[معرض] اخر مشترياتك المطبخية

[sweet nona]

السلام عليكم انا جييييت

أكيدة موضوع زي هادا ملتمات فيه الحبيبات مايفوتنيش لولا هالنت الى شحطنى

اكيد كل مانشرو حاجة نصور وانشالله نوريكم

ماشالله ام سريوة الفورمات حلواات تبيدى بالهنى

المصراتية ان شالله ترتاحى فى سكنتك الجديدة وشكله طاجيين التارت مش عادى مهووسة بطواجين التارت

ترهونية بنسالك عالفرامة نبى ناخد وحدة وفكرت فى الهومر شن رايك فيها؟؟ اكويسة

مشكوراات عالحاجات وماشالله علينا ههه

استنونى

[أمـ ساره]

الله يسلمكن ويبارك فيكن وخياتي على دعواتكن الطيبة



سويت يا حلوة

بالنسبة للفرامة الي عند ترهونية حرة نفس الي عندي بالضبط وماركة هومر

وبصراحة كويسة وعملية هلبة لأكثر من حاجة

زي عجينة التارت أو الكب كيك أو فرم الدجاج وحتى اللحم فرمته فيها

بس قرضته حجم صغير حتى ما ينضر الموس متاعها


حتى الخبزة المرحية نرحي فيها وماشاء الله عليها سريعة هلبة

[sweet nona]

السلام عليكم

ام سارة مشكووورة عالرد الواضح

اليوم جبتلكم اخر مشترياتنا فى الحوش

هادى قطاعة البطاطا قديمة شوى بس هادى سلستين اصلى كانت قبل عندنا بلاستيك



وهادى بعض الحاجات الجديدة



سكريات





طاجين تشيز كيك اديري فيه الحجم الى انتى تبيه على حسب الطبق واحسن مافيه فى طق التقديم على طول




طاجين تشيز كيك زي امتاع ام سريوة ماشالله نوعينه ممتازة




عصارة لكل انواع الفواكه والخضروات ماشالله واتحطيها بقشرتها تطلع كل حاجة بروحها




وهادو مغاطى طبعا عالكيف فى الطواجين وقت القلى




وهادى مريلتى للمطبخ جديدة مازال حتى ماستعملتهاش اليوم وصلتنى بس




وهادى طبعا قشارة تفاح



وان شالله عجبوكم

[نسمه ليبيه]

ماشاء الله سويت شراء متقن بس اشرحيلى اكثر على عصارة الفواكه اللى تطلع القشر بروحه

[الصابرة]

تتهني بيهم وخيتي سويت مشترياتك حلوة
ونبي نسئلك من وين واخدتيه طاجين التشيز كيك اللي اديريه في طبق التقديم
وكم سعره لو سمحتي

[أمـ ساره]

ماشاء الله لاقوة الا بالله

مشتريات اتهبل سويت

تبيديهم بالهني ان شاء الله

وعجبوني كلهم لكن أكثر شيء طواجين التشييز كيك

بالله من وين وبكم

[مغتربة 7]

اشيه ماشاء الله لا قوة إلا بالله مشتريات تهببببل
وكلهم ذوق حاجة روووعة ان شاء الله تتهني بيهم
وان شاء الله بالزيادة يارب سلمي على الوالدة

[ترهونيه حره]

ماشاء الله يا سويت حلوااات
تبيديهم بالهنى وبالنسبة
لسؤالك عن المفرمه زى ما قاتلك ام ساره مفرمه ممتازه
دبس أنى ما افرم اللحم فيها
ونفرم فيه فى المفرمه الكهربائيه
وحبيت نسالك عن مغطى الطاوات دمن وين وبكم اشتريتيهم

[sweet nona]

صباح الورد والفل على الفالحات

نجيهم ياربى مايغيبو بكل بنرد على سالكم وحدة وحدة

مغتربة تسلمى انتى الى ذووق والله وسلامك وصل ياغالية

نسمة هلا بيك العصارة اختى مش عادية هادى خدتها امى انى شايفتها فى الدعاية

يعنى اتحطى الكيوى متلا من غير ماتقشريه يطلعلك العصير كامل من غير زيادة مية او اى شى تانى عصير فرش 100%

والله يابنات حتى الجزر والخيار والطماطم انتى اغسلى بس من غير تقشير حتى البرتقال والبنانى والتفاح والبطاطا ..

صبورة نورتى والله حبيبة طاجين التشيز كيك هادا من بحدا جزيرة فشلوم فى طبعا محلات الماعين غادى معروفات تلقيه غادى

وفى نفسه بالزبط يعنى انتى تتحكمى فى الحجم حتى هوا على شكل قلب وخديته ب15 دينار

ام سرو نجييها ياربى طاجين الاول عرفتيه اما التانى فى محل فى السراج طبعا يابنات محل رووعة بضاعته كلها المانية واصلية

ومازال واخدين هلبا حاجات تو انوريهلكم واسعاره جدا مناسبة النعتة بالزبط مش متفكرة

بس لو تبو تو ناخد مكانها بالزبط وين من اختى وانرد عليك

ترهونية وينك اشرقت الانوار استاحشتك شكراا عالرد حتى انى بناخدها ان شالله

وبالنسبة للمغاطى فى زوز محلات فى محل فى السراج اسمه بيت النعيم حاجة صح حاجاته تحفة وراقية جداا ومتنوع فى كل

بجنب مقهى المشتل

لكن انى الحق واخدتهم من نفس المحل الى قلت عليه لام سارة تو ناخد مكانه بالزبط وانقولكم

وان شالله انكون رديت عليكم وجاوبتكم بالوحدة اي سؤال تانى حاضر

واستنو مشترياتى اللاخرى بس ان شالله النت يقعد معاى هكى

[sweet nona]

باركولى يابنات واخيراا شريت هالطاجين الى خاطرى فيه

اليوم بس وطبعا اكيد تذكرتكم انتم باش اتشاركونى فرحتى

يلا ورونا مشترياتكم الجديدة باش نستفادو من بعض