[معرض] اخر مشترياتك المطبخية

**الصابرة** · 09-18-2012, 02:43 AM

المصراتية ان شاءالله مشريات الهناء يارب
وترهونية بالصحة عليك مشرياتك وست البيت هاذي تخدم عندي ليها 5 سنوات حشاك ومايمرش عليها اسبوع بدون شغل الاختلاف في اللون بس وهومر حتى هيا
والة البورديم اول مرة انشوفها او بمعنى اصح نعرف انها للبورديم
وطالما انتي اديري فيها حتى المبطن فنرجى عاد طريقتك وكيف اديري فيه بيها
صح ماشريتوا وخياتي

**ترهونيه حره** · 09-19-2012, 02:39 AM

اختى الصابره ديرى امبطنك المعتاد
بس بدل ماتقليه تحطيه فى اله البورديم
وللعلم تحمل16 طرف فى مره وحده وتعدلى
درجه الحراره والوقت ويطلع مش عادى وصحى
ومرات ندهن فيه بشويه زيت حتى يطلع شكله
متحمر اكثر وحتى البوريك يطلع يتقرمش وحلو
وفى انتظار مشتريات باقى العضوات

**الصابرة** · 09-19-2012, 02:47 AM

مشكورة حبيبتي الترهونية
بس اني متعنديش الالة لكن معلومة استفدت منها بارك الله فيك مرات ناخذ زيه تتهني بيه يارب

**أمـ ساره** · 09-23-2012, 07:14 PM

السلام عليكم ورحمة الله وبركاته

سامحوني على التأخير بس والله صايبني الخمول هالفترة والوقت مش سادني

المهم اليوم رفعت لكم بعض الصور وان شاء الله نكمل الباقي الفترة الجاية

هذا سخا مية الاول انشق خساره مع انه مازال يشتغل

وهذه ماكينة النسكافيه والمكياتة والاسبريسو

طبعا هي مش ضرورية لكن زوجي في باله من زمان وقرر يشريها

وهذه طواجين

نحب نشريهم هلبة بصراحة ونحب انوع ونشكل منهم

وهذه خذيتها للمكرونة والفاصوليا وحاجات الحبوب وهم زجاج

وهذه حافظة

لازم نشري بين وفترة وفترة وكل ما نشري مازال نبي لأني نستعمل فيهم هلبة

وهذه قطاعات على شكل فوكاه وأوراق الشجر عجبوني وشريت منهم

ومعاهم ققوالي الابواق خذيت 3 منهم وكل وحدة فيها 5

ومعاهم قوالب السمبوسة بحجمين مع بعضهم

وان شاء الله نتاكدوا لكم من الاسعار ونقوللكم

**أمـ ساره** · 09-23-2012, 07:19 PM

المصراتيه

ماشاء الله تبيديهم بالهني وطاجين التارت خاطري فيه

ترهونية حرة

ماشاء الله على مشترياتك وعجبتني متاع البورديم هلبة

نشوف فيها من قبل وخفت نشريها ما تفيدني

لكن ان شاء الله لو قابلتني مرة ثانية ناخذ منها

تبيديهم بالهني وخيتي

الصابرة

المحل تقريبا لحد توا ما فيه اسم لكن هو فاتح جديد ومئ جاي في السوق يعني مدرك شوي

ان شاء الله اول ما نعرف اسمه نقولك عليه

**انوار** · 09-23-2012, 07:35 PM

حاجات كويسة وتحاتجيهم في بيتك بس زي ماقلتي السبينة مش نفس الا عدنا في ليبيا كيف بدير لما تروحلينا انشالله بسلامة اكيد في موصل بش تقدري تستعمليهم وبالصحة عليم حبوبة

**مغتربة 7** · 09-23-2012, 08:14 PM

ماشاء الله ياام سويرة مشتريات تحل العين المغمضة
وحاجة احلى من الثانية ان شاء الله تبيديهم بالهني والعافية ياربي
وان شاء الله بالزيادة يارب
كلهم عمليات الصراحة وماكينة النسكافيه في الى يحبه هلبة مهمة عنده
والطواجين روعة والفورمات مش عاديات
تتهني بيهم يارب
فى انتظار باقي مشترياتك

**أمـ ساره** · 09-23-2012, 08:33 PM

الله يبارك فيك غروبة ويهنيك يارب

عيونك الحلوة حبيبة ومشكورة على ردك السمح زيك

وان شاء الله انزل باقي المشتريات قريب والبعض منها بالتفصيل ان شاء الله

**luba** · 09-23-2012, 08:58 PM

ترهونية حرة مشتريااات روعة واستفدت منك وااااجد بارك الله فيك

وان شاء الله رمضان الجاي من ليبيا نشريهم جاري التقييم ليك

ام سارة ماشاء الله كل حاجه احلي من التانية

وعجبوني الطواجين هلبه هلبه والفورمات هدومه قداش ندور فيهم

وكل حاجاتك نازكه ودوقك رااائع جاري التقييم