[ مشاركة لمسابقة الافطار الصباحى العائلى] الخبز العربي من مطبخ المصراتيه

**المصراتيه** · 10-07-2012, 07:49 AM

الخبز العربي "خبزه فطاحه"

واكيد كنا نعرفوها ونديرو فيها وهيا تفضلو بالتفصيل

المكونــــــات:

كوبين ونص دقيق
نص ملعقه كبيره خميره بيرا
ملعقه صغيره ملح
ملعقه صغيره سكر
ماء دافي للعجن

الطريقــــــه:
تعجن جميع المكونات مع بعض جيدا لمده خمس دقائق علي الاقل

تغطي العجينه وتخمر تم
تقرص اقراص صغيره

تفرد بالقرص علي سطح مرشوش بالدقيق ويوضع بين ورقه المطبخ الي نهايه الاقراص وتغطي وتترك ترتاح 10 دقائق

وتغطي وتترك ترتاح 10 دقائق

يوضع في الطاجين ويدخل فرن ساخن او فوق الغاز

وهدي صوره وهوا داخل الفرن ينتفخ

واول ما تخرج من الفرن تغطي بفوطه المطبخ
وتقدم

ويمكن حشوها....

وصحتين وان شاءالله تعجبكم

ملاحظه:
لو تبيها منفوخه ننصح بانها تندار في الفرن وبالنسبه للطاجين مش شرط متقب غير اني ماعنديش كبير

**أمـ ساره** · 10-07-2012, 08:31 AM

هكي ضمنت فطوري اليوم الحمد لله

ماشاء الله لاقوة الا بالله

خبيزة اتهبل وتجي في الخاطر

وشكلها كيف منفوخة مش عادية تنادي وتقول كولوني

سلمت ايدياتك المبدعة مصراتيه

وان شاء الله يمشي معاي التقيييم

**أمـ ساره** · 10-07-2012, 08:44 AM

ميمي رجعت للتقييييييم حبيبة لأنك تستحقيه

بجد روووووووووووووووووووعه

**sweet nona** · 10-07-2012, 10:34 AM

ماشالله ميمى شن الخبزة الحلوة

وشكلها خفيفة وصح كلامك ام سارة اتقول كولونى ههه

هادى وصفة حلوة تستحق التمييز

لانها تنفع فى كل الوجبات

واحلى تقييم واكيد لو فى اكتر تستاهلى

ودائما متعودين منك بحاجات حلوة

صباااااااااااااااااااااااحو حصتى بنتغدا بيها لانه فطورى حاجة حلوة اكتر شى

**المصراتيه** · 10-07-2012, 11:09 AM

بارك الله فيكن ام سرو وسويت وصحتين
تسلمن علي التقيـم وكلامكن الحلو
يسعدني حظوركن

**ميرولاكى** · 10-07-2012, 11:26 AM

ماشاء الله على ديااااااااااااتك
ربى يعطيك الصحه
بصراحه خبزه من الاخرررررررررر ولا احلىىىىىىىىىىىى
حسيت روحى نبى نجربها تواااااااااااااا تواااااااااااااااا
جااااااارى التطبيق ان شاء الله
صحتين وعافيه

**luba** · 10-07-2012, 03:30 PM

ماشاء الله تسلم ايديك حاجة كوووول

نفس طريقتك بالضبط ومجربة فوق الغاز وفي الفرن

بس اني ماتقعدش منفوخة بعد نغطيها زعمه علي خاطر رقيقه

المهم جاري تطبيق خبزتك بحدافيرها

روووعه وتستاهلي التقييم

**بنت حواء** · 10-07-2012, 04:25 PM

ماشاء الله خبيزة تجنننننننننننننن
أنا ندير فيها لكن بعد تبرد تنزل على بعضها
قوليلي كيف قعدت منفوخة ولا صورتيها جديدة؟؟
سلم يدياتك وصحة وهنا على قلبك
ولك أحلى نجوووووووووووم

**حبيبتهم** · 10-07-2012, 05:46 PM

ماشاء الله عالخبزة الفايحة
منظرها تهبل مش عادية
تسلم ايديك يا مصراتية
وحتى اني بنسأل نفس السؤال
اني بعد اتطيب تقعد شوية منفوخة وبعدها اتحول منها الانتفاخ
انتي صورتيها طول قبل ماتنزل والا تقعد معاك هكي

ولك ولموضوعك احلى تقييم