السلام عليكم ورحمة الله وبركاته
نبدا بالمقادير :
بطاطا مقشرة ومقطعة دوائر + عصاج مفروم ( مفروم + كسبر + معدنوس + بهارات + بصلة مفرومة + طماطم معجون + ملح )
بيض + خبزة مرحية + جبنة شرائح
الطريقة:
بعد ما قطعتي البطاطا دوائر والأفضل تختاري بطاطا بحجم صغير وتكون احجام الحبات متقاربة
وتكون سميكة شوي مش واجد زي ما واضح في الصورة
حطيها في طنجرة فيها مية وملح وخليها تغلي شوي على النار
ما تخليهاش فترة طويلة يادوب عشر دقايق بس بعدين صفيها وصبي عليها مية باردة
خلطي مكونات العصاج
وخليه يطيب على النار بالمهل لعند ما تجهزي البطاطا
ناخد كل دائرة نغمسها في البيض بعدين في الخبزة المرحية ونقليها في زيت غزير على نار هادية عشان نضمن ان البطاطا طايبة
صفيها من الزيت كويس وهدا شكلها
المفروم توة جاهز نضيفله بيضة عشان يشد
ناخد كل شريحة بطاطا ونحط عليها ملعقة كبيرة مفروم ونكبسها بيدي بشويش عشان المفروم يثبت
نقصص جبنة الشرائح سيور ونشكل شباك على كل دائرة فوق المفروم
نرصها في طاجين
وندخلها لفرن ناره هاااااادية عشان يجف المفروم وتسيح الجبنة
وهنا بعد طلعتها من الفرن
في أمان الله
المفضلات