[رز مخلط] من مطبخ ليبيا

[ليبيا]

السلام عليكم ورحمة الله

تعرفوا تحشمت واني نكتب من مطبخ ليبيا!!
يعني مش لدرجة مطبخ ليبيا ههههههه
ماعنديش مطبخ خخخخ


المهم هادي اكلتي وهي عبارة عن
رز بالخضرة ومايسمى بالدارج عند البعض عصبان البايرات خخخخخ
يعني بلا مصارين ولا كرشة




1/ معندوس وبصل اخضر وعادي وشوية حمص ولحم مقطع الى قطع متوسطة


2// وزيادة شووية خضرة تانية ,, فلفل اخضر وطماطم اخضر وجزر مايعرف بالسفناري
وبطاطا واى خضرة ممكن اضافتها وايضا ممكن بازيليا بس ماكنش في يومها خخخ




3/// نحطوا عليهن الرز مايقارب كيلو تقريبا



4//// وانضيفوا بعدين الدباير اني عادة انخلط فيهن في فنجان برة وبعدين انضيفهن
" فلفل احمر واسود وبزار وملح ووشوية حرارات لو حد يحبهن وزنجبيل ايضا يعطي نكهة حلوة وايضا زيت " واهنى زيتها زيت زيتون "




5///// وهنا بعد خلطهن مع بعضهن



6////// وهنا وهن في الكسكاس ،، وانخلوه يبوخ ونغطوه



7/////// وبالهناء والشفاء

صحتين على قلوبكم ,,


شن رايكم ؟؟

[أمـ ساره]

ماشاء الله ليبية رز مقوم

لكن اول مرة نعرف انه يديروله في الحمص


سلمت ايدياتك حبيبة وربي يبارك فيك

[ليبيا]

اقتباس
المشاركة الأصلية كتبت بواسطة أمـ ساره





ماشاء الله ليبية رز مقوم

لكن اول مرة نعرف انه يديروله في الحمص


سلمت ايدياتك حبيبة وربي يبارك فيك

اهلين اوخيتي أمـ ساره ..

الله يسلمك ..
ايه احنى انديروا في اى خضروات وحتى الحمص والبازلياء
ايجي قنين الحق ..

صحيتي على الزيارة الحلوة وتواجدك في مطبخي .. تسلمي ...

[فضااوي]

صراااحه روووووووووووعه

شهيتني

تسلم الاياااادي يالغلا

[ليبيا]

اقتباس
المشاركة الأصلية كتبت بواسطة فضااوي





صراااحه روووووووووووعه

شهيتني

تسلم الاياااادي يالغلا

هلا هلا فضاااوي ...

الله يسلمك عزيزتي .. الروعة حضورك ومشاركتك في متصفحي ..

الله يخليك ..

[زينب محمد]

ماشاء الله لا قوة إلا بالله

رز يسهف و يستاهل التقييم

الله يسلم ايديك و يعطيك الصحة و العافية حبيبتي

صحتين و هناء على قلوبكم

ننتظر منك مزيدا من المشاركات و الموضوعات و التطبيقات

دمت في حفظ الرحمن

[ليبيا]

اقتباس
المشاركة الأصلية كتبت بواسطة زينب محمد





ماشاء الله لا قوة إلا بالله

رز يسهف و يستاهل التقييم

الله يسلم ايديك و يعطيك الصحة و العافية حبيبتي

صحتين و هناء على قلوبكم

ننتظر منك مزيدا من المشاركات و الموضوعات و التطبيقات

دمت في حفظ الرحمن

الله يسلمك اوخيتي زينب ..

تسلمي ع الاطراااء ..باارك الله فيك .. وصحيتي هلللبة ..
شرفتي متصفحي ..

[ابريكه]

يسلم يدياتك
احني نقولولة رز المحشي ههههههههههه
وزوجي يموت فية ومفضل عندة
لكن مانديروش في الحمص
رز مقوم تستاهلي التقويم

[ليبيا]

اقتباس
المشاركة الأصلية كتبت بواسطة ابريكه





يسلم يدياتك
احني نقولولة رز المحشي ههههههههههه
وزوجي يموت فية ومفضل عندة
لكن مانديروش في الحمص
رز مقوم تستاهلي التقويم

اهلا بوخيتي ابريكه ..
رز المحشي من غير المحشي ههههههههههه
بصراحة هو حلو وعملي يعتبر وجبة سريعة لو ماتبيش تخممي في شئ
بس جمعي خضرتك ودبايرك ورزيزة ايجي ياسلام عليه
احنى الحمص والبازيليا واى خضرة ممكن تنضاف ..

تسلمي ياارب وبارك الله فيك وصحيتي اوخيتي ..ديما حاضرة ان شاء الله

[ام الجميلات]

يسلموووا