[ أفكار ] لطبخ الأومليت بالميكرويف

[ليبية]

أفكار لطبخ الأومليت بالميكرويف

هذا صحن صنع خصيصا لعمل الأومليت اللذيذ في الميكرويف
بصراحة عجبتني فكرته خصوصا انه قلي الأومليت والقلي بصفة عامة يزعجني

شوفوا الصحن

ياذوب تحطوا الخليط وتخلوه في الميكرويف لمدة 2 دقيقة وبعدين تطلعوه وتحطوا الجبن او الحشو اللي انتم تبوه وبعدين تسكروا الصحن على بعضه وتحطوه في الميكرويف لمدة دقيقة
وهكي تتحصلوا على احلى اومليت ب 3 دقايق بس

ونفس الشي بالنسبة لمقلاة الخاصة بالأومليت بس على النار مش بالمكرويف

لكن اني مشفتش منه الصحن ولا المقلاة هذا في السوق(ياريت اللي شافته تقولنا وين وبكم)
فقلت خلي نشوفلكم حل تاني بحاجة موجودة في الحوش

بكل بساطة تاخذ البيض والخلطة متعك طريقتي ( بيض ,ملح,فلفل اسود, بقدونس, ثوم,مشروم,بصل اخضر)
تاخذي صحن وتدهنيه بالزبدة ولا بالزيت (حاولي تختاري صحن املس باش مايلصقش فيه البيض)
وتحطيه في الميكرويف لمدة 2دقيقة
وبعدين تحطي الحشو اللي تبيه على البيض في جهة من صحن ثم اثني الجهة الأخر (وممكن الأستغناء عن الحشو) وحطيه بالميكرويف لمدة دقيقة

وهاهو احلى طبق اومليت ب 3 دقائق فقط

وصحة وهناء

الموضوع مجهود شخصي وحصري لمنتدى المطبخ الليبي

دعواتكم

[أمـ ساره]

ماشاء الله أفكار رووووعه

سلمت ايديك حبوبة وربي يبارك فيك

[السمحة]

عندى نفس هذا بالظبط ولكن من ايطاليا

[فضااوي]

الله يعطيك العافيه على الموضوع الاكثر من راائع

بصراحة هنا ما شفته

اتمنى البناات يفيدنك ويفيدناا

[ليبية]

اقتباسالمشاركة الأصلية كتبت بواسطة أمـ سارهماشاء الله أفكار رووووعه

سلمت ايديك حبوبة وربي يبارك فيك



الله يسلمك ام سارة نورتيني
اقتباسالمشاركة الأصلية كتبت بواسطة السمحة
عندى نفس هذا بالظبط ولكن من ايطاليا


تتهني بيها يارب شن رايك فيها مليحة ولا لا؟؟؟

ان شاء الله اكيد البنات اللي عندها معلومة مش حتقصر معانا نورتيني فضفصض

[ابريكه]

فكرة حلوة وخليتينا نفكرو نشرو زية كان القينا ان شاء الله
بانتظار جديدك حبوبة

[ام الجميلات]

مشكورة كتير لكن انا لغياته الميكرويف في المطبخ لانه غير صحي بالنسبة لي
ومشكورة ويعطيك العافية

[السمحة]

اقتباسالمشاركة الأصلية كتبت بواسطة ليبيةاقتباسالمشاركة الأصلية كتبت بواسطة أمـ سارهماشاء الله أفكار رووووعه

سلمت ايديك حبوبة وربي يبارك فيك



الله يسلمك ام سارة نورتيني
اقتباسالمشاركة الأصلية كتبت بواسطة السمحة
عندى نفس هذا بالظبط ولكن من ايطاليا


تتهني بيها يارب شن رايك فيها مليحة ولا لا؟؟؟
جميلةجدا

ان شاء الله اكيد البنات اللي عندها معلومة مش حتقصر معانا نورتيني فضفصض

[ليبيا قلبى]

بارك الله فيك

[ليبية]

وفيك بارك الله نورتي