[مشاركة في ملف المخللات] المسير ( مخلل الفلفل ) من مطبخ لوبا

**luba** · 09-28-2012, 07:41 PM

السلام عليكم ورحمة الله

المســـــــــــــــــير ( مخلل الفلفل)

تغسل روس الفلفل جيدا

تم تشق علي نصفين وتكشط منها الزريعة بواسطه السكين

او تقطع علي شكل دوائرونحضر معهم ثوم مقطع شرائح او انصاف

طبعا حاولت اندير مقدار لاني قبل اندير فيه بالتدوق والعين

700 مل ماء يضاف لها 3 ونصف كبيرة من الملح

و 4 ملاعق كبيرة عصير ليمون

حيجيك مالح هلبه عادي مش حيأثر علي الفلفل

وحيطيب بسرعة اليوم التاني تلقي نصفه مصفر

نضع شرائح التوم في اسفل الفازو او الحافظات لانه خفيف وحيطفوا

نضع فوقه الفلفل ونضع بين الفلفل كمية من الثوم شرائح

في احد الفازوات اضفت كسبر مرحي بس لو في اخضر يكون افضل

وامي الغالية تضيف في شبت اخضر لماء المسير

نضيف الماء علي الفلفل وتقفل الفازوات وتوضع علي الرف بعيد عن الشمس

غير هنا لزوم التصوير تواني بس

ولو طاب يرفع الي التلاجة او يبقي خارجا ادا كانت الكمية قليلة

هدا المسير تاني يوم ممكن مش باين في الصورة اصفرت كتير من اجزائه

**sweet nona** · 09-28-2012, 08:13 PM

اااااااااااااه امتى اندير زيهم فى مطبخنا

لولو أبدعتى ياغالية بهالمنظر مشاركة مفييييدة لينا وشكراا جزيلا لمجهوداتك

تم التقييم لعيونك

**ميرولاكى** · 09-28-2012, 09:45 PM

ياسلااااااااااااااااااام على الالوان اللى تشرح القلب
طريقه حلووووووووووه وان شاء الله نجربها
تسلم دياتك بجد رووووووعه
صحتين والف عافيه

**luba** · 09-29-2012, 04:45 AM

سوسو وميرو صحيتوا علي المرور

والكلام الطيب ربي يعطيكم الصحة وما يحرمنا هالجمعة الحلوة

**barney** · 09-29-2012, 05:18 AM

ماشاء الله لاقوة الا بالله
سلم ايدياتك والله امسير ايسيح الريق صنته فايحه هههههههههههه
والمنظر مش عادي يبي كسكسي من ايديات امي
اااااااه يا لوكان انحصل منه إلقيمه بس
يممممممممممممي
لك تقييمي ان شاء الله

**luba** · 09-29-2012, 10:04 PM

المشاركة الأصلية كتبت بواسطة barney

ماشاء الله لاقوة الا بالله
سلم ايدياتك والله امسير ايسيح الريق صنته فايحه هههههههههههه
والمنظر مش عادي يبي كسكسي من ايديات امي
اااااااه يا لوكان انحصل منه إلقيمه بس
يممممممممممممي
لك تقييمي ان شاء الله

الله يسلمك ايه صدقتي وين نفتح في الفازو الريحة تعبي المطبخ وووه عليا تهبل

ياريت بحداي مايقعد في خاطرك و طول الاسبوع اندير في غداي المسقي بانواعه علي خاطره ههههه

صحيتي علي مرورك اللي يسعد فيا

**المصراتيه** · 09-29-2012, 07:05 AM

لوبا كان تبعتيلي التبسي هدا
اااااااه حسك شوفتيني
منظره يسهـــــــــف
ماشاءالله عليك وعلي يدياتك
عطيك الصحه يافالحه
لك احلي تقيــــم
وان شاءالله موفقه في المسابقـه

**luba** · 09-29-2012, 10:06 PM

المشاركة الأصلية كتبت بواسطة المصراتيه

لوبا كان تبعتيلي التبسي هدا
اااااااه حسك شوفتيني
منظره يسهـــــــــف
ماشاءالله عليك وعلي يدياتك
عطيك الصحه يافالحه
لك احلي تقيــــم
وان شاءالله موفقه في المسابقـه

الله يسلمك ونورتي وكان جويرتي مافي اغلي منك مايفوتك

عندي جارة وصديقة كندية عجبهم وفتحوا عيونهم فيه هههه

ولقيتها منشورة بين الناس لين وصلت لي راجلي في المستشفي هههههههه

طلعوا احرف من العرب في النقل ههههه

**أمـ ساره** · 09-29-2012, 10:45 AM

ماشاء الله لاقوة الا بالله

مع اني ما ناكل فيه لكن شكله يجي في الخاطر

وألوانه روووووعه وطريقة تقديمك حلوة

سلمت ايدياتك لوبا وبالهني والعافية

تستاهلي أحلى نجيمات

**luba** · 09-29-2012, 10:13 PM

المشاركة الأصلية كتبت بواسطة أمـ ساره

ماشاء الله لاقوة الا بالله

مع اني ما ناكل فيه لكن شكله يجي في الخاطر

وألوانه روووووعه وطريقة تقديمك حلوة

سلمت ايدياتك لوبا وبالهني والعافية

تستاهلي أحلى نجيمات

نورتي الموضوع يامراقبتنا الحلوة وربي يسلمك ويهنيك

معقولة في حد ماياكل فيه

تعرفي هدا تم ودرت تاني ونطلع منه بالشوية خايفاته يتم

وين بناكل مش صونية نجيب في الفازو كله لين تكمل صونية العشي واني نطلع هههه

الموضوع: [مشاركة في ملف المخللات] المسير ( مخلل الفلفل ) من مطبخ لوبا

أدوات الموضوع

عرض

العرض المتطور

[مشاركة في ملف المخللات] المسير ( مخلل الفلفل ) من مطبخ لوبا

معلومات الموضوع

الأعضاء الذين يشاهدون هذا الموضوع

المفضلات

المفضلات

ضوابط المشاركة