[تجارب] شنو تستخدمي ؟؟؟؟

[luba]

صح حبيبتهم هدا هو الحق سحر روووعة شوية فيه

لما روحت قعدت نبكي علي الشيشمات قلت واخدينهم غاليات وطاروا في سنه

والمية وقتها كانت مالحه بعدين غيرنا علي الحلوة

وكانت مدايرة عيون في استيل الشيشمات وعليهم اخضر مسحت بس بي نشافة

رجعوا يبرقوا برق اسمعي حبيبتهم جيبيلي واحد لما تزوريني هههههه عارفتك رجعت لعادة التشحيت ههههه

[أمـ ساره]

مساء الخيرات بنات بلادي

جيت وجبت لكم بعض الصور للمنظفات الي نستخدم فيها







لوبا

هذا الي قلت لك عليه ينفع لكل شيء التكلس الشيشمات والبانيو والحوض

مش عادي بصراحة صبيه وحكي بعدها شوي وشوفي النتيجة

والي هو شيشة بيضاء وزرقاء مرسوم عليها شيشمة








وهذا للحمام منظف يومي عادي حتى هو كويس







وهذا منظف للسجاد وبقع الأثاث والصالونات والملابس هو كويس من ليبتال






وهذا منظف رووووووعه لبقع السجاد زي لما تتبزع القهوة أو أي شيء على البساط

حطيه وحكي وقتي وانسي البقع وهذا الي قلت لك عليه نسومه

وهو ماركة كلوركس 409 وفيه منه عدة أنواع لحاجات ثانية مختلفة مش للسجاد بس

[الصابرة]

السلالالالالالالام عليكم ماشاء الله وخياتي كفيتو ووفيتوا الله يارك طبعا اني ضغنونة ومش هديكا الخبرة فبارك الله فيكم استمتعت هلللللللللبة من مشاركاتكم
بنسال وحدة من الاخوات حاطة صورة البودرة الحرة بالله هادي انديرها بعد الكريم الاساس والا تنحط من غير كريم وحاجة تانية فيه منها الماركة هدي بس والا شنو وتستعمل حتي علي الجسم
ولي عودة ان شاء الله باستخداماتي المتواضعة

حبيبة البودرة الحرة اللي نزلتها للوجه بس ماتستعملش للجسم
والانواع والله مانعرفش ممكن ليها انواع اخرى لكن لا ادري لكن النوع اللي نزلته من احسن ماركات المكياج
ونصيحة مجرب خصوصا للبشرتها حساسة
وهيا لازم اتكون بعد كريم الاساس لانها لاثتبت على الوجه من غير كريم اساس
البودرة المضغوطة هي المفروض نستعملوها من غير كريم اساس
وبالنسبة للجسم في بودرات خاصة بيه

[حبيبتهم]

السلام عليكم

يالصابرة البودرة هذي كيف ماقالت خوخة هذي بودرة جسم (بودرة تعطي لمعة للجسم ) ولكن اني مرات اندير فيها للوجه هههه
حتى في العلبة الداخلية متاعها مكتوب عليها بودي بودر
ان شاء الله لما نفضى انصورها ونزلها

واني بنسالكن يا بنات منو عندها معلومة كيف انحول اثر الشاهي الاحمر من الملابس نوع القماش 80% قطن و 20 % بوليستر

[الصابرة]

لا يا حبيبتهم
النوع اللي منزلته للوجه فقط لا يستعمل للجسم
حرام عليكم نشريها بنار وكواى عشان جسمي بينما بودرة الجسم واللي فيها لمعة سعرها مايوفتش 10 دينار
اسمعي لو مازالت الكتابة على العلبة واضحة توا نكتبها ليك عشان تقتنعوا
او عدوا لمحل مواد تجميل وتأكدوا من كلامي وخصوصا برجوا ماركة معروفة
وفي انواع لبودرة الجسم اللي تحكي عليها
وابحثو في غوغل على البودرة الحرة عشان تقتنعوا
والبودرة اللي مخصصة للجسم ماثتبتش مزبوط على الوجه

وبالنسبة لسؤالك ان شاءالله البنات يفيدوك بصراحة ماعنديش فكرة وخصوصا القماش قطن صعب شوي
مش اي حاجة ينغسل بيها

[luba]

ام ساره بارك الله فيك استفدت من اللي نزلتيه وخاصة

متاع السجاد

حبيبتهم اني اي بقع نستعمل في تايد اما الحبوب البيضاء بالزرقة

او تايد السائل نتائج كويسة بس لو نبيه يختفي نهائي لازم نحطه في الشمس

وان شاء الله نلقوا اجابة اخري بيش نجرب

[حبيبتهم]

معليشي يالصابرة ماتزعليش من كلامي مش قصدي شئ
بس اني اللي نعرفها ويمكن اني مانعرفش اللي تتكلمي عليها

وهذي صورتي وهذا اللي نعرفها
واسفة كان فهمتيني غلط






ويا لوبا ماباش ايحول اثر الشاهي بعد ماغسلته ونشرته في الشمس
والمشكلة شاهي طايب ثقيل مش خفيف

[الصابرة]

لا عادي وخيتي حبيبتهم الموضوع مايستحقش اسف عارفتكم انكم ملخبطات
لاني لما خذيتها اول مرة كل من شافها يسحابها بتاعت جسم زيكم
واني ماكنتش نعرفها نين في برنامج انتابع فيه على دبي خبيرة التجميل تكلمت عليها
وقالت ان اللي يستعمل في البودرة المضغوطة مع كريم الاساس استعمال خاطئ وان البودرة المضغوطة تسخدم بروحها بدون كريم اساس
لكن اللي تجي مع كريم الاساس هيا البودرة الحرة هكي اسمها
فعديت سئلت عليها ودلوني على هذه ومشت معاي مش عادية
فلا يهمك حبيبتهم
لاني الموقف طحت فيه واجد غير كلامي توضيح للي اللبس اللي صاير ليكم
والبودرة اللي منزلتيها استعملتها في عرسي
وبعدين عطيتها لاني معاش استحقيت ليها وفعلا مش عادية وماركتها تهبل مشكورة حبيبتهم ذكرتيني بايام جميلة بصورة البودرة

[أمة الله]

السلام عليكم ورحمة الله

أولا : أشكر أختي على الموضوع
ثانيا : عندي ملاحظة وهي ان الموضوع يكو ن مخصص لمواد التنظيف فقط والمواد الأخرى يكون لها موضوع أخر
ثالثا : بالنسبة لمنتجات إزماك هي منتجات إيطالية رائعة فعلا لكن الخاصة بالإستلنلستين إذا كان مش أصلي مرات اتفسده لأن أنا هذا صار في غازي واللوندينو امتاعي كانوا صينيات

مواد التنظيف إلا استخدمها في بيتي
((سامحوني الصور ماقدرتش انكبرها إلا تبي اتشوفها تضغط عليها مرتين )
هذي مواد التنظيف من سماك الأصفر والأبيض البخاخ لإالة الدهون وفعلا رائعات

وملمع اللوح من ازماك فعلا رائع عن تجربة خير من غيره

والأبيض والأزرق الكبار متاع تنظيف أرضيات ولويندينوا ومرحاض أكرمكم الله
والرصاصي سلستين والأبيض مرسوم عليه رؤوس غاز أنا ممشاش مع غازي صدأ








هذا مطهر أرض الشيشة الصغيرة اسمها النسيم ليبية ريحتها اتهبل



وهذا أكثر من رائع في تنظيف الشيشمات ايحول حتى الكلس هو أمريكي الحق واخدتها من سوق في جنب متاع الأسرة إلا في البيفي
وتوا معش في إلا يعرف وين ايبيعوا فيه ايقولي


وهدا ديتول لليدين في الحمام ودبليو سي للحمام أكرمكم الله



ومزال عندي تانيات انصورهم مرة تانية لما ايسخر ربي

[أمة الله]

نبي نستفسر على منظف لوح يحول الدهون إلا في دولاب الكوجينة قد مادرت ماتحولش هو لوح مغلف هدي المطابخ إلا توا

ونبي مزيل بقع متاع ملابس كويس جربت هلبة أنواع مينفعوش