[استفسار] اعداد موالح العرس

[امدللة]

السلام عليكم
ياريت الاخوات يساعدوني اعداد موالح العرس يتم قبل العرس بكم يوم وشن احسن الانواع الي تتحمل في الفريز لانه ماعنديش حد يعاوني ومش عارفه امتي نبدا خايفه الوقت مايكفيش
والعاقبة عندكم في المسرات

[مغتربة 7]

وعليكم السلام
مرحبتين وخيتي امدللة
اول شي ما قولتي عرس منو هههههههههه ربي يكمل على خير والف مبرووووووووووووووك
حبية انتي ما حددتي شن مقررة بتديري كم نوع بش الاخوات يساعدوك

[امدللة]

مشكورة اختي علي ردك والعرس عرس خوي العقبه عندكم وانا نبي اندير اربع انواع ان شاء الله شيش طاووق والبريك جاهز نبي نوصي عليه والنوعين مش عارفه هذا ليش سالت نبي حاجه تنحط في الفريز لاني ماعنديش حد يعاوني ونبي من كل حاجه 400طرف ياريت مساعده وجزاكم الله كل خير والسلاطات يوم الفرح في الصبح ثلاث انواع لوعندك انواع كويسه ياريت معليش اختكم وطامعه في مساعدتكم عارفه اني كثرت عليكم

[luba]

الف مبرووك وربي يتمم علي خير ويمد لك يد العون نقول متلا اديري معجنات زي متلا عجينة الزبادي موجودةهنا في المنتدي واديري بيا كرواسونات وتحشيهم بأي حشوة و اسياخ الدجاج بالبطاطا في كم طريقة في المنتدي وبيتزا و امبطن طاجين بطاطا واستعملي لاي شئ خطر في بالك خاصية البحت المتقدم او كانلوني او مرات يقولوله كريب وفطاير السبانخ وان شاء الله نكون ساعدتك بالتفكير وهدا اللي في بالي توا

[لوتي]

خشيت بنقول إن شاء الله ألف مبروووك وربي يتمم علي خير وزي ماقالت لوبا إستخدمي خاصية البحث حتلقي حاجات حلوة وجديدة و المعجنات يقعدن في الفريز وفيه منهن في المنتدى أشكال وأفكار حلوة شوفي أقسام المعجنات وبإذن الله تلقي إللي يسرك إن شاء الله تعالى إنكون أفدتك

[الصابرة]

ان شاءالله الف مبروك وربي يتمم على خير
حبيبة انتي دايرة شيش طاووق يعني دجاج وبوريك يعني لحم مفروم
حاولي اديري النوعين التانيات حشوات مختلفة يعني جبنة وتن
وشوفي ولو حددتي بالزبط شنو تفكري ندللك ان شاءالله ولو كان اتقولي من اي مدينة اندلك اكثر

[حبيبتهم]

السلام عليكم
اول شئ ان شاء الله مبارك وربي ايكملكم علي خير
انتي بما انك بروحك الاسهل انك اتديري حاجة متاع طاجين وتتقطع زي المعقودة او البكلاوة الحارة
او الطاجين التركي تلقيه في المنتدي امدايراته الحبيبة خدوج
ان شاء الله لو تفكرت اي شئ نرجع للموضوع

[موودة]

الف مبروك عزيزتى ودائما افراح ان شاء الله

اقتراحى لك اديرى السفيرة الحارة اللى تنحط فى اكواب القزير وميزتها انها سريعة ومش مكلفة وتندار قبل الفرح مش اكثر من 5 ايام
بطاطا مطبوخة ومهروسة مع قطع الدجاج المتبل مع البشاميل والجبنة تذوبيها مع البشاميل المهم كلهن يتخلطن مع بعضهن وينصبن فى اكواب القزير وتغطيهن بقطع قزير مقصوصات دوائر مسبقا
رشى عالوجه خبزة مدقوقة عشان لما تسخنيها ادير لون

[om_adnan]

الف مبروك على خوك ,ان شاء الله الفرح يمشى كيف ما تبوا واحسن ,مووده كأنك تقرأى فى افكارى ,وعلى فكره تقدرى اتخليها مده طويله فى الفريز عن تجربه ,مش عاديه ,محلاه لما يسخنوها يمى يمى ,حتى ما تكلفش هلبه,بس اللى كليتها بطاطا مقليه وباذنجان واعتقد فقاع.

[امدللة]

بارك الله
فيكن اخواتي ماقصرتن ان شاء الله مردود في الافراح والاخت اللي تسال انا من مدينه بنغازي وشكرا مره اخري وجزاكن الله كل خير