[سندوتشات الرسالة] من مطبخ ورد الآماني

[ورد الأماني]

بسم الله الرحمن الرحيم




هذي أول مشاركة ليا وياريت تشجعوني

السندوتشات هذي من أحلى السندوتشات اللي ذقتها وديما اندير فيها

لأن عجينتها اتهبل وتقدري تديري الحشوة أي نوع بس السر في العجينة

مقادير العجينة :
2 إلى 3 كوب دقيق
ثلاث أرباع كوب زبدة سائحة
ثلاث أرباع كوب بطاطا مسلوقة ومهروسة
ملعقة صغيرة b.p

ملعقة صغيرة ملح
عدد 2 بيض
حوالي 2-3 ملعقة ماء للعجن

الطريقة :
تعجن مقادير العجينة جيداً حتى تتماسك العجينة ولا تلتصق وتترك لتخمر نص ساعة أو حتى تجيهيز الحشوة



تفرد العجينة بالضرابة وتلاحظي إن العجينة حلوة في الفرد

تقطعيها مربعات



أول شي حطيت صلصة بيتزا مخلوطة مع هريسة عربية



جهزي العصاج أو المفروم حسب ذوقك أو ممكن تستبدلي الحشوة بالدجاج أو الجبنة أو أي شي تحبيه

حطيت جبنة سائلة وممكن تستخدمي أي نوع جبنة ممكن حتى حبنة الخلاط ثم حطيت فوقها المفروم

ناخذ طرفين متقابلين من المربع ونسكرهم على بعضهم مثل ماهو واضح بالصورة

بعدين نسكر الطرفين الآخرين فوقهم وممكن في الوسط تزينيها بالزيتون انا هنا نسيت ماحطيتش الزيتون



رتبي المربعات في طالطاجين وادهنيها بالبيض المضروب مع الحليب ورشي الجلجلان ودخليها الفرن

[om_adnan]

مرحبتين بيك ورد فى بيتك التانى,انا نسميها فطائر البطاطا وفعلا فيهم طعمه زايده,بدايه موفقه ,فى انتظار باقى الموضوع.

[شروق الشمس]

حبوبه ياريت اتكبري الصور شوي اتحسيهم صغنطوتات هلبه
و حاجه ثانيه المقادير مافيهمش خميرة بيرة(خميرة خبز) و انت كاتبه خليها تخمر
و الله ايسلم ايدياتك الحلوة و يبارك لك في صحتك
و مازلنا نستنوا في باقي الموضوع

[ام ليبيه حره]

ياريت اختي الغالية توضحي الطريقة اكثر
زي ما قتلك الاخت فيه خميرة بيرة
وياريت تنزلي الصورة النهائية

[ورد الأماني]

عزيزاتي شروق الشمس وأم ليبية حرة الصور توا أوكي ومن النت طلعو كبار وتوا لقيتهن كويسات
والعجينة مافيهش خميرة خبزة بس فيها خميرة حلويات واللي كاتبتها مع المقادير b.p
وباقي الصور حاولت انزلهن لكن النت استك معايا وحنحاول توا ويستر الله
وشكراً على الرد والتشجيع

[ورد الأماني]

بقـيــــــــــــــــة

حطيت جبنة سائلة وممكن تستخدمي أي نوع جبنة ممكن حتى حبنة الخلاط ثم حطيت فوقها المفروم

6.jpg

ناخذ طرفين متقابلين من المربع ونسكرهم على بعضهم مثل ماهو واضح بالصورة



7.jpg

بعدين نسكر الطرفين الآخرين فوقهم وممكن في الوسط تزينيها بالزيتون انا هنا نسيت ماحطيتش الزيتون
8.jpg

رتبي المربعات في طالطاجين وادهنيها بالبيض المضروب مع الحليب ورشي الجلجلان ودخليها الفرن
9.jpg

[خواطر حساسة]

ايسلم ايدياتك

[شروق الشمس]

تسلم دياتك حبيبتي
و شكرا علي التوضيح
الله يعطيك العافيه

[luba]

تسلم الايادي تقدري اديري تعديل في نفس الرد الاول تحت يتبع واضيفي الموضوع

تلقيها علي يدك اليسار تعديل المشاركه قدامها قلم ياريت اضيفيهم غادي

والرسايل حلوات وتو وصلونا شكلهم قنينات هما والعجينه ان شاء الله نجربهم

بارك الله فيك اموني وجاري التقييم ليك ولموضوعك

[مغتربة 7]

ماشاء الله سندوتشات تجنن
وفكرتها حلوة
تسلم الايادي حبيبة
تستاهلي التقييم
حبيبة ياريت تكتبي اسمك الى مسجلة بيه فى المنتدى على الصور
فى انتظار المزيد من ابداعاتك