[استفسار] عن أفضل نوع دقيق للحلويات

[ام مؤيد]

كان انقولكم خاطري في كعك حلو العادي مش بتاع الماكينة بس نوع الدقيق ما عرفتاش خايفة أندير دقيق الجمعية ايجي مفترش لان كل مرة نوع جديد ياريت تقوللي علي الأحسن

[sweet nona]

هلا ام مؤيد

والله شن بنقولك طريقة الكعك الحلو عندك فى المنتدى

بس نوع الدقيق ديما مانزبطه دقيق الجمعية خاصة الى لونه مايل للاصفر قمح

فى كل شى ماشالله وحتى الدقيق امتاع الباكوات ب50 قرش الكيس اكويس فى الحلويات ماشي معاى

الى مرسوم عليه القمح وان شالله انكون افدتك وفهمتى عليا

واكيد البنات يردو عليك اكتر

[الصابرة]

اهلين ام مؤيد
اني لما بندير نوع حلو وخايفة من الدقيق
ديمة ناخذ في كيس الدقيق بتاع 50 درهم اللي قالت عليه سويت نون
اللي مرسوم عليه سبولة صفرا ديري بيه اي نوع مضمون
وبصراحة حتى دقيق 50 كيلو اللي كيسه نايلو بتاع الجمعيات حتى هو ممتاز

[امدللة]

السلام عليكم
استعملي دقيق اسمه مسعود المخصص للحلويات ممتاز وفي نوع اخر للبيتزا

[ام مؤيد]

شكرًا بارك الله فيكن علي التوضيح