صفحة 1 من 2 12 الأخيرةالأخيرة
النتائج 1 إلى 10 من 18

الموضوع: يومياتي انا والرجيم من مطبخ أم عبدالرحمن....

  1. #1
    عضوة مبتدئة

    الحالة
    غير متصل
    تاريخ التسجيل
    Feb 2012
    الدولة
    فرنسا
    المشاركات
    108
    معدل تقييم المستوى
    14

    افتراضي يومياتي انا والرجيم من مطبخ أم عبدالرحمن....

    السلام عليكم ...
    رجعت للمنتدى بعد ماكملت امتحاني والحمدلله

    كنت ناوية بنرجع بقوة واندفاع ....لكن البارح فى الليل خديت قرار ليا فترة وانانتعارك مع روحي ... نبي ندير رجيم ونقص وزني
    لكن الحق مع ضغط القراية والحوش والصغار نلقى فى المتنفس الوحيد فازو النوتيلا اللى نحس معاها بالاستمتاع و السعادة وأنا نأكل فيها ...

    ... شن سبب القرار اللى خديته فجأة البارح الساعة 2 فى الليل؟... السبب انى كنت مكسدة فقررت نتفرج على حاجة كوميدي بعد ماكنت نتصفح فى الاخبار على صفحات الفيس بوك (نكدوا عليا الله ينكد عليهم ) كل واحد يبي السلطة ويحارب في الثاني وكأنهم مش ولاد نفس البلاد ومفروض مصلحتهم وحدة...

    المهم تفرجت على فلم أحمد حلمي اكس لارج ليش نفرهد على روحي ....زدت نكدت على روحي أكثر وأكثر ....
    وقلت فى بالي لو استمريت بالوضع هذا نهايتي حتكون فى نفس حجمه بعد 10 سنين من توا .......
    فخديت القرار الصعب والذي لا مفر منه وهو الرجيم ....لكن قعدت محتارة .... اى نوع رجيم ؟؟؟؟....
    وقررت انه حندير رجيم منخفض الكربوهيدرات ( أتكنز دايت)...

    اليوم أول يوم فى الرجيم
    نبي نسال البنات اللى جرباته قبل.... كيف كانت النتائج...؟؟؟؟

    وقررت أنه نزل وجبات الرجيم اليومية ( نحاول انه تكون بالصور قدر الامكان)
    للي يحب يستفسد و تشوفوا النتائج على حقل تجارب فعلي ...
    وحنزل معدل النزول اليومي بالجرام


    اليوم الاول

    الفطور : أومليت 2بيض بالزبدة.


    الغذاء : سلطة ورق خضراء مع علبة تونة متبلة بزيت الزيتون وليمون.


    العشاء : شرائح لحم صدر دجاج مع فطر طازج , ملح فلفل ,اسود ,وجبنة مودزريلا , وزيت زيتون , 3 حبات زيتون.




  2. #2
    الصورة الرمزية luba
    مراقبة عامة سابقة - شعلة عطاء

    الحالة
    غير متصل
    تاريخ التسجيل
    Mar 2012
    الدولة
    canada
    المشاركات
    5,969
    معدل تقييم المستوى
    43

    افتراضي

    اهلين بيك ام عبدو وان شاء الله بالنجاح والتوفيق ياااارب

    ضحكتني المقدمة شوية وخاصة الفيلم حتي اني حضرته والفيلم روعةومضحك

    ومهم للسمان وغيرهم من اللي يبوا يحققوا اي طموح

    لانه نهاية الفيلم حلوة حقق حاجتين طموحه في التنقيص والمجلة اللي يبي يديرها

    نتمني لك الرشاقة والصحة الدائمة

    وموضوع حلو وبداية موفقة واكيد ببدايتك القوية هلبه بنات حيتشجعوا معاك

    ويستفيدوا من طبخاتك اللي تنزليهم وممكن ينزلوا معاك ان شاء الله كنت نتمني نشاركك في برنامجك الرائع

    بس لي الاسف لو نلقي اللي يطلع منك يدخلي مانقولش لا

    وياريت بافطارك الصحي تشاركينا المسابقات المفتوحة الان في ركن الافطار الصحي تلقي اعلانها في ركن المقبلات الليبية

    نورتينا وفرحتينا بقرارك وربي يخليك ويخلي صغارك وبوهم


  3. #3
    عضوة مبتدئة

    الحالة
    غير متصل
    تاريخ التسجيل
    Feb 2012
    الدولة
    فرنسا
    المشاركات
    108
    معدل تقييم المستوى
    14

    افتراضي

    تسلمي لوبا عالمرور والتشجيع

    بالعكس انتى فى نعمة لانه معدل الايض عندك عالى
    وجسمك يحرق فى الاكل ميخزنش فيه

    ... للاسف منقدرش نشارك فى مسابقة الافطار الصحى حاليا
    لانه هذا الرجيم يعتمد على تناول نسبة كبيرة من البروتين والدهون
    وتخفيض نسبة الكربوهيدرات لعند 20 جرام يوميا فى المرحلة الاولى ..
    يعنى الوجبات الموجودة تنفع لهذا النوع بس من الرجيم.... لو لاحظتي
    الفطور كان اومليت بالزبدة


  4. #4
    الصورة الرمزية luba
    مراقبة عامة سابقة - شعلة عطاء

    الحالة
    غير متصل
    تاريخ التسجيل
    Mar 2012
    الدولة
    canada
    المشاركات
    5,969
    معدل تقييم المستوى
    43

    افتراضي

    عزيزتي جت في بالي قلت هادي خيرها طول بادية في الدهون هههه

    بس شفت انه يعتمد علي الكربوهيدرات و ليش ماتقدري تشاركي شاركي بها

    حتي في الاركان التانية متاع المقبلات العالمية او الليبي او المعجنات لانها مسابقة مفتوحة نراجي

    فيك ماتنسي ومرات انطبقلك من حاجاتك لانه فيها دهون تنفعني يعني هههه سلامي للطموح قلبي معاك


  5. #5
    الصورة الرمزية أمـ ساره
    مراقبة عامة سابقة

    الحالة
    غير متصل
    تاريخ التسجيل
    Nov 2010
    الدولة
    لــيـــ $ ــبــ $ ـــيــا
    المشاركات
    5,847
    معدل تقييم المستوى
    34

    افتراضي

    ربي يوفقك يا أم عبد الرحمن وينولك الي في بالك

    بس حبيبة المفروض تجربي طريقة الاكل الصحي وتعتمديه ديمة في حياتك

    لأن الريجيم فترة وخلاص ينتهي وبعدها وترجعي لأكلك المعتاد


    بصراحة ما نفهم فيهم الريجيمات بكل وما نقدر نستمر على واحد

    لكن الحمد لله عندي حد معين للوزن ونفسياً نلقى روحي ننقص في الأكل



    ربي يوفقك حبيبة وزي ما قالت لك لوبا ورينا وصفاتك ونزليها في المسابقات

    وأكيد فيه ناس تعجبهم ويطبقوها

    اللهم فرج على ليبيا واحقن دماء ابنائها
    وابعد عنهم وعنها الفتن ما ظهر منها وما بطن
    اللهم اهلك الظالمين بالظالمين وأخرجنا منهم سالمين





  6. #6
    عضوة مبتدئة

    الحالة
    غير متصل
    تاريخ التسجيل
    Feb 2012
    الدولة
    فرنسا
    المشاركات
    108
    معدل تقييم المستوى
    14

    افتراضي

    تسلمى عالمرور أم سارة ...
    مشكلتي مش مع الاكل الصحي مشكلتى مع الشكلاته بكل انواعها وخصوصا النوتيلا....
    باستثناء رمضان والعزايم ماكلتي صحية ....يعنى نستعمل فى كميات قليلة من زيت الزيتون و الزيوت النباتية او الدهون الحيوانية نادرا مانستعملها
    غالبا اكلنا بالحبوب الكاملة سواء ارز او مكرونة او دقيق. ...
    بس للاسف نقطة ضعفي الشكلاتة اولا والحلويات تانيا...
    صايرلي زى الادمان .... فكرة الرجيم هذا ان يثبت نسبة السكر فى الدم فتنقص الرغبة فى اكل السكريات وهذا ليش انا اخترته


  7. #7
    الصورة الرمزية أمـ ساره
    مراقبة عامة سابقة

    الحالة
    غير متصل
    تاريخ التسجيل
    Nov 2010
    الدولة
    لــيـــ $ ــبــ $ ـــيــا
    المشاركات
    5,847
    معدل تقييم المستوى
    34

    افتراضي

    اهاااااااااااااا صار هكي توا فهمت عليك

    هو حق الشوكولاته لا تقاوم واني الاولى ما نقدر نسيبها

    لكن توا في فترة الحمل منقصتها هلبة لأن ما قدرتها حسيتها قوية

    ربي يكون في عونك حبيبة ويقوي عزكم يارب

    وان شاء الله تحققي الي تبيه

    اللهم فرج على ليبيا واحقن دماء ابنائها
    وابعد عنهم وعنها الفتن ما ظهر منها وما بطن
    اللهم اهلك الظالمين بالظالمين وأخرجنا منهم سالمين





  8. #8
    الصورة الرمزية المصراتيه
    مراقبة سابقة - مبدعة الفراولة لربيع 2012 - مبدعة المعجنات لعام 2012

    الحالة
    غير متصل
    تاريخ التسجيل
    Jan 2012
    الدولة
    هونولولو
    المشاركات
    3,300
    معدل تقييم المستوى
    37

    افتراضي

    اهلين بام عبد الرحمن
    اول شي ان شاءالله توصلي يارب كيف ماتتمني واحسن
    بالنسبه للشكولاته علي قولتك محدش يقدر يقاومها الا كان حلفتي عليها مع ان الحلف علي النعمه حرام ولكن عندي اختي من كتر ما ادمان علي ايكالها حالفه عليها
    اما اني مستحيل نقدر ندير رجيم قبل هكي كنت نقول ولكن توا في مرواحتي لي ليبيا 3 شهور لقيت روحي زايده 5 كيلو يعني من 60 لعند 65 انصدمتتتتتتتتتتتتت وقررت انقصهن وبكل صراحه اليوم بديت ههههه هدا اول يوم ورجيمي هوا " كوب ماء مغلي + م شاهي اخضر +م كمون + نص م زنجبيل + نص م قرفه + شريحتين ليمون " مرتين في اليوم قبل الاكل بتلت ساعه هدا سمعته من دكتوره مصريه في برنامج
    لاني مانقدرش نتحكم في الايكال والرجيم هدا للبطن افضل شي يعني يحول الكرشه واني اول ماجبت ندير في رياضه روحت لي ليبيا بلا بطن اللي هدا حل فمه وتوا كاني في التالت خخخخ فقررت وان شاءالله نقدر
    فننصحك تشربي ولو كوب واحد اول ماتنوضي
    وعلي فكره اي رجيم ضروري من الرياضه ولو حتي مشي علي الاقل

    لوبا ههههههههه تخيلتك سمينه ونراجي في دوري الاعتراف علي الكرسي الحق بنختارك باهي الا خشيت موضوع هدا هههه

    ام سرو ردي بالك اني لما حملت نزلت غير علي الايكال والشكولاته كيفك من كتر منحبها كرهتها في الحمل

    وان شاءالله يا ام عبدو توصلي كيف ماتبي وربي يوفقك في قرايتك ويخليك لصغارك وخبرينااااااااااااااااااااااا نراجو في النتيجه وان شاءالله علي خير يارب....

    كتبت وقد ايقنت يوم كتابتي..
    بأن يدي تفنى ويبقى كتابها..
    فإن كتبت خيرا ستجزى بمثله..
    وإن كتبت شرا عليها حسابها..

  9. #9
    عضوة مبتدئة

    الحالة
    غير متصل
    تاريخ التسجيل
    Feb 2012
    الدولة
    فرنسا
    المشاركات
    108
    معدل تقييم المستوى
    14

    افتراضي

    أم سارة
    يارب تقومي بالسلامة انت والبيبي ويكون من الذرية الصالحة يارب...
    انا فى الفترة الاولى من الحمل نكره كل شئ باستثناء برنجلز وسنكرس والتفاح
    لكن فى الشهور الاخيرة تجيني عالبسبوسة والنوتيلا ....


  10. #10
    عضوة مبتدئة

    الحالة
    غير متصل
    تاريخ التسجيل
    Feb 2012
    الدولة
    فرنسا
    المشاركات
    108
    معدل تقييم المستوى
    14

    افتراضي

    شكرا حبيبتي المصراتيه ... وان شاء الله تفتكي منهم هالخمسة كيلو
    الزنجبيل حاولت نشربه قبل لانه يشكروا فيه للصداع النصفى لكن الحق مقدرتاش ...
    اما الرياضة بيني وبينك والله مافى ليها وقت لكن اللى صالح بيا شوية حكاية المشي
    يوميا نمشي قريب ساعة ليش نوصل الجامعة .... كان هذا راهو راحت ليل وظلام ....
    والحلف عالشكلاته والله مانقدره قداش بندفع كفارة يعنى بنفلس من الاخير....
    وربي ينولك اللى فى بالك


صفحة 1 من 2 12 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك