[تجهيزات واستعدادات العروس المطبخية] من مطبخ موودة

[موودة]

السلام عليكم

طبعا كنت فى موضوع للسيدة شاطئ بلا رمال وحبيت موضوعها وساعدنى وهذا الموضوع:

[ دعوة للاجابة والاستفادة ]ما هو أكثر جهاز من اجهزتك المنزلية أستفدتي منه أو ندمتي على شرائه؟

واكيد استفدت منه خاصا انى لقيت اجماع بعدم الأستفادة من قلاية البطاطا وعصارة الفواكه

وانا من قبل شريت الأجهزة هذه ومشعارفة شن ناقصنى فيهن ونبيكن اخواتى تساعدونى


















ومش بس الكهربائيات حتى لوازم المطبخ و الزجاج والصحون وادوات مطبخية

انا شريت جزء ونبيكن تقولولى شنو المهم اللى لازم نشريه

[موودة]

على فكرة فيه الات مانعرف حتى كيف نستخدمهن هههههه بعدين ساهل

انا خاطرى فى غسالة صحون لكن الميزانية توة ماتسمحش

يمكن بعدين بعد الزواج تو نوفرولها

[أمـ ساره]

ماشاء الله مودة

أدوات كلها مفيدة وتساعدك هلبة وخيتي

تبيديها بالهني ان شاء الله

بالنسبة لطريقة استعمالها ما تحيري هنا في المنتدى

فيه هلبة وصفات توضح استعمال الآلات كيف ولشنو تستخدم

مبارك عليك حبيبة وربي يتمم لك على خير

بالنسبة لغسالة الماعيين مازال وقتها حبيبة

بالشوي عليك وان شاء الله تشريها



في الاول استغربت قلت شارية هذا كله بترفعه معاها

لكن انتي من بنغازي وتقريبا الكوجينة على العروس صح ؟؟؟

[أمـ ساره]

تم التقييييم حبيبة لك ولموضوعك

لأن موضوعك رووووووووووووووووعة

[luba]

بالصحة عليكم تبيديهم بالهني كلهم حلوات

واسفدت منك شنو في في ليبيا من اجهزة

بدل الواحد يكرهم معاه

وكلهم واضحين عليهم الصور في الاستعمال يا مودي

ربي يهنيك ماتنسيش تعزمينا

[موودة]

تسلمى عزيزتى انا من الأول عرفت ان المنتدى والعضوات الحلوات اللى فيه حيساعدونى بكل المواضيه الموجودة
وماشاء الله المنتدى عامر ومليان تبيلا جرد وتفتيش بشويش واكيد حنلقى اللى نبيه وبمساعدتكن

بالنسبة للعروس عندنا نعم تجيب المطبخ كله من ادوات وكهربائيات ولوازم

وطبعا اسمالله علينا قعدو يزيدو فى الحاجات يعنى مش بس المطبخ

الصالون والفرشة والستائر والطاولة يعتى دار الضيوف كلها علينا

ودار النوم الوناسات والورغان والفوط والستائر والفرشة

والحمام كل حاجة فيه

يستر الله وخلاص بابا قريب يفلس منى خاصا وانى ماكنتش نشتغل وتوة التدريس عقود جديدة مازالو ماعطونا مرتبات

وان شاء الله خير

وبارك الله فيك خيتى

[موودة]

luba

انشالله تروحى بلادك طيبة وكل حاجة موجودة

كل انواع الكهربائيات هومر بلاك اند ديكر بورش وانواع واجدة انت بس تأنسي بلادك

واكيد انتم معزومين ع الفرح يوم 10 - 10

[موودة]

ام سارة عزيزتى انت الذوق كله

شكرا عالتقييم

[الصابرة]

ماشاءالله عليك مودة ربي يباركلك فيهن وتتهني بيهن
وصدقيني الراحة اهم من كل شئ فان شاءالله ربي يريحك ويهنيك معاه
كهربائياتك حلوة ونحس فيك شارية حاتين ليهن نفس الاستخدام
زي ست البيت الصغيرة و مفرمة 3 في 1 لان المفرمة تقوم بعمل ست البيت
لكن مش مهم استخدمي وحدة ودسي الاخرة نين تعطل فاستعملي الاخرى
وبالنسبة لادواتك ماشاءالله مش ناسية حاجة
لكن تبي تشري طاجين بيتزا او لا
وحبيبة ولا يهمك في الاسئلة اني كنت عايشة في بنغازي
وبتت مطبخي مع ان راجلي قال احنا معندناش العروس تجيب معاها
واه ماتصريش واجد في العزومةمرات تلقيني نسئل على العنوان
وتاريخ حلو 10/10 ربي يتمم على خير ان شاءالله

[مغتربة 7]

ماشاء الله اجهزة حلوات
ان شاء الله تبيديهم بالهني وان شاء الله ربي يهنيك يارب
ما نقصتي شي ماشاء الله خلي للراجل حويجة ايجيبها اللطف هههه
العادات تختلف من مدينة الى الثانية وانتم فى الشرق العروسة ترفع ادوات المطبخ
ربي يباركلك ان شاء الله فى حياتكم وربي يعقد عسلكم ان شاء الله
وراك تنسي تعزمينا على عرسك نجوك حتى من الغربة