[تجارب] شنو تستخدمي ؟؟؟؟

[بنية بوها]

موضوع اكثر من راائع ولي عودة ان شاءالله

[مغتربة 7]

بنوتة فى انتظارك حبيبة

يابنات كيف تتصرفوا مع المستكة العلكة لما تلصق فى الملابس ولا الفرش؟؟

[luba]

بالنسبة للمستكة لو ملابس نحطها في الفريز ونخليها تيبس

وبعدين نكسرها وتتحول

ولو في الفرش نجيب سكين ونخرطها الحق في الفرش صعبة وعلي حسب نوع الفرشه

بنخبركم انكم تستعملوا لغسل الاكواب الفرش المدورة الطويله بيش تتجنبي خلط الفرش

والروائح و للنظافة الجيدة لقاع الكوب الحق من يوم وعيت في المطبخ واني مانعرفش بلاها غسل الاكواب

[مغتربة 7]

تسلمي لولو على المعلومة

[موودة]

ماشاء الله عليكم ربي يحفظكم واستفدت واجد

ان شاء الله بكرة حنحط الحاجات اللى شريتهن ونبي نشيلهن معايا من المنظفات وانتو قولولي رايكن فيهن

[barney]

الموضوع رااااااااااااااااااااااائع تسلم ايدياتك
اني جايبه نوعية ارز نبي نسأل هل موجود في ليبيا او لا والي في كندا واميركا هل تستخدموا فيه او لا موجود في سوق الكوسكو رز مش عادي ايهبل مستحيل ايعجن ولو تنسيه ع النار مستحيل ايشيط وتقدري تستخدميه في كل شيء في المحشي ولمبوخ ولمبكبك ومش عادي في الكبسه اني نستعمل فيه اشروه ومستحيل تندموا لكن نبي نعرف موجود في ليبيا او لا

وهذي صورته



وعليه العلامه هذي وحبته لونها صفراء لكن لما ايطيب عادي ابيض



وان شاء الله انفيد ونستفيد
وان شاء الله ليا مشاركات اخرى
والسلام عليكم ورحمة الله وبركاته

[om_adnan]

شوفى مغتربة...كيف ما قالت لوبا يعتمد عاى نوع المستكه والفرشه ولكن جربى الاتى
حطى طرف تلج وحاولى تحكى او
استعملى اى حاجة كيف الفليت حتى معطر وبخيها المنطقه وشوفى,كل مرة تخف,لازم اتقولى لينا شنو صار معاك.

[om_adnan]

بارنى...هذا النوع فيه عدة ماركات وهو ميزته انه مسلوق شويه وهذا يميزه بان حبوبه ديما حبه حبه ما يعجنش وانا اكثر استعمالى بينه هو وبسمتى ولكن الحق لا يعلى على الرز المكركب ما احلاه .

[موودة]

السلام عليكم عزيزاتى

بالنسبة للمستكة الفليت ممكن يحولها

اما بالنسبة للرز جيبيه معاك من غادى ههههه ما اظنش عندنا منه ماعمرى شفته الحق



وهذين المنظفات اللى شريتهن واسفة الصور مش واضحات لردائت الكاميرا





























بالنسبة للمكياج ميبيلين من احسن الماركات اللى استخدمتها لأنها تعطى نظارة للوجه بدون مايبين تكتل للمكياج يعنى تبينه طبيعى










وايضا كريم اساس نيفيا وماكس فاكتر حلوات وبودرة ماكس فاكتر





وقلم الكحل الأسود الشمعة من جوش روعة وايضا البودرة المضغوطة او المائية من فلومار

وبالنسبة للقهوة مافى اسم معين فى مطاحن معروفة فى بنغازى قهوتها سمحة ونحن نشرو فيها بالكسبر

[luba]

ام عدنان وبارني مشكورات علي المعلومة وتو نجربة ادا لقيته

مودة ربي يسعدك ويهنيك ويفرحك ونفرحوا بيك والف مبروووك وبالصحة كل ماتشريه

وحاجاتك كلها ممتازة اني مجربه سيترس المزيل للدهون روووعه وخاصة للغاز والشقوق الحيط

اللي بين الزيليزات بعد اطيبي او بعد تكتل الدهون

وكدلك مجربة المنظف او المطهر نوع الصنوبر الاخضر هدا كنت مانستغناش عليه في البيت

وخاصه في دورة المياه اكرمكم الله ونمسح بيه كل الحمام بعد الغسل يعطي لمعه وريحة راااائعه جدا

اختيار موفق ورائع في كل شي