السلام عليكم
مساء الخير
حبيت اليوم انطبق الفطير المشلتت للصابرة بيش اندير المثرودة للصابرة ايضا لان مانعرفوهاش في المنطقة الغربية
طبعا الفطير المشلتت قبل اندير فيه لكن تختلف الطريقة شوية
وبما ان الفطير المشلتت دسم جدا جدا اللي مدايرة ريجيم ماتفكرش فيه
المهم هذا تطبيقي
هذا رابط فطير الصابرة
http://www.libyan-kitchen.com/kitche...ن-مطبخ-الصابرة
هذي صور التطبيق
اثناء فرد العجينة اني مافردتهاش بالعصا فتحتها بيدي في الهواءاسهل
هذي جاهزة بعد مافردتها وطويتها كلها
هذي في التطييب
اني طيبتها في الة كهربائية تشبه طاجين البيتزا الكهربائي لكن غطائها فيه كهرباء ويسخن حتى هو اسمها محمصة الخبز كيف مامكتوب على صندوقها
هذي بعد ماطابت
هذي صورة جماعية للفطيرات
هذي شكلها من داخل مش واضحة الطبقات في الصورة
هذي مع فنجان شاي للصابرة ولأول وحدة ترد
طبعا بنقولكم اني مادرتش المقدار اللي كتباته الصابرة كله درت تقريبا كوب وشوية دقيق
ودرت العجينة كرات صغيرة بيش ماتتعبنيش في الفتح لان ماعنديش مكان واسع هلبه للفرد
وشكرا للصابرة عالفطيرات وربي يرزقها ماتتمنى قولن آمين يا بنات
المفضلات