السلام عليكم ورحمة الله وبركاته


سيداتى العزيزات سيدات المطبخ الليبي

طبعا هذه مش قصقصة
بس عشان نستفيدو من خبراتكن وكيفية تنظيم حياتكن
بحيث مايكونش فيه تقصير من اى ناحية
خاصا ونحن عارفين ان المرأة حياتها كلها تضحيات لحنانها وكبر قلبها


البيت والعمل



من فيكن تشتغل؟

ومن متفرغة لــ بيتها فقط ؟

ومن كانت تدرس وتشتغل وبعد الزواج سيبت وتفرغت لــ بيتها؟

يعنى اللى تشتغل توة وعندها اولاد هل شغلها دوام كامل وتروح مع زوجها ؟

اذا كان كذلك امتى اطيب الغداء واطفالها لو مدارس كيف دايرة معاهم

ولو اطفال صغار عند من تحط فيهم وقت ماهى قاعدة فالعمل؟

ولو عملها دوام مش كامل زى المعلمة مثلا كيف منظمة امورها

امتى تروح وامتى تسوى الغداء وهل زوجها يطلع من العمل عشان يروح بيها او مدايرلها سيارة ؟





وماعنداش مانع ان زوجته تتصرف فى امورها وتنظمها كيف ماتبي





هل شغلها سببلها اشكالية مع زوجها؟؟

هل زوجك مقدر وموافق على شغلك لــ درجة انه مرات يساعدك فى شغلك فى البيت ؟




(مع انى عارفة ان الراجل الليبي مش شوره الحاجات هذين)



ولو ست بيت ومتفرغة لــ بيتها كيف دايرة وامتى تبدا تخش للمطبخ





وهل لأنها ماتشتغلش معوضة الموضوع فى كثر الطلوع للمناسابات واللمات؟

او انها بيتوتية وتحب مملكتها وخصوصيتها ؟


هل ست البيت تمل من البيت وتبي تشتغل او مبسوطة بروتينها؟



احكولنا بكل صراحة لأن البيت عبارة عن مدينة

والزوجة فى نظرى هى رئيسة المدينة مش الزوج

يعنى لو مسيطرة على شؤون بيتها حتكون المدينة متوازنة

وحيكون السكان من افضل مايطلع للمجتمع


لكن الكلام سهل والواقع فيه مطبات

ومهما الواحد حاول وتعب اكيد حيجيه وقت ويغلط ومرات مش عارف انه غلطان



خلاصة الكلام


نبو نستفيدو بخبراتكم حتى لو اختلفت الظروف والناس وغيرها

اكيد بحكم عاداتنا وتقاليدنا وحبنا لأتباع الأفضل

حنطلعوا الزبدة من الموضوع ولا لا؟


تحباتى
مودة