[مشاركة في ملف المخللات] المسير ( مخلل الفلفل ) من مطبخ لوبا

**luba** · 09-28-2012, 07:41 PM

السلام عليكم ورحمة الله

المســـــــــــــــــير ( مخلل الفلفل)

تغسل روس الفلفل جيدا

تم تشق علي نصفين وتكشط منها الزريعة بواسطه السكين

او تقطع علي شكل دوائرونحضر معهم ثوم مقطع شرائح او انصاف

طبعا حاولت اندير مقدار لاني قبل اندير فيه بالتدوق والعين

700 مل ماء يضاف لها 3 ونصف كبيرة من الملح

و 4 ملاعق كبيرة عصير ليمون

حيجيك مالح هلبه عادي مش حيأثر علي الفلفل

وحيطيب بسرعة اليوم التاني تلقي نصفه مصفر

نضع شرائح التوم في اسفل الفازو او الحافظات لانه خفيف وحيطفوا

نضع فوقه الفلفل ونضع بين الفلفل كمية من الثوم شرائح

في احد الفازوات اضفت كسبر مرحي بس لو في اخضر يكون افضل

وامي الغالية تضيف في شبت اخضر لماء المسير

نضيف الماء علي الفلفل وتقفل الفازوات وتوضع علي الرف بعيد عن الشمس

غير هنا لزوم التصوير تواني بس

ولو طاب يرفع الي التلاجة او يبقي خارجا ادا كانت الكمية قليلة

هدا المسير تاني يوم ممكن مش باين في الصورة اصفرت كتير من اجزائه

**sweet nona** · 09-28-2012, 08:13 PM

اااااااااااااه امتى اندير زيهم فى مطبخنا

لولو أبدعتى ياغالية بهالمنظر مشاركة مفييييدة لينا وشكراا جزيلا لمجهوداتك

تم التقييم لعيونك

**ميرولاكى** · 09-28-2012, 09:45 PM

ياسلااااااااااااااااااام على الالوان اللى تشرح القلب
طريقه حلووووووووووه وان شاء الله نجربها
تسلم دياتك بجد رووووووعه
صحتين والف عافيه

**luba** · 09-29-2012, 04:45 AM

سوسو وميرو صحيتوا علي المرور

والكلام الطيب ربي يعطيكم الصحة وما يحرمنا هالجمعة الحلوة

**barney** · 09-29-2012, 05:18 AM

ماشاء الله لاقوة الا بالله
سلم ايدياتك والله امسير ايسيح الريق صنته فايحه هههههههههههه
والمنظر مش عادي يبي كسكسي من ايديات امي
اااااااه يا لوكان انحصل منه إلقيمه بس
يممممممممممممي
لك تقييمي ان شاء الله

**المصراتيه** · 09-29-2012, 07:05 AM

لوبا كان تبعتيلي التبسي هدا
اااااااه حسك شوفتيني
منظره يسهـــــــــف
ماشاءالله عليك وعلي يدياتك
عطيك الصحه يافالحه
لك احلي تقيــــم
وان شاءالله موفقه في المسابقـه

**أمـ ساره** · 09-29-2012, 10:45 AM

ماشاء الله لاقوة الا بالله

مع اني ما ناكل فيه لكن شكله يجي في الخاطر

وألوانه روووووعه وطريقة تقديمك حلوة

سلمت ايدياتك لوبا وبالهني والعافية

تستاهلي أحلى نجيمات

**انوار** · 09-29-2012, 02:15 PM

لوووووووووبا ياغالية تسلم ايديك بسم الله مشالله

مسيرات ياخدوا العقل غدانا فاصوليا بالكرشة من بكري واني نتخايل نعدي بالمسير متاعك

يميييييييييي حاطة الصورة قدامي وناكل باذن بنديرها وربي يعطيك صحيحتك

**أم عبدالرحمن** · 09-29-2012, 07:55 PM

يسلموااا الايادي .... ربي يخليلك الوالدة و يونسكم بيها
اضافة الكسبر والشبت جديدة عليا ... نتوقع انها تعطي طعم رائع ..
المرة الجاية أكيد حنجربها

**luba** · 09-29-2012, 10:04 PM

المشاركة الأصلية كتبت بواسطة barney

ماشاء الله لاقوة الا بالله
سلم ايدياتك والله امسير ايسيح الريق صنته فايحه هههههههههههه
والمنظر مش عادي يبي كسكسي من ايديات امي
اااااااه يا لوكان انحصل منه إلقيمه بس
يممممممممممممي
لك تقييمي ان شاء الله

الله يسلمك ايه صدقتي وين نفتح في الفازو الريحة تعبي المطبخ وووه عليا تهبل

ياريت بحداي مايقعد في خاطرك و طول الاسبوع اندير في غداي المسقي بانواعه علي خاطره ههههه

صحيتي علي مرورك اللي يسعد فيا

الموضوع: [مشاركة في ملف المخللات] المسير ( مخلل الفلفل ) من مطبخ لوبا

أدوات الموضوع

عرض

[مشاركة في ملف المخللات] المسير ( مخلل الفلفل ) من مطبخ لوبا

معلومات الموضوع

الأعضاء الذين يشاهدون هذا الموضوع

المفضلات

المفضلات

ضوابط المشاركة