغل.

**نوارة ليبيا** · 12-01-2010, 06:49 PM

السلام عليكم

هي بتستخدم لطهي الخضروات بالبخار

وهي سهلة الاستخدام وسهلة التنظيف وتقدري تغسليها في غسالة المواعين عادي مايصير لها شئ

واللي زي في الصورة وريتهالنا ... تحمل 9 لتر امية ^_^

وان شاء الله البنات اللي عندهم يقدرو يشرحوا لك بالتفصيل الممل

**سحابه صيف** · 12-01-2010, 07:31 PM

مشكورات حبيباتي علي الافاءة بس هل نقدر انطيب فيها حاجه تانيه غير ارز

**الساجدة لله** · 12-01-2010, 07:38 PM

حبيبة هده ايبيعو فيها في محل تيفال انا حندورلك في الموقع امتعهم على معلومات عليها وان شاء الله نقدر نساعدك

**زينب محمد** · 12-01-2010, 07:42 PM

حبوبة البنات الله يبارك فيهم افادوك

و نزيد عليهم انه تقدري تبوخي فيها الكسكسي

و المحشي اذا بتديريه على البخار

**ابريكه** · 12-01-2010, 09:28 PM

معناها نلقاها في ليبيا
مافية ما شريتها ورفعتها معاية
ماشاء الله سحابة البنات كفو ووفو
وبارك الله فيك
افدتينا لما حطيتي هالماكينة

**سحابه صيف** · 12-01-2010, 09:47 PM

المشاركة الأصلية كتبت بواسطة الساجدة لله

حبيبة هده ايبيعو فيها في محل تيفال انا حندورلك في الموقع امتعهم على معلومات عليها وان شاء الله نقدر نساعدك

الف شكر حبيبتي اوصلني الموقع مشكورة

**سحابه صيف** · 12-01-2010, 09:48 PM

المشاركة الأصلية كتبت بواسطة زينب محمد

حبوبة البنات الله يبارك فيهم افادوك

و نزيد عليهم انه تقدري تبوخي فيها الكسكسي

و المحشي اذا بتديريه على البخار

بارك الله فيك والله وقطتيني بي المحشي تعرفي يمكن انديره بيها

**سحابه صيف** · 12-01-2010, 09:49 PM

المشاركة الأصلية كتبت بواسطة ابريكه

معناها نلقاها في ليبيا
مافية ما شريتها ورفعتها معاية
ماشاء الله سحابة البنات كفو ووفو
وبارك الله فيك
افدتينا لما حطيتي هالماكينة

ايبارك في جميع حبيبتي بس لو في امكانيه ترفعيه من امريكا خيرلك اكيد الجوة احسن وتلقيها ارخص حتي من ليبيا وبدات لو اتركزي علي التخفيضات

الموضوع: [ تمت الاجابة ]استخدامات ألة الطهي على البخار

أدوات الموضوع

عرض

[ تمت الاجابة ]استخدامات ألة الطهي على البخار

معلومات الموضوع

الأعضاء الذين يشاهدون هذا الموضوع

المفضلات

المفضلات

ضوابط المشاركة