[مشاركة في مسابقة معجناتك الرمضانية ] كرواسان بحشوة اللحم المفروم من مطبخ حبيبتهم

**حبيبتهم** · 07-31-2012, 02:39 AM

السلام عليكم

كرواسان بحشوة اللحم المفروم
طبعا تقدري تغيري الحشوة حسب الرغبة

المقادير
للعجينة
نصف كوب حليب مكثف (غير محلى )
ثلث كوب زبدة
بيضة واحدة
ملعقة صغيرة خميرة
ملعقة صغيرة بيكنج بودر
دقيق للعجن
تعجن وتترك حتى تختمر

2ملعقة زبدة للفرد
تفرد على نايلو وتدخل للفريز حتى تجمد

بعد ماتختمر العجينة تفرد وتوضع فوقها الزبدة المثلجة
وتطوى الزوايا للوسط
ماصورتش الخطوة هذي مستعجلة بيش ماتذوب الزبدة

وتفرد مستطيل وتطوي من اليسار للوسط ومن اليمين للوسط

هذا الشرح بالرسام ان شاء الله ايكون واضح لو مش واضح نعاود نشرح

وتكرر الخطوة الاخيرة 4 مرات ( خطوة فرد العجينة مستطيل وطوي الجهة اليسار للوسط وبعدها طوي الجهة اليمين للوسط )

بعدها تترك العجينة في الفريز حتى تبرد وتجمد الزبدة

وبعدها اني لوحة الشغل صغيرة قطعت العجينة الى 4 قطع

وتفرد كل قطعة بالدقيق وتقطع مثلثات وتحشى بالحشوة وتلف

هنا باقي العجينة جربت بيها تشكيلة مثلت المصراتية شوفوها في الطاجين
ومعليشي كل قطعة طالعة بحجم

وبعدها تترك حتى تختمر مرة ثانية

وتدهن بالبيض وترش بالجلجلان او حسب الرغبة وتخبز في الرف الاوسط
وانتبهي لها لانها تتحمر بسرعة

هذا شكلها بعد ما تحمرت

وهذا شكلها من داخل في الصورة مش واضحة الطبقات

ملاحظة
المقدار اللي في الطاجين استعملت نصف العجينة فقط بعد ماقطعتها لـ 4 قطع والباقي دسيتها في الفربز

وان شاء الله تعجبكم

هذي صور اخرى لباقي العجينة درتها ثاني يوم

**نسمه ليبيه** · 07-31-2012, 02:46 AM

يسلموا ياحبيبتنا

بس الطويه مافهمتهش ليا عوده عليها

**حبيبتهم** · 07-31-2012, 03:05 AM

السلام عليكم
اهلا بك اختي نسمة ليبيه
توا حطيت شرح بالرسام ان شاء الله ايكون واضح
لو مش واضح نعاود نشرحهالك

**مغتربة 7** · 07-31-2012, 04:08 AM

ماشاء الله كروسان هش وايجي فى الخاطر
تسلم الايادي وصحتين على قلوبكم
مشاركة رااااااائعة وتستحق التقيييييييييييييم

**luba** · 07-31-2012, 04:25 AM

ماشاء الله كرواسون راائع وكعادتك كريمة في
شرح التفاصيل تسلم ايديك جاري التطبيق والتقييم

**الصابرة** · 07-31-2012, 04:30 AM

يسلم ايديك ماشاءالله عليك
صح الطبقات مش واضحات لكن الخفة واضحة يعطيك الصحة يارب
قوليلي طريقة الطوي للعجين زي عجين الباف بستري صح او خطاء
احلى تقييم واحلى نجوم

**بنت حواء** · 07-31-2012, 12:55 PM

ماشاء الله كرواسان يجننننننننن
الصور والشرح واضحين والوصفة حلوة
سلمت يداك وبالتوفيق ولك 5 نجوووووووووم

**أم ميوسة** · 07-31-2012, 01:58 PM

شرح واضح وكرواسون روعة

تسلم ايدياتك حبيبتهم

وصفاتك كلها متيزة

احلى تقييم ليك حبيبة

بارك الله فيك

**حبيبتهم** · 07-31-2012, 02:38 PM

مغتربة 7
لوبا
الصابرة
بنت حواء
ام ميوسة

شكرا لكن عالمرور والكلمات الحلوة
بارك الله فيكن

ويالصابرة ايه صح اللفة نفس متاع البف باستري
لفة الكرواسان بدايتها نفس الخطوة الخيرة في اللفة هذي يعني ماتلميش الاطراف في الوسط
لكن اني المرة هذي درتها بطريقة البف باستري
مع ملاحظة ان عجينة البف باستري مافيهاش خميرة