[ مشاركة لمسابقة الافطار الصباحى العائلى] سوفليه البيض من مطبخ ميرولاكى

[ميرولاكى]

بسم الله الرحمن الرحيم

سوفليه البيض


المقادير مع الطريقه

نسخن 2 ملعقه زيت ونضيفلهم فص ثوم



بعدها نضيف بصله متوسطه



وبعدها حبه طماطم اخضر متوسطه



ورشة معدنوس



بعد ماتجهز الخلطه نتركها تبرد



ونضيف عليها 3 ملاعق كبيره جبنه مبشوره استخدمت الموتزاريلا ونوع تانى ممكن تستخدمى اى نوع تحبيه



نبدا نجهز خلطيط البيض (بيضتان+5 ملاعق حليب +قطرات خل+ملح +فلفل+رشة ريحان (حبق) )




نضع الخلطه فى الطبق الحرارى



ونصب فوقها خليط البيض



وعلى الفررررررررررن النار متوسطه وعلى الرف الوسط لحوالى من 15 الى 20 دقيقه



وهنا السوفليه جااااااااااااااااااهز نتمنى يعجبكم



وصحتيــــــــــــــــن والف عــــــــــــافيه

[حبيبتهم]

ماشاء الله شكله روعة
تسلم ايديك ميرولاكي

بنسألك سؤالين
اني ماعنديش قوالب السوفليه نقدر انديرها في قوالب الكب كيك باستعمال اوراق البليسة او لا

وثاني سؤال شنو معنى اسمك ميرولاكي

وتسلمي عالحاجات الحلوة ولك احلى تقييم كان مشي


اه قريب نسيت هذي حصصتي

[ميرولاكى]

شكرااااااااااااا لمرورك وكلامك الحلووووووووو
اولا شن رأيك فيا نفذتلك طلبك اليوم ونزلت طبق جديد لعيوووووووووونك
بالنسبه للاطباق والله ماعندى فكره انا عادة نستخدم الطبق الحرارى وعمرى ماجربته فى الكب كيك عشان هكى مش حنقدر نفيدك لو وحده من البنات عندها فكره تفيدنا
واسم ميرولاكى بنتى اسمها ميران وماما يونانيه وعندهم اسم ميرولاكى فتنادى فيها ميرولاكى بدل ميران فمشى فيها هههههههه قصه صح

[sweet nona]

ممممممممممممممم

سوفليه ريحته وصلتنا...تسلم ايديك عالطبق الراااائع

وشكراا لوصفاتك الى استفدنا منها جارى التطبيق

احلى تقييم لعيونك

[amooola]

سلمت يداكي

[ميرولاكى]

سويت نونا
اموله
الله يسلمكــــــــــن
نورتووووووووووووونى

[مغتربة 7]

ماشاء الله لاقوة الابالله
سوفليه ياخد العقل ومغدي
مبدعة ياميمي وصفاتك وحدة احلى من الثانية
ربي يباركلك فى وقتك وفي صحتك يارب ويسلم الايادي
مشاركة رائعة تستحق التقييييييم
موفقة فى المسابقة

[ميرولاكى]

نورتى حبووووبه
الله يسلمك ويبارك فيك على الطله والكلمات والدعاوى الحلووووووووووه

[الصابرة]

ماشاءالله تبارك الرحمن
سلم دياتك ويعطيك الصحة سوفليه ولا احلى ربي يبارك فيك يارب
وربي يحفظلك اميمتك وبنيتك ربي يطول في عمرهن وحلو اسم ميران
احلى تقييم كان مشى

وبالنسبة لسؤال حبيبتهم
لوعندك بايركس صغير تقدري اديريه فيه
كنهدا تعرفي قوالب السلفر الصغيرات اللي دايرات زي الكب كيك فردية تقدري اديريه فيهن
تعرفي اللي استخدمتهن زينب محمد في وصفتها بتاعت المهلبية بالكراميل والبسكويت
صورتهن على الرابط هذا

http://www.libyan-kitchen.com/kitchen/showthread.php?6244-%E3%D4%C7%D1%DF%C9-%CA%D4%CC%ED%DA%ED%C9-%DD%ED-%E3%E1%DD-%C7%E1%E3%D1%D8%C8%C7%CA-%C7%E1%D1%E3%D6%C7%E4%ED%C9-%E3%E5%E1%C8%ED%C9-%C7%E1%DF%D1%C7%E3%ED%E1-%E6%C7%E1%C8%D3%DF%E6%ED%CA-%E3%E4-%C7%E1%E3%D8%C8%CE-%C7%E1%E1%ED%C8%ED-%E1%D2%ED%E4%C8-%E3%CD%E3%CF


لانك لو استخدمتي طاجين الكب كيك مع ورق البليسيه راح يلصق فيه ومش حيحول بسهولة ونصه يحصل في الورقة لان الخلطة مافيهاش دقيق
ان شاءالله اكون افدتك

[luba]

ماشاء الله تبارك الله

لاحول ولا قوة الا بالله

كل حاجاتك رووووعة ياميرو

اليوم درت رول التوست يهبل شوية فيه مانقولكش كيف عجبهم

اللي ما يعجبهم العجب وخاصة ولدي اللي محيرني معاه وان شاء الله نوريك التطبيق

هالايام ماشي فطورة منك ومن الصابرة ربي يخليكن

وحلو اسم ميران لازم نعرف شنو معناه لو حصلت بنت بنسميها هالاسم

علي وزن اسماء صغاري الاولين لانه اندور في اسم ولد وبنت اخرهم بالالف والنون

وربي يخليلك امك وبنتك وزوجك