[فكرة] بوريك البيض من مطبخ أمـ ساره

[أمـ ساره]

السلام عليكم ورحمة الله وبركاته





هذه فكرتي في قلي البوريك بالبيض

لأني بصراحة ما نعرف انديره وقبل ما نسكره البيض كله يطلع برا

ونقعد حايسة في روحي وفي النهاية نيأس

فقلت خلي نجرب هالفكرة والحمد لله نجحت معاي



البوريك هنا مش بوريكنا الليبي صناعة الحوش ما كان عندي

فجربت بورق السبرينج رول الصغير مش الكبيرة

لأن فورمتي صغيرة وهذه الفورمة لقلي البيض


جهزة ورق السبرينج رول وجهزت خلطة البيض



أول شيء سخنت الزيت ولما جهز حطيت الفورمة






وبعدها حولت الطاوة من على النار وحطيت طرف من البوريك على الفورمة







وصبيت كمية كويسة من البيض على الورقة

وحطيت فوقها الورقة الثانية وسكرتها بسرعة






ورجعت الطاوة على النار وأول ما حسيتها شدت مع بعض






حولت الفورمة وكملت القلي حتى احمر البوريك








وهذا بوريك البيض ولا أحلى







طبعا ممكن تستخدمي قوالب الكب كيك واطيبيه في الفرن

بس لازم تتأكدي ان قوالبك غير لاصقة

وتدهني القالب بكمية كويسة من الزيت

وبعدها تدهني البوريك

او انك تحطي البوريك في صينية زيت وبعدها تحطيه في القوالب




وان شاء الله طريقتي تعجبكم

[الصابرة]

ماشاءالله فكرة حلوة
سلمت دياتك
وربي يحفظك
واحلى تقييم

[أمـ ساره]

الله يسلمك ويبارك فيك صابرة

ومشكورة على المرور والتقييم

[بنت حواء]

فكرة رااااااائعة سلم يدياتك الحلوة
و 5 نجوووووووم

[luba]

فكرة رائعة جدا جدا

تسلمي انت وافكارك ربي مايحرمنا منك ويناولك اللي في بالك

جاري التقييم ليك وللموضوع

[المصراتيه]

ماشاءالله فكره حلوه
تسلم يدياتك

[آمال]

ماشاء الله
بارك الله فيك وفي بنات أفكارك
تستاهلي أحلى نجمات

[نسيبة]

يعطيك الصحة وتسلم الايادي ام سارة

[بنت الاشراف]

سلمت يداك

[luba]

فكرة حلوة ومش عادية ربي يعطيك الصحه