[معرض] اخر مشترياتك المطبخية

**أمة الله** · 12-19-2012, 06:02 PM

مغتربة وأم سارة بارك الله فيكم
أهو مشي الحال طبعا صورت الصورة الا على الباكو لان كل منصور الطناجر نفسهم يعكسوا صورتي

**حبيبتهم** · 12-22-2012, 04:21 PM

السلام عليكم

هذي مشاركتي معاكن في اخر مشترياتي

شريت 2 طاجين بايركس بيضاوي صغير السعر سبعة دينار ونصف للطاجين

ملاعق واكواب معيارية السعر اعتقد 2 دينار ونصف و3 دينار ونصف

صحون صغيرة السعر 3 دينار ونصف

حافظات بلاستيك نوعين صورت نوع واحد بس السعر نسيته

**أمـ ساره** · 12-22-2012, 06:08 PM

ما شاء االله أمة الله

الطناجر شكلهم حلو ونااازك تبيديهم بالهني وخيتي

حبيبتهم

ماشاء الله حاجات حلوة وعملية وخاصة الحافظات

ما عندي روح معاهم بصراحة ديمة نحب نشريهم

وشكلك شاريتيهم من سوق الاسرة ههههههه عندهم حاجات حلوة الفترة الأخيرة

**luba** · 12-22-2012, 07:38 PM

امة الله

شكلهم طناجرك سمحات وصناعه كويسة تبيديهم بالهني والصحه

حبيبتهم مشتريات حلوة وخاصة 3 الصحون الصغيره الفخار

تبيديهم بالهني والصحة

بارك الله فيكن علي مشاركتكم معانا من اوانيكم

ومنكم استفيد

**نسمه ليبيه** · 12-22-2012, 08:22 PM

امة الله وحبيبتهم مبارك المشتريات

وانتظرونى قريبا مع مشترياتى الجديده

**الصابرة** · 12-23-2012, 01:17 AM

ماشاءالله امة الله الطنجرة حلوة وماركتها شكلها كويس

حبيبتهم مشتريات يفتحن النفس
واللي عجبني اكثر ملاعق واكواب المكيال مش عادي لونهن
تبيديهن بالهناء انتي وامة الله

**أم ملك** · 12-23-2012, 03:06 PM

حبوباتي السلام عليكم

هذي طنجرة البورديم اللي قلتلكم عليها ب45 دينار ليبي
واخذتها من رمضان اللي فات وهذي صورتها

**الصابرة** · 12-23-2012, 04:40 PM

مشري الهناء
تتهني بيه يارب وتبيديه بالهناء

**أم ملك** · 12-23-2012, 05:36 PM

مشكورة صبورة ربي يبارك فيك حبوبة

**أمـ ساره** · 12-23-2012, 07:09 PM

ماشاء الله أم ملك

طنجيرة قنين حبيبة

ياريت تزيدي اتفيدينا بطريقة استعمالها وشنو ماركتها ومن وين واخذتيها

معليشي استحملني حبوبة اني عندي فيها نية بس نبي نعرف كل شيء قبل ما ناخذها

اتبيديها بالهني وخيتي وان شاء الله بالزيادة

الموضوع: [معرض] اخر مشترياتك المطبخية

أدوات الموضوع

عرض

معلومات الموضوع

الأعضاء الذين يشاهدون هذا الموضوع

المفضلات

المفضلات

ضوابط المشاركة