[معرض] اخر مشترياتك المطبخية

**أم خديجه** · 05-18-2013, 03:20 PM

المشاركة الأصلية كتبت بواسطة المصراتيه

اهلا وسهلا بيكم جميعا
هدينا اخر مشترياته

طاجين فخار تقريبا ب 8 دولار من ROSS

صفايات ب 2 و 4 دولار من ROSS

هدينا طواجين تارت اليوم خديتهن اصغر من الاولات ب 2سم تقريبا لان الاولات اللي ياكل الطرف معاش يكمله
ب 5 دولار كانن ب 10

وهدينا تخفيض ال4 طروف ب 6 دولار وكانن ب 12 خديت منهن 8 وان شاءالله نزيد

وعجبني كان حجمهن كبير شويا مقارنه بلي جايبتهن من ليبيا والرسمه اوضح
هدا الفرق

قطاعه للحلويات ب 4.5 دولار

قطاعات النجمه ب 4 دولار

4رسومات للكيك ب 8 دولار

وهدا طاجين للكريب ليه شهرين قريب يقدم ب 8 دولار تقريبا

وهدا حتي هوا ليه شهرين ب 24 دولار

وكملت.....

ما شاء الله
اتبيديهم بالهناء
وان شاء الله ربي يعطيك الصحه و انشوفوا اروع الاطباق من تحت يدياتك

**أم خديجه** · 05-18-2013, 03:28 PM

المشاركة الأصلية كتبت بواسطة أمـ ساره

السلام عليكم ورحمة الله وبركاته

سامحوني على التأخير بس والله صايبني الخمول هالفترة والوقت مش سادني

المهم اليوم رفعت لكم بعض الصور وان شاء الله نكمل الباقي الفترة الجاية

هذا سخا مية الاول انشق خساره مع انه مازال يشتغل

وهذه ماكينة النسكافيه والمكياتة والاسبريسو

طبعا هي مش ضرورية لكن زوجي في باله من زمان وقرر يشريها

وهذه طواجين

نحب نشريهم هلبة بصراحة ونحب انوع ونشكل منهم

وهذه خذيتها للمكرونة والفاصوليا وحاجات الحبوب وهم زجاج

وهذه حافظة

لازم نشري بين وفترة وفترة وكل ما نشري مازال نبي لأني نستعمل فيهم هلبة

وهذه قطاعات على شكل فوكاه وأوراق الشجر عجبوني وشريت منهم

ومعاهم ققوالي الابواق خذيت 3 منهم وكل وحدة فيها 5

ومعاهم قوالب السمبوسة بحجمين مع بعضهم

وان شاء الله نتاكدوا لكم من الاسعار ونقوللكم

ما شاء الله
تسلمي دوقك روعة
حلوات مشترياتك وساخان الميه ما نستغناش عليه سريع ومريح خاصه للعندي الصغار

**مغتربة 7** · 05-25-2013, 07:03 PM

ام عبادة ماشاء الله مشتريات تهبل
ان شاء الله اديري بيهم احلى الكيكات يارب

**المصراتيه** · 05-28-2013, 02:15 AM

ام سرو ماشاءالله
نبي نسالك علي الابواق بقداش خديتيهن؟؟

**الصابرة** · 10-04-2013, 10:38 AM

السلام عليكم
هذه بعض المشتريات اللي شريتها الفترة اللي فاتت

**luba** · 10-04-2013, 04:15 PM

ماشاء الله تبيديهم بالهني والصحة مشتريات حلوة
وحاجتين لفتوا انتباهي طواجين المافن الصغيرات
والغطاء للقلي هدا اهم شئ وخصوصا في قلي اللحم
والصحون والطواجين البيضاء ياخدو العقل

**الصابرة** · 10-04-2013, 04:59 PM

امين يارب
وهذا من ذوقك
بالنسبة للطواجين الحق لقيت ماما واخذتهم لي
واما الغطاء المشبك فعلا دارلي راي كويس في قلي اللحم وغير ذلك تمت عملية القلي انظف قبل لما نقلي لازم نغسل حتى السيراميك اللي جنب الغاز من نقط الزيت لكن توا الحمدلله

**شيراز** · 10-07-2013, 02:44 PM

بالله عليك يا ام ساره منين وخداتهم الفورمات ليه فترة ندور فيهم

**الصابرة** · 12-31-2013, 04:51 AM

السلام عليكم

هذه المرة جايبتلكم حاجتي مش مشترياتي لاني ماشريت فيهن حاجة

هذه حافظة للتخمير والعجن خذتها لي ماما ربي يريح بالها ويعطيها ماتتمنى
عشان الصونية اللي انخمر فيها كبيرة فخذتلي هذه

وهذه صحون من اختيار بنت جيران اهلي لانها عارفة اني نكون في طقم مشكل من الفخار الملون فكل ماتشوف حاجة تجيبلي منها في اللي تاخذ في حقهن وفي اللي لا
ربي يفتح عليها ويحفظها

طبعا هذين طواجين صغيرة من الفخار

**luba** · 12-31-2013, 05:11 AM

ربي يخليلك غواليك وكل احبابك
مشتريات سمحه و هالطويجينات مانحساب منهم في هالحجم
حلوة لتقديم حاجه من الفرن لكل ضيف بروحه
شكرا شاركتينا معاك فيهم تبيديهم بالهني والصحه

الموضوع: [معرض] اخر مشترياتك المطبخية

أدوات الموضوع

عرض

معلومات الموضوع

الأعضاء الذين يشاهدون هذا الموضوع

المفضلات

المفضلات

ضوابط المشاركة