[مشاركة في المسابقة المفتوحة للمقبلات الرمضانية] عجة مقلية من مطبخ لوبا

[luba]

السلام عليكم ورحمة الله وبركاته

العجة المقلية

قلت خليني انزلها ونفكر البنات بيها وزي الشربه كل وحدة وطريقتها

وحاجات اني نضيفهم غيري لا وحاجات هما يضيفوها واني لا

نجرب منهم ويجربوا مني







3 فصوص كبار توم مهروس - 1 بطاطا مقطعه مربعات رقيقة - 1 بصله صغيرة مفرومة ناعم







نضيف عليهم ملح حسب الرغبه - نصف ملعقة صغيرة كمون حوت - ربع ملغقة صغيرة فلفل اسود

نصف ملعقة صغيرة فلفل بودرة احمر - رشة كركم - ربع ملعقة صغيرة حرارات مشكلة -

نصف ملعقة صغيرة كسبر مرحي







نضيف عليهم 3 بيضات كميتي مش هلبه ونحركهم كويس







اضفت عليهم 4 ملاعق كبيرة دقيق ابيض ( كل واحد ونوعه ) و معدنوس






نحركهم كويس و تكون متماسكة قليلا مش جارية





نزليهم بملعقة كبيرة او صغيرة وافرديها في الزيت كيف ماتحبياحني نحبوها متوسطة او رقيقة

تقلي في زيت متوسط العمق وتقلي في الاول علي نار عاليه

تم متوسطة ونراجوها لين تاخد لون و نصفيها علي مناديل مطبخ


ان شاء الله تعجبكم طريقتي

[الصابرة]

ماشاءالله طريقة تهبل وجديدة عليا
اني عمري ماحطيت فيها بطاطا
سلمت دياتك ويعطيك الصحة
واحلى تقييم
بس نبي نسئل البطاطا اطيب

[luba]

منورة الموضوع وليك وحشه

اكيد اطيب انت مااديريهاش

مكعبات كبيرة و اني نخلي فيها علي نارمتوسطة تاخد في وقت معقول

[حبيبتهم]

ماشاء الله عجة روعة يا لوبا
اني نحبها هكي لكن زوجي يحبها بلا خضرة
ولكن في اختلاف عليك
اني مانديرلهاش في حرارات وفلفل اسود ماتعجبش فيا طعمة الحرارات في العجة
اندير في كمون وفلفل وبزار وشوية معجون طماطم وشوية بيكنج بودر وطبعا ملح

ونطيب فيها حتى في الكوشة غير اللي في الكوشة اندلع فيها انديرلها في جبنة وزيتون وفلفل اخضر

[بنت حواء]

ماشاء الله عجة تشههههههي
أنا مانديرلهاش في خضرة ندير في الثوم والكسبر فقط
بس طريقتك عجبتني سلم يدياتك
وصحة وهنا على قلوبكم
و 5 نجووووووم

[luba]

بارك الله فيكن علي المرور ومنورات الموضوع

[مغتربة 7]

ماشاء الله عجة تسهف
تسلم الايادي يااحلى لوبا
تستاهلي التقييم

[luba]

شكرا غروبة علي مرورك الرائع

[نسيبة]

تسلم الايادي حبوبة يعطيك الصحة

[luba]

الله يسلمك اسعدني مرورك