[مشاركة في المسابقة المفتوحة للمقبلات الرمضانية ] العصبانه من مطبخ ام هداية

[ام هداية]

السلام عليكم ورحمة الله وباركاته

صحة فطوركم وتفضلوا معاى على صونية عصبان





الطريقة

العصبانه تتكون من مكعبات صغيرة دجاج وبصل وشوية معدنوس
ندبل البصل ثم تظاف مكعبات الدجاج الى ان ينضج ثم يظاف المعدنوس


مكعبات بطاطا مقلية وبذنجان وكوسة وفلفل مقليات




تظاف هريسة عربية وممكن تلغيها وجبنة ابراج مكعبات او مازورلا



تكور المقادير السابقة باليد وتغمس فى الدقيق





ثم تغمس فى البيض ثم الخبزة المرحية







تقلى فى زيت غزير





لا تقسم الا بعد ان تبرد تماما حتى لا تتفتت


وتقدم بالهناء

[حبيبتهم]

ماشاء الله روعة

اول مرة نشوفها
تسلم ايديك
بس بنسألك شنو جبنة ابراج
والمكونات لما خلطتيهم درتي لهم بيض او لا بيش يمسكن في بعض

وليك تقييمي

[ام هداية]

مشكورة اختى حبيبتهم بارك الله فيك على التقييم

جبنة ابراج يعنى جبنة حمراء عرفتيها تقصيها مكعبات ولاتوجد اى بيضة لميها بشوية بين ايديك وغمسى فى الدقيق تشد معاك

[الصابرة]

ماشاءالله عليك
اول مرة نسمع بيها لكن اكيد من دياتك كل شئ حلو
واحلى تقييم
واسئلتي زي وخيتي حبيبتهم

[luba]

ماشاء الله اللهم صلي علي النبي ربي يسلمك
ويحفظك اول مرة نسمع بيها رووووعة جاري اللطش للتطبيق والتقييم

[بنت حواء]

ماشااااااااااء الله رووووووووووعة
أول مرة نسمع بيها وفعلا شكلها زي عصبانة الكرشة بالزبط
سلم يدياتك الحلوة وصحة وهنا على قلوبكم
و لك 5 نجوووووووووم

[ام هداية]

بارك الله فيكم اخواتى على ردودكم وجربوها ان شاء الله تعجبكم

[شروق الشمس]

ماشاء الله
شكلها ايهبل
و زي ماقالت بنت حواء زي عصبانة الكرشة
و تسلم ايدياتك الحلوة

[رولا]

يسلمو يدياتك شكلها يسهف

[أم أيوب]

ماشاء الله يا ام هداية منظرها قمة في الروعة وفكرتها جديدة نيو

ان شاء الله تعالى دايرتها اليوم عالفطور

لكي تقييمي