[معرض] اخر مشترياتك المطبخية

**مغتربة 7** · 04-11-2013, 03:54 AM

ماشاء الله ميمي كوشة تهببببل ومهمة جدا حتى اني عندي وحدة زيها نسخن فيها كل شي خاصة التوست

يابنات ياريت يتفاعل الملف من جديد

في انتظار مشترياتكم

**أم عبادة الليبية** · 04-17-2013, 08:51 PM

فعلا حاجاتك روووووووووووعة ميمي بالصحة عليك واديرينا بيهم كل حلو وجديد حبيبة , وأكثر حاجة عجبتني هذه :-

**أم عبادة الليبية** · 05-13-2013, 05:02 AM

السلام عليكم ورحمة الله وبركاته :-

الفترة اللي فاتت مشيت لسوق العالمية اللي في زاوية الذهماني وخديت منه بعض الحاجات .

الحق هو صغير ومش مليان هلبا بس عنده حاجات حلوة ورخيصة أرخص من هلبا صفحات على الفيس .

ومن غير إطالة هذه بعض الحاجات اللي شريتها :-

هذه عجينة السكر البيضاء بنكهة الفانيليا .

وهذه حلوى التزيين الفضية .

وهذا ملون جل بنفسجي لعجينة الفوندان .

وهذه ملونات سائلة خديتها لأني ملقيتش جل الأحمر والأخضر .

هذه قطاعات على شكل أوراق لعجينة الفوندان .

وهذه قطاعات على شكل ورود .

وهذه أكواب للكب كيك تتحمل الحرارة .

وهذه قواعد للتورتات .

أرجو أن تنال إعجابكم ....

في آمان الله .

**زهرة الحبق** · 05-13-2013, 06:16 PM

ماشاء الله مشتريات حلوة وتديري بيهم احلي اكلات

**نسمه ليبيه** · 05-13-2013, 10:59 PM

ماشاء الله ام عباده حاجاتك حلوه كلها

**الصابرة** · 05-14-2013, 07:46 AM

ماشاءالله ام عبادة حاجاتك كلها حلوة
والمحل ليا هلبة انفكر نمشيلا ياريت تذكريلي اسعار اللي شريتهم
وان شاءالله تتهني بيهم يارب

**luba** · 05-14-2013, 02:17 PM

ام عبادة ماشاء الله مشتريات سمحه

ومهمه في الحلوياااات وعجبتني كوب الكب كيك

وشكرا لمعرفتنا بجديد ليبيا تسلمي بارك الله فيك

**أم عبادة الليبية** · 05-14-2013, 08:17 PM

شكرا أخواتي على ردودكم وربي يبارك فيكم .

بالنسبة للإسعار ياصابرة ليا أكثر من أسبوعين نتذكر في بعض الحاجات , عجينة الفوندان ب11 هذه تونسية درجة أولى وفيه التركية بعشرة صاحب المحل قال التونسية أفضل .

بالنسبة للألوان الجل تقريبا ب8 والألوان السائلة رخيصة حوالي 2 دينار , والقواطع الأوراق حوالي ب7 والورد 6ونص وأكواب الكب كيك تقريبا ب3ونص هما حوالي 40 قطعة .

أنا نقول تقريبا لأني خديتهم مع بعضهم وليهم فترة , بس على كل يعتبر رخيص مقارنة بالفيس مثلا عجينة الفوندان نفس النوع والكمية في الفيس ب15 .