[رز مخلط] من مطبخ ليبيا

**ليبيا** · 12-21-2010, 11:23 PM

السلام عليكم ورحمة الله

تعرفوا تحشمت واني نكتب من مطبخ ليبيا!!
يعني مش لدرجة مطبخ ليبيا ههههههه
ماعنديش مطبخ خخخخ

المهم هادي اكلتي وهي عبارة عن
رز بالخضرة ومايسمى بالدارج عند البعض عصبان البايرات خخخخخ
يعني بلا مصارين ولا كرشة

1/ معندوس وبصل اخضر وعادي وشوية حمص ولحم مقطع الى قطع متوسطة

2// وزيادة شووية خضرة تانية ,, فلفل اخضر وطماطم اخضر وجزر مايعرف بالسفناري
وبطاطا واى خضرة ممكن اضافتها وايضا ممكن بازيليا بس ماكنش في يومها خخخ

3/// نحطوا عليهن الرز مايقارب كيلو تقريبا

4//// وانضيفوا بعدين الدباير اني عادة انخلط فيهن في فنجان برة وبعدين انضيفهن
" فلفل احمر واسود وبزار وملح ووشوية حرارات لو حد يحبهن وزنجبيل ايضا يعطي نكهة حلوة وايضا زيت " واهنى زيتها زيت زيتون "

5///// وهنا بعد خلطهن مع بعضهن

6////// وهنا وهن في الكسكاس ،، وانخلوه يبوخ ونغطوه

7/////// وبالهناء والشفاء

صحتين على قلوبكم ,,

شن رايكم ؟؟

**أمـ ساره** · 12-21-2010, 11:50 PM

ماشاء الله ليبية رز مقوم

لكن اول مرة نعرف انه يديروله في الحمص

سلمت ايدياتك حبيبة وربي يبارك فيك

**فضااوي** · 12-21-2010, 11:52 PM

صراااحه روووووووووووعه

شهيتني

تسلم الاياااادي يالغلا

**زينب محمد** · 12-22-2010, 02:27 AM

ماشاء الله لا قوة إلا بالله

رز يسهف و يستاهل التقييم

الله يسلم ايديك و يعطيك الصحة و العافية حبيبتي

صحتين و هناء على قلوبكم

ننتظر منك مزيدا من المشاركات و الموضوعات و التطبيقات

دمت في حفظ الرحمن

**ابريكه** · 12-22-2010, 04:09 AM

يسلم يدياتك
احني نقولولة رز المحشي ههههههههههه
وزوجي يموت فية ومفضل عندة
لكن مانديروش في الحمص
رز مقوم تستاهلي التقويم

**ام الجميلات** · 12-22-2010, 08:27 AM

يسلموووا

**ليبيا** · 12-22-2010, 09:27 AM

اقتباس
المشاركة الأصلية كتبت بواسطة أمـ ساره

ماشاء الله ليبية رز مقوم

لكن اول مرة نعرف انه يديروله في الحمص

سلمت ايدياتك حبيبة وربي يبارك فيك

اهلين اوخيتي أمـ ساره ..

الله يسلمك ..
ايه احنى انديروا في اى خضروات وحتى الحمص والبازلياء
ايجي قنين الحق ..

صحيتي على الزيارة الحلوة وتواجدك في مطبخي .. تسلمي ...