[كبدة خروف مقلية ] من مطبخ لوبا

[luba]

السلام عليكم ورحمة الله



كبدة خروف مقلية






كبدة وقلب وكلاوي خروف مقطعة قطع متوسطة و تغسل وتصفي من الماء

اضفت معها لحم خروف مقطع ومفتوح ( مشلح )



تبلتهم بي فلفل احمر بودرة و كركم وملح









نضع اللحم في الاول في طاجين به زيت علي النار المتوسطه ونخليه يطلع الماء

ويطيب فيه حتي يجف شويه




نضيف قطع الكبدة ونسكر عليهم بغطاء حتي ينضجوا كويس





وبعد يجف ماء اللحم والكبدة لو نضجوا نقليهم في الزيت ولو مانضجوش نضيفولهم شوية ماء

نرفع الغطاء ونقليهم في الزيت حتي يتلونوا وتشمي الريحة اللي تهبل








وان شاء الله تعجبكم

[لوتي]

من حسن حظي أول وحدة انرد أكلات لوبا ميتفوتنش يسلموووووو إيدياتك تبارك الرحمن عليك وأكيد التقييييم ممتاز

[دانية]

ياسلام كبدة حولي ( خروف) واخرى من لوبا اكيدة تعجبنا ... الله سهفتيني سلم ايديك ديما حاجاتك مميزة.

[luba]

لوتي دلوعتنا ودندونه حبوبتنا مشكورات علي الزيارة للصفحة

ربي ما يحرمنا من الغاليات ويعطيكن الصحه

[مغتربة 7]

لوتي فاتني القطار لكن انتي صاحبتي اكيد راح تقسمي عليا لاني ما شفتش الموضوع الا توا

يميييييييييييييييييييييييييي
ماشاء الله كبدة بنة وصنة
تسلم الايادي
واحلى تقييم لي احلى لوبا

[حبيبتهم]

ماشاء الله يا لوبا

كبدة وشوايات ايهبلن تسلم ايديك وصحتين عليكم

[sweet nona]

كبدة تفتح النفس ريحتها وصلت للصالون جيتك نجري ههههه

لبنى منظرها ماشالله تسلم الايادي يارب

واحلى تقييم

[luba]

مغتربه وحبيبتهم وسوسو ربي ينجيكن ويعطيكن الصحة

نورتن الموضوع ياالغاليات

[بنت حواء]

ماشاء الله كبدة تاخذ العقل
ذكرتيني بأجواء العيد من توا هههههههه
سلم يدياتك وصحة وهنا

[خوخة]

ماشاء الله كبيدة تسهف خليتيها في خاطري واني حامل ههههههههههههههههههههههههه