[فكرة ]أفكار للتخزين والترتيب داخل المطبخ

**ليبية** · 12-22-2010, 08:24 PM

أفكار للتخزين

السلام عليكم ورحمة الله وبركاته:

اخواتي الكريمات لطالما نعاني من قلة الترتيب في الأدرج او خزانات المطبخ
والتي تحتاج الى ترتيب دائم
وجدت لكم بعض الأفكار واتمنى ان تعجبكم

الفكرة الأولى :
ممكن اللي تبي تدير مطبخ جديد(يارب اوعدنا) ترفع الصورة هذي معاها ويديروهالها (بصراحة عجبتني هلبة)

هذي فكرة تانية

عجبتني فكرة السلة الصغيرة في الدرج

الفكرة الثالثة:
احني ديما نستعملوا في مربع واحد لحفظ الملاعق والسكاكين والشوك رغم انه ممكن نستعملوا مربعين

الفكرة الرابعة:
للتوابل

الفكرة السادسة:
لمواد التنظيف

الفكرة السابعة وعجبتني هلبة :

للطواجين وممكن حتى للسفر (ماكثر سفرنا احنا الليبيات)

يارب انكون وفقت بهذا الموضوع
تعبت باش حصلتلكم افكار
وان شاء الله للموضوع تكملة لو لقيت اي فكرة حنضيفها
يعني اللي ناوية تصمم مطبخ تخش للموضوع قبل ماتصمم بالك تلقى فكرة فيه

بس ماتنسوناش من صالح دعائكم

**طمطم** · 12-22-2010, 11:58 PM

ماشاء الله والله حاجات مهمة واني عن نفسي بنحفظها باش نرفعها للورشة لما نرجع لليبيا إن شاء الله ونصمم دولاب المطبخ

تسلمي وبارك الله فيك

**روح مغتربه** · 12-23-2010, 12:03 AM

ماشاءالله وين كنتي قبل ما نغير ديكورات الحوش الله غالب المرة الجايه نستعينو بيك

**أمـ ساره** · 12-23-2010, 12:20 AM

ماشاء الله ليبية افكار تهبل

سلمت ايداتك وجهد مميز والله

وان شاء الله نستفيدوا من افكارك الحلوة وربي يرزقنا يارب

**ليبية** · 12-23-2010, 12:32 AM

اقتباسالمشاركة الأصلية كتبت بواسطة طمطمماشاء الله والله حاجات مهمة واني عن نفسي بنحفظها باش نرفعها للورشة لما نرجع لليبيا إن شاء الله ونصمم دولاب المطبخ

تسلمي وبارك الله فيك
ربي يوفقك ويهنيك وتبيديه بالهني يا طمطومة

اقتباسالمشاركة الأصلية كتبت بواسطة روح مغتربهماشاءالله وين كنتي قبل ما نغير ديكورات الحوش الله غالب المرة الجايه نستعينو بيك معليش خيرها في غيرها وانا بالخدمة ولا يهمك تابعوا الموضوع وكل مانلقى حاجة جديدة نحطها ان شاء الله

اقتباسالمشاركة الأصلية كتبت بواسطة أمـ سارهماشاء الله ليبية افكار تهبل

سلمت ايداتك وجهد مميز والله

وان شاء الله نستفيدوا من افكارك الحلوة وربي يرزقنا يارب

يارب يرزق كل من يبي صحيتي نورتيني يا ام سرو