[تجهيزات واستعدادات العروس المطبخية] من مطبخ موودة

[om_adnan]

ماشاء الله ,تبارك الرحمن,لا حول ولا قوه الا بالله,ربى يهنيك,واتدير احلى الاكلات,شنو رايك لو قدرتى وطبعا اتذكرتينا,صورى اول سفرة فطور اتديريها,اول سفرة شاهى,حتكون ليها ذكريات حلوه ,وفيه فكره ايديروها تحتفظى باأصغر قالب من تورتة الفرح وتوضع فى الفريز,طبعا بعد ما تكرشميها زين,واتطلعيها على عيد زواجكم,حتكون فيها رومانسيه هههههه,فى اى صاله حتديروا الحنه .
.

[موودة]

تسلميلي يا احلى ام عدنان
ان شاء الله مش حننسى وحندير صور زى هكى .... قصدك الجاتو يصبر بعد سنة هههههه يمكن حنجرب فيها جو
وتشرفينى بحضورك
قاعة البهجة فى منطقة "الليثى"

[نسمه ليبيه]

موده اول مره نقرا موضوعك وانسجمت معاك ونحب نذكرك بساعة المطبخ والولاعه وسطل القمامه اكرمك الله وفرشة المطبخ وطاولة الاكل وملصقات الثلاجه وفرن كهربائى وسفر الستيل

ستارة المطبخ

ولو فاضت معاك ميزانيه حوذى غسالة صحون ليها نوره وانت اكبر مستفيده
ولما نذكر حاجه ثانيه تو نقولك
اه وغاز شاهى

[موودة]

ذكرك بالشهادة اختى الغزيزة نسمة .. تم ان شاء الله حنسجلهن بالنسبة ل كوشة الضى شريتها واما طاولة المطبخ هذه شور العريس هو يجيبها

بارك الله فيك عزيزتى

[الصابرة]

حبيبتي مودة
ايه الجاتوه يقعد في الفريز مايصير له شئ حتى اكثر من سنة لكن اهم حاجة تسكريه زين تغلفيه كويس
وفكرة حلوة ام عدنان توا انقول عليها لداداي لانها من عشاق الحاجات اللي زي هكي لما يسهلن امورها وعرسها يمشي على خير
مش معناها اني منحبش الحاجات الرومانسية لا انحبها هلبة لكن انحب اكثر الحاجة اللي مربوطة بالدين فاني في عرسي مادرتش كيك
بل بديت حياتي مع راجلي بالحليب و 3 تمرات
وكل سنة زواج لنا ناكلوا 3 تمرات وحليب وبعدها الكيك

[بنت طبرق]

انا اول مرة ندخل للموضوع
معليش السنة هذه متلخبطة معاي شويا ربي يعين
فاتني حاجات واجد في المنتدى
ربي يهنيك ويتمملك على خير حاجاتك حلوة كلهن
انا عجبتني الشواية مازال ماطحت فيها
الباقي عندي ولله الحمد

[موودة]

الصابرة
عزيزتى الغالية
خلاص حتى انا قبل الكيك حناكل حليب وتمر ..تم

بنت طبرق
تسلمى عزيزتى ويبارك فيك ..نورتينى

[موودة]

سلة الخضرة




شنطة الملاعق والشوك والسكاكين والأدوات



سفر

[الصابرة]

ان شاءالله تتهني بيها يارب
والسلة تهبل لكن ديري بالك منها
واني انبتت لعرسي خذيت زيها بس في اختلاف بسيط لكن
مرة مرة تنطر عليها امية لقيتها بقعة بالصداء فانتبهي لها
والصفر نوعيتهم كويسة لكن مايمنعش من انك تنشفيهم بعد الغسل

[موودة]

تسلميلي عزيزتى شكرا ليك
وانا تميت الحاجات بس ماطقيتش الصور الباقى ان شاء الله مرة ثانية

ونتمنى يحكى الكل عن مشترياته حتى المتزوجات يحكن شن جابن زمان