[ تطبيق] الهريسة المصرية للصابرة من مطبخ موودة

**موودة** · 08-04-2012, 04:51 PM

المقادير ....

كوب سميد / كوب جوز هند / كوب سكر /2بيضة / كوب زبادي طبيعي
200 غ زبدة - او كوب زبدة لينة/ فانيليا

الطريقة

1/ يخلط البيض مع السكر والفانيليا

2/ يخلط السميد مع الزبادي ثم يضاف الى خليط البيض

3/ يضاف جوز الهند ثم تخلط وبعدها نضيف الزبدة

طبعا فيه صور مقلوبة ههههههههههههه

يسكب الخليط في طاجين مدهون بزيت او زبدة ودقيق

نقوم باضافة مكسرات

تفردي نصف المقدار في الطاجين وترشي المكسرات ثم تضعي باقي الخليط

وتدخل الفرن
تسقى بشربات بارد وهي ساخنة

وهذا شكلها النهائى

وطبعا مازلت ماذقتها
بعد المغرب حنقوللكم كيف طلعت

**حبيبتهم** · 08-04-2012, 05:03 PM

ماشاء الله
مودة قعدت اتنزل في تطبيقات

شكلها هريسة تجنن ماشاء الله

تسلم ايديك

وديمة طبقي و نزليلنا تطبيقاتك

**luba** · 08-04-2012, 05:46 PM

تسلم ايديك وايدين الصابرة ماشاء الله علي مودة خاشة بقوة لتتعلم

هكي تعجبينا قوي راسك حتي العصبان انراجو فيه منك

ربي يسلمك ويهنيك ويريح بالك ويفرحنا بيك قريبا

جاري التقييم ليك ولموضوعك

**أمـ ساره** · 08-04-2012, 06:03 PM

ماشاء الله على مودة الفالحة

لا تطبيق بالصور والشرح ماشاء الله

ربي يسلم ايدياتك وايديات الصابرة

وبالهني والعافية على قلب من ياكلها

لك التقييييم والنجووووووم

**موودة** · 08-04-2012, 06:04 PM

ههههههههههه فرحتونى وقريت لـــ ماما شن قلتولي

حبيبتهم
تسلميلى صح هذا اول تطبيق وفرحانة بيه والفضل ليكم اكيد

luba
بارك الله فيك ويحفظك يارب
ان شاء الله على قد مانقدر نخش ع الصعب

نشجيعكم له مكانة خاصة عندى
شكرا خواتى

**موودة** · 08-04-2012, 06:06 PM

تسلمى يارب

ام سارة عزيزتى

هذا من فضلكم وتشجيعكم

بارك الله فيك

**om_adnan** · 08-04-2012, 07:05 PM

شنو هذا كله,نظام وشرح وصور مرتبه,موضوعك كله على بعضه حلو,سلامنا الى الوالده,صحتين وعافيه للى كلها,زعمه دسيت طرف لخطيبك,قولى الحق.

**الصابرة** · 08-05-2012, 04:38 AM

ماشاءالله عليك موووووودة وربي يعطيك صحيحتك
تطبيق حلو و شرح مرتب
ديمة خليكي هكي خشي على الحاجة بقلب قوي
حتى لو مانجحتش اول مرة ثاني مرة تنجح
اهم حاجة العزيمة لاتحبط
احلى تقييم للموضوع واحلى 5 نجوم
وماقلتيش شنو طلعت طعمتها وسلامي لوالدتك اطال الله في عمرها

**بنت حواء** · 08-05-2012, 01:17 PM

ماشاء الله يامودة تطبيق رائع 100%
شهيتيني في الهريسة يممممممم
نهنيك على النشاط والحيوية... استمري
سلم يدياتك وصحة وهنا على قلوبكم
وربي يحفظلك بابا وماما ويطول في عمرهم
وماتحرمينا من جديدك
ولك 5 نجووووووم

**موودة** · 08-06-2012, 11:46 AM

ام عدنان
تسلميلي يارب .... ههههههههه تقول تقرى فى افكارى طبعا طرووف مش طريفات

الصابرة
يسلمن ايديك ويعطيك الصحة وبارك الله فيط وطعمتها حلوة بس واجهتنى مشكلة وحدة ان الشربات ما امتصتش كلها قعد عسلها واجد

بنت حواء
تسلمى عزيزتى كلك ذوق وربي يحفظك ويبارك فيك شكرا واجد

الموضوع: [ تطبيق] الهريسة المصرية للصابرة من مطبخ موودة

أدوات الموضوع

عرض

[ تطبيق] الهريسة المصرية للصابرة من مطبخ موودة

معلومات الموضوع

الأعضاء الذين يشاهدون هذا الموضوع

المفضلات

المفضلات

ضوابط المشاركة