[تجارب] شنو تستخدمي ؟؟؟؟

**أمـ ساره** · 11-20-2012, 01:32 AM

أمة الله

ماشاء الله منظفات حلوة وقريبة من الي نستخدم فيها

وبارك الله فيك على مشاركتنا فيهم

بالنسبة لأسئلتك

المنظف الخاص بالدولاب بصراحة ما نعرف

لكن الخاص بالملابس

هو طريقة الاستعمال الي تبين نوعية المنظف

زي فانيش تستخدميه بأنك تنقعي فيه الملابس فترة وبعدها تغسليها

بصراحة هذه أفضل طريقة وبعدها خليها في عين شمس حتى تختفي البقع

**حبيبتهم** · 11-20-2012, 03:12 PM

اهلين امة الله
بالنسبة لدولاب المطبخ اني انظف فيه بمزيل دهون واكثر شئ نستخدم في نوع زماك تلقي صورته نزلتها قبل في واحد من الردود في الموضوع هذا

وبالنسبة لبقع الملابس على حسب البقعة
لكن في منظف كويس توا ماعنديش منه اسمه اومينو بيانكو
هذي صورته من النت تصبيه عالبقعة مباشرة وتخليه اكثر شئ 10 دقائق بس وبعدها تغسلي القطعة في الغسالة

**حبيبتهم** · 11-20-2012, 03:16 PM

وهذا مجرب لبقع الصدأ مش عادي هو على اساس للملابس القطنية اعتقد
اتدوبي كيس في ماء وتنقعي فيه القطعة اللي فيها صدأ يتحول منه
مرة جربته حتى على صدأ في الحمام ( حاشاكم ) تنظف رشيت شوية منه وخليتها وبعدها غسلتها حولت

**luba** · 11-20-2012, 11:16 PM

امة الله اهلين بيك
بالنسبة لمنظفاتك حلوة وصحيتي علي المشاركه واني اللي تكلمت عليه
للسنستيل الصورة الاولي فيها شيشة لونها رصاصي علي اليسار
رهيبه وصدمتني في الشيشمات بعد روحت لقيتهم في حويله لين
قريب ينهردوا ولونهم اخضر صارو ووين درته تقول الا شريتهم توا

والبقع اللي دكراته حبيبتهم مجربته الاول الاحمر متاع الشيشه
رووووعه شوية فيه في كل شي ممتاااااز وكنت غادي مانقعدش بلاه

صجيتوا بنات ومنكم نستفيد

**مغتربة 7** · 11-21-2012, 12:29 AM

ماشاء الله ام سارة وامة الله منظفات رووووووووعة

يابنات نبي انقوللكم على مزيل البقع اي نوع كان لااااااااااازم اتخلوه على البقعة فترة
وبعدين تغسلوا الملابس ما تستعجلوش بش البقع تمشي نهائي

**أمة الله** · 11-21-2012, 10:18 PM

أختي أم سارة بارك الله فيك على ردك بصراحة مجربتاش فانيش
أختي حبيبتهم اليوم جربت مزيل الدهون من زماك الشيشة البيضاء بخاخ حاطه صورته نظف شوي لكن مش زي مانبي
وبالنسبة لمزيل البقع توا انجربه الأحمر أما النوع الثاني الباكو نستخدم فيه مع الملابس البيضاء بس لأن قالو لي مبيض