[استفسار] عن طريقة العسل المعقد

[الدلوعة]

السلام عليكم اخواتى بالله عليكم اللى تعرف طريقة العسل المعقد تقولى لانى نبيه ضرورى مش العسل العادى العسل اللى نبيه منضره اتقولى عسل طبيعى غليظ القوام ويستخدم عادة فى السلة بالالواز

[الصابرة]

اهلين اختي دلوعة
اني نعطيك طريقة مقدار صغير وانتي بعدين ضاعفي الكمية

عسل الكراميل

نضع كوب سكر على النار مضاف له ربع كوب ماء ونتركه مع التحريك مرة مرة حتى يصبح مثل الكراميل
ثم تكوني بعيدة من على النار قليلا واضيفي ربع كوب ماء ثاني
يحدث ان الكراميل يتجمد رجعيه على النار مع التحريك حتى يذوب الكراميل كله ونتركه على النار لمدة حوالي 8 دقائق او اكثر شوي
او تشوفيه كثافته هيا اللي ترغبيها او لا
وهذا وخيتي الدلوعة انقولوا عليه عسل الكراميل
ملاحظة
اذا الحلو اللي بيتعسل بيه بيقعد مدة طويلة يضاف للعسل ملعقة صغيرة ليمون طبيعي

اتمنى اكون قد افدتك

[شروق الشمس]

تقريبا اتخلي العسل مدة اطول علي النار
و ان شاء الله دوات الخبرة يساعدوك

[نسمه ليبيه]

مره وحده من الاخوات نزلت طريقته هنا اللى تحط فيه فى اكياس شاى لبتون عشان يقعد لونه كيف لون العسل الطبيعى ان شاء الله حندورها لك

[أمـ ساره]

حبيبة الي نعرفه انك تزيدي فترة طبخ العسل العادي حتى يتعقد شوي

يعني أول ما تحسي ان لونه بدي يشقر ويغمق طفي عليه


وماشاء الله الصابرة ما قصرت أعطاتك طريقة الكراميل

[ام ليبيه حره]

انا ندير في هذا العسل العاقد و لونه قريب من الاحمر
قبل كل شبئ نغسل الاناء بالواركينة و الصابون كويس
كل كيل سكر يقابله كيل ماء و نحرك كويس على البارد و نترك حتى يهدا وبعدين نصبه في اناء اخر و ياللي يقعد من السكر من غير ذوبان انزيد عليه ماء حتى نكمل المقدار (يعني نحرك كويس و نخليه يرتاح و نصبه في اناء اخر حتى ياللي درته في الاول )بهذه الطريقة نظمن ان السكر كله ذاب و نحطه على النار حتى يغلي كويس و نزيد عليه عصير الليمون على حسب المقدار يقعد يغلي حتى يبدا يشكشك بفقاعات حمر نضيفه له ورق العطر و نطفي عليه نستعمل فيه لكل انواع الحلويات ولو تبي تخففي من قوامه اضيفي له ماء ساخن و حركي بسرعة
هكي يجيني عاقد و لونه احمر و الافضل في هذه الطريقة انه العسل طايب كويس و يقعد لمدة طووووووووووووووووويلة

[sweet nona]

ماشالله الكل جاوب

وانى نفس الطريقة..لة نبيه معقد واحمر تزيدى فترة الغلي

ولو تقيل هلبا..تزيدى مة سخونة وتحركى بسرعة لين ينحل على حسب القوام الى تبيه