[بفتيك الدجاج ] من مطبخ لوبا

[luba]

السلام عليكم ورحمة الله

بفتيــــــــك الدجــــــــــــاج

يقطع صدر الدجاج الي شرائح رقيقه او متوسطه وادا كانت سميكه توضع عليها نايلون وتطرق طرق خفيف و يضاف عليها بصله مبشورة و بيضة وربع ملعقة صغيره فلفل اسود وملح وتترك في التتبيله لمدة ساعتين او اكتر في التلاجة







تم نغمس كل طرف في بيضة مخفوقه بي ملح وفلفل اسود تم تغطي في بقسماط ( الخبز الجاف المرحي )






وتقلي في طاجين واسع في زيت حامي ليس غزير علي نار متوسطه حتي تتحمر وتقلب من الجهتين






وهدي الصورة الوحيدة بعد القلي مباشرة اسفه لقله الصور لانها كانت عندي عزومه ونسيت ماصورت بعد كملتهم

[حبيبتهم]

بما اني اول وحدة سبقت عليه كله ليا اني وتسلم ايدك يا لوبا

[sweet nona]

يسلموووو



حبيبتهم خليلي حصة اني صايمة باش نتعشى بيها

ههه

منورة لبنى العسل

احلى تقييم

[مغتربة 7]

يالطيف الواحد ما يحصل معاكم فى شي شن هذا
غير جت فى حبيبتهم اول مرة تاخد صحة صحة وسويت هني روحك راك تسمني يابنت


يميييييييييييييييييييييي
بسم الله ماشاء الله
بفتيك ايجي فى الخاطر خاصة من ايديات لوبا
تسلم الايادي وصحتين على الى كله
احلى تقييييم لعيونك

[حبيبتهم]

نسيت لك تقيمي انتي والموضوع

[luba]

اهلين بالغاليات اللي نورن موضوعي

ماتتعاركوش درت 10 طروف غير من الاستعجال نسيت الصورة هدومه 3 علي قدكم

تقاسموهم وربي مايحرمني من طلتكن يارب

[لوتي]

غروبة تعالي راجي معاي الطريفات إللي ينقلو بفتيك من إيدين لوبا ميتفوتش ماشاء الله ربي يحفظك علي الأكلات الحلوات تستاهلي التقيييم

[دانية]

ماشاء الله عليك الباين انك نويشطة في الكوجينة ... واكيدة سفيان وأب سفيان زايطين مع اكلاتك ... ربي يسلمكم كلكم ..ويخليك لهم..

[luba]

لوتي يعطيك السلامة موتيني ضحك ههههه احسن خوديهم سخونات
خير من اللي بيسخنوا في الميكروويف نورتي يا حلوة

دندونة الله يخليك سفيانك ولقمانك وبوا العيلة ماننحرم من طلتك يارب

[مغتربة 7]

غروبة تعالي راجي معاي الطريفات إللي ينقلو بفتيك من إيدين لوبا ميتفوتش ماشاء الله ربي يحفظك علي الأكلات الحلوات تستاهلي التقيييم

يالوتي ياام الافكار جبتيها والله
يعطيك السلامة قتلتيني من الضحك الله يضحك سنك