[معرض] اخر مشترياتك المطبخية

**الصابرة** · 11-19-2012, 11:14 PM

السلام عليكم

الاسبوع اللي فات كنت عند اهلي
وماشاءالله لقيت امي واخذة ليا شوية مشتريات بالنسبة ليا ملي تخلي عيوني قلوب قلوب خصوصا
لما تكوني مفكرة فيهن وتستني اول طلعة بيش تجيبيهن
والاحلى تلقي حد كانه قاعد في تفكيرك وعدى جابهن فربي يطولي في عمر امي ويحفظها
ويهون عليها تعبها يارب

هذه قاطعة لعجينة الفوندان

وهذه قوالب اسطوانية مع سلة تارت صغير

وهذه طاجينين صغيرين على هيئة قلب طبعا امي شاريتهن دوبي ودوب راجلي فلما قلت ليها ليش ماجبتيليش اكثر مرات يجيني حد قالتلي شنو دخلني بيهم
المهم انتي وراجلك عندي

طبعا اني لما درت الكب الكيك اللي نزلته تمزق كيس الحلواني بتاعي فسبحان الله وامي ماتعلم عجبها شكله فشراته ليا

وهذين عرفة انه ماعنديش غير النجوم فلما لقت القلوب خذتهم ليا طول هيا بيش انفكن من النجوم

وهذا طاجين سيلكون صغير الحجم

وهذين علبتين حطيت فيهن الشاي والسكر عجبنها فخذتهن لي

طبعا الاسعار مش كلهن نعرفهن
الاسطونات الواحد على دينار
وفورمة القلب 2دينار وربع

**أمـ ساره** · 11-19-2012, 11:59 PM

ماشاء الله صبورة كلها حاجات اتهبل وعملية

وقطاعات القلب عندي منهن حلوات هم وطواجين القلب

تبيديهن بالهني حبيبة وان شاء الله نشوفوا بيهم أحلى الوصفات منك كالعادة

وماشاء الله على اميمتك شكلها ذكية وتعرف شنو تبي وفاهماتك

ربي يحفظها لك ويطول في عمرها يارب ويهون عليها التعب

**الصابرة** · 11-20-2012, 12:13 AM

ان شاءالله يارب
مشكورة وخيتي ام سارة وبارك الله فيك
واكيد انتظروني بحاجات جديدة وان شاءالله اكون عند حسن الظن يارب

**مغتربة 7** · 11-20-2012, 12:19 AM

اشيه ماشاء الله مشتريات مقومة
ان شاء الله تبيديهم بالهني يارب وان شاء الله بالزيادة
وسلم ميميتك الحنونة وربي يحفظها ويسعدها
عجبوني كلهم مشترياتها

**الصابرة** · 11-20-2012, 12:52 AM

امين يارب
وان شاءالله وخيتي مغتربة
وعجبوك لان ديمة ذوقك حلو بارك الله فيك

**كلي امل** · 11-20-2012, 02:31 AM

اتبيديهم ومايبيدوك ياصبورة
ورب يحفضلك اميمتك وايطول في عمرها وايزيدها صحة
و ان شاء الله ديما رب ما ايخليلك حاجة في خاطر

**ام عبسي** · 11-20-2012, 03:02 AM

ماشاء الله حاجات اتهبل ياريت نلقى منهم عندنا
تبيديهم بالهنا وربي بنجيلك امك ويحفظها

**الصابرة** · 11-20-2012, 03:10 AM

كلي امل
ان شاءالله يارب وسلمك ويخليك ويحفظك

ام عبسي
اسعدني مرورك ومشكورة وعطيني العنوان اللي مش عندك في سبها نبعته ليك انتي امري بس

**أمة الله** · 11-20-2012, 03:13 PM

ماشاء الله ربي يحفظ أمك ويسعدكم
ذوقها فعلا حلو

**luba** · 11-20-2012, 05:43 PM

ماشاء الله اشيه عالمدلع ربي يدوم عليك
وان شاء الله ربي يعطي والديك الصحه وطول العمر ويهون عليهم تعبهم
مشتريات رووووعه واغلبهن حتي اني نبي منهن
تبيديهم بالهني والصحه

الموضوع: [معرض] اخر مشترياتك المطبخية

أدوات الموضوع

عرض

معلومات الموضوع

الأعضاء الذين يشاهدون هذا الموضوع

المفضلات

المفضلات

ضوابط المشاركة