[مشاركة تشجيعية في مسابقة الافطار الصباحي العائلي] كب البيض في الفرن من مطبخ لوبا

**luba** · 09-29-2012, 09:46 PM

السلام عليكم ورحمة الله وبركاته

كب البيض في الفرن

المقادير والطريقة :

صونية كب كيك نوعية الفخار او الزجاج مدهونة بالزيت

2 قطعة توست مقطع بحجم الصحن

حبات زيتون - جبنة موزيريلا او شيدر مبشورات

بيضة

الصالصة :

نفرم بصل ناعم ونضعه في طنجرة فيها شوية زيت علي النار

ونخليه يدبل شوية ونضع معاه طماطم مقطع مكعبات و فلفل حلو مكعبات

ونضيف لهم شوية ملح وكمون حوت وفلفل اسود و بابريكا

نخليهم لين يتسبكوا مع بعض ويصيروا صالصه

تقدر اديري كمية من الصالصة وتخليها في التلاجة

يسهل عليك تحصيرها اليوم التاني في وقت سريع

ناخد صحن الكب كيك المدهون بالزيت

نضع فيه طرف توست

تم صالصة وزيتون

وجبنة مبشورة

تم بيضة ونضع فوق البيضة طرف توست مفتوح بشكل دائري من الوسط

لنضمن نضج البيضة ندخلها في الميكرويف ونغطي صحن الكب بصحن فخار ونخلي شوي

فتحه ليخرج الهواء من طاجين الكب

ونعدل الميكروويف علي دقيقة او اقل

بعد ينضج ندخله الي الفرن لتحمير التوست من فوق وتحت

ولو مافي الميكروويف يوضع في الفرن علي نار متوسطه ويغطي بالسلفر

لكي ينضج البيض قبل تحمير التوست

يمكن اكلها مباشرة في الكب ويمكن قلبها في صحن التقديم

وبصراحة بنتها روووووعة وخيال وتنفع لك ولي الاطفال وعشاء خفيف وافطار لللضيوف

وهدي صورة في يوم تاني

ووين يكمل الطرف تتمني بعده تاني وجربوها وقولوا قالت لوبا

لالالالالالالالالا ماتكمليش خلي يدوقوه البنات ..............شن بندير لايقاااااااااااااااااوم

**أمـ ساره** · 09-29-2012, 10:29 PM

ماشاء الله لاقوة الا بالله

هذه حصتي وخذيتها والباقي ما دخلني في حد

طريقة اتهبل ومتأكدة ان ينتها روووووعه

ان شاء الله نجربها سلمت ايدياتك الحلوة لوبا

وتستاهلي أحلى تقييييييييييييييييييييييييييم

**ميرولاكى** · 09-29-2012, 11:39 PM

سلم دياتك
من كتر ماعجبتنى تمنيت عندى توست نديرها توا تواااااااااااااااااااا
بجد حلوه وفكرتها جديده ومميزه
صحتين والف عافيه

**نسمه ليبيه** · 09-30-2012, 12:47 AM

فعلا شكله لا يقاوم

يسلموا لوبا

**حبيبتهم** · 09-30-2012, 01:07 AM

وااااو شكلها روعة مش عادية يا لوبا تسلم ايديك وصحتين عليكم ولك ولموضوعك التقييم

**نسيبة** · 09-30-2012, 01:35 AM

تسلم ادياتك حبيبة ربي يعطيك الصحةلوبا لك احلى تقييم

**luba** · 09-30-2012, 02:48 AM

المشاركة الأصلية كتبت بواسطة أمـ ساره

ماشاء الله لاقوة الا بالله

هذه حصتي وخذيتها والباقي ما دخلني في حد

طريقة اتهبل ومتأكدة ان ينتها روووووعه

ان شاء الله نجربها سلمت ايدياتك الحلوة لوبا

وتستاهلي أحلى تقييييييييييييييييييييييييييم

الله سلمك ام سويره وربي يقومك بالسلامة

وصحيتي علي المرور والتقييم بارك الله فيك

**luba** · 09-30-2012, 02:50 AM

المشاركة الأصلية كتبت بواسطة ميرولاكى

سلم دياتك
من كتر ماعجبتنى تمنيت عندى توست نديرها توا تواااااااااااااااااااا
بجد حلوه وفكرتها جديده ومميزه
صحتين والف عافيه

الله يسلمك انت الاحلي يا ميرو وافكارك هي اللي تمخول

الله يسلمك ويعافيك وننتظر في تطبيقك لو درتيها