[ المبطن ] من مطبخ ام اسيل وايه والاء

**ام اسر** · 12-22-2010, 02:50 PM

السلام عليكم ورحمة الله وبركاته

اكيد الكل يعرف المبطن والكل يحبه
فحبيت انزل طريقتي في اعداده وان شاء الله يعجبكم

المقادير
لحم مفروم
معدونس مفروم
بصل ناعم
فلفل اكحل
ملح
حرارات
بيضتين
خبزه مرحيه
طريقتي اني ماانطيبش الكيمه
بطاطا

للتغليف
بيضه
دقيق
خبز مرحي
الطريقه
بعد خلط جميع المقادير مع بعض وفتح البطاطا مع مراعاة عدم فتحها كلها
نحشي البطاطا بالحشو تم نغمسها بالدقيق تم البيض تم الخبز وتقلي في زيت ساخن
وغزير مع مراعاة التقليب المستمر حتي يطهو جيدا
ويوكل بالهنا والشفاء

**طمطم** · 12-22-2010, 03:53 PM

مشهي شكله.... خاطري حتى اني يجيني شكله هكي لما ينقلى مش عارفه علاش اني حواشيه يتغيرو بعد ما ينقلى ويكون فيه لون اسود بسبب احتراق بعض الحشو
على فكرة يا عسل شني المعجنات اللي تبان في الصور؟؟؟؟؟؟ قصقصة.... شكلها حلو ياريت تنوهيلها وربي يخليلك أسيل وآية وألاء.... أسماهم حلوة

**حنان** · 12-22-2010, 03:54 PM

ماشاء الله عليك امبطن قنين يسلم ايديك يارب وصتين على قلبك
ويستحق التقيم

**أم أيوب** · 12-22-2010, 04:12 PM

يسلمو ايديك منظرها حلو ويشهي

ربي يباركلك في بنوتاتك

**ام اسر** · 12-22-2010, 04:16 PM

اقتباسالمشاركة الأصلية كتبت بواسطة طمطممشهي شكله.... خاطري حتى اني يجيني شكله هكي لما ينقلى مش عارفه علاش اني حواشيه يتغيرو بعد ما ينقلى ويكون فيه لون اسود بسبب احتراق بعض الحشو
على فكرة يا عسل شني المعجنات اللي تبان في الصور؟؟؟؟؟؟ قصقصة.... شكلها حلو ياريت تنوهيلها وربي يخليلك أسيل وآية وألاء.... أسماهم حلوة
اهلين حبوبه نورتي
وعلي القلي ديما يبي حاجه ضيقه افضل يعني انفضل في طنجره علي الطاجين لانها اتعم الحاجه كلها ويكون الزيت غزير يعني يسخن هلبه واول ماتحطي عليه الحاجه اتنقصي الغاز ويطيب علي مهله مع مراعاة التقليب لين يتحمر وبس
والمعجنات بادن الله انزلهم هدي اسبوع بنتي اسيل في بريطانيا الكميه محدوده هههههه في ليبيا توا في الاء زيها 4مرات هههههههههههه
وعلي الاسماء انتي احلي حبوبه

اقتباسالمشاركة الأصلية كتبت بواسطة حنانماشاء الله عليك امبطن قنين يسلم ايديك يارب وصتين على قلبك
ويستحق التقيم
الله يسلمك يارب والف شكر علي التقيم فرحت هلبه لانه اول موضوع ليا

**ام اسر** · 12-22-2010, 04:22 PM

اقتباسالمشاركة الأصلية كتبت بواسطة زهورة الأمورةيسلمو ايديك منظرها حلو ويشهي

ربي يباركلك في بنوتاتك

الله يبارك فيك يارب
نورتي

**نوارة ليبيا** · 12-22-2010, 05:50 PM

ماشاء الله تبارك الرحمن امبطن ايسهف وايهبل ربي يسلم ايدياتك يارب ^_^

**فضااوي** · 12-22-2010, 06:09 PM

ماشاء الله

روووووووووعه

تسلم الايادي يالغلا

**ام الجميلات** · 12-22-2010, 07:01 PM

ايوة اطلع وبان ما شاء الله عليك يام اسيل اشي باين عليك شاطرة في الاكل والباقي شني هديكا سلطة مشوية معروفة واللي التاني شكله كباب ملفوف شني اماله عزومة الاء شكلها ان شاء الله تتربى في عزك وعز اوبيها

**ام اسر** · 12-22-2010, 07:15 PM

اقتباسالمشاركة الأصلية كتبت بواسطة نوارة ليبياماشاء الله تبارك الرحمن امبطن ايسهف وايهبل ربي يسلم ايدياتك يارب ^_^ الله يسلمك يارب نورتي

اقتباسالمشاركة الأصلية كتبت بواسطة فضااويماشاء الله

روووووووووعه

تسلم الايادي يالغلا
الله يسلمك يارب نورتي

اقتباسالمشاركة الأصلية كتبت بواسطة ام الجميلاتايوة اطلع وبان ما شاء الله عليك يام اسيل اشي باين عليك شاطرة في الاكل والباقي شني هديكا سلطة مشوية معروفة واللي التاني شكله كباب ملفوف شني اماله عزومة الاء شكلها ان شاء الله تتربى في عزك وعز اوبيها لالا .لا شاطره ولا شي هدا قليل مما عندكم والي معاها كباب دجاج وسلاطه مشويه
وهو في لمة اسيل لما كنت في بريطانيا
توا انزلهم هما ولمة الاء بادن الله

الموضوع: [ المبطن ] من مطبخ ام اسيل وايه والاء

أدوات الموضوع

عرض

[ المبطن ] من مطبخ ام اسيل وايه والاء

معلومات الموضوع

الأعضاء الذين يشاهدون هذا الموضوع

المفضلات

المفضلات

ضوابط المشاركة