[مشاركة في ملف المخللات] تخليل الزيتون من مطبخ أم سويت

[sweet nona]

الزيتون المنزلى

بالنسبة ليا عشقى الابدي الزيتون

بأنواعه هههه

وخاصة زيتون الحوش وخاصة زيتون أمى الى من فضل ربى كل سنة ادير فيه ربى يخليها لينا

وهكى على طول السنة لايخلو البيت من الزيتون وبأنواعه الاخضر والأسود والمفتوح ووووو

طريقة امى فى تحضير الزيتون تاخد الزيتون

بعد نشروه من السوق وتوازيه الأكحل بروحه والأخضر بروحه

ومحلاه لو كان زيتون اكحل مممممممممممم

وتوازيه من الشوائب والأوراق وتغسله كم مرة لين تنظف المية امتاعهوبعدها ..

تبدا فى توزيع الملح



استخدمت 1 ونصف كيلو لتخليل الزيتون 10 كيلو ملح

[ويفضل ان يكون ملح خشن]

نجهز وعاء التخليل ويكون عبارة عن مصفى كبير

أو وعاء من البلاستيك استخدمت مصفاة ستينلس ستيل

واستخدمت بلاستيك لأن الكمية كبيرةويوضع الزيتون

داخل وعاء التخليل في طبقات متبادلة مع الملح مع تغطية

السطح بطبقة من الملح يوضع فوقها غطاء و ثقل

ونبدا نحرك فيه من وقت لآخر متلا فى الاسبوع مرة

وكل مرة نزيد ملح لو لقينا نقصونزيل المية الى تطلع من الزيتون

وهكذا لمدة شهر او أقل على حسب نوعية الزيتون

فى الى يطول وفى الى يطيب بسرعة انى جربت نوع الاسود

مايعطلش خلال تلات اسابيع كانت


ع

[لوتي]

امممم أول وحدة انرد والصونية الحلوة هادي ليا


ماشاء الله زيتون يفتح النفس تسلم إيدك وإيدين أمك ربي يحفظها

[لوتي]

حقا التقيييم ممتاز لسويتي

[ميرولاكى]

ماشاء الله
ربى يحفضلك الوالده ويخليها لك ويطول فى عمرها
وسلم دياتك ودياتها
زيتون يسههههههههههههههههف بجد
صحتين والف عافيه

[حبيبتهم]

ماشاء الله عليك يا سويت وعلى الوالدة ربي يحفظها
زيتون مش عادي
علي فكرة احني انقولوا له زيتون غامي
ولك ولموضوعك احلى تقييم

[الصابرة]

ربي يحفظلك اميمتك وسلم دياتها يارب
احلى تقسسم ونجوم كان مشوا
ها الحافظة ليا راهو حد ياخذ منها

[sweet nona]

لوتى

ميرولاكى

حبيبتهم

الصابرة

لردودكم اخواتى وكله من ذوقكم

وجربوه طريقته سهلة وطعمته الذ من الزيتون المعلب

وشكراا للتقييم

[المصراتيه]

احححححححححححححححح
ماعنديش روح معاه زيتون الحوش
ومحلا لونه يهبلللللللل
ماشاءالله لا قوه الا بالله
منظره يسهف
يعطي امك الصحه يارب ويسلمها ويحفظها ليكم
احلي نجيمات لاحلي زيتون

[sweet nona]

ميمى العسولة..تسلمى

اول ماتحطك الطيارة المرة الجاية فى طرابلس اخطمى عليا

تو نعطيك حافظة ولا يهمك

ربى يخليلنا امهاتنا جميعا

نورتى

[luba]

ماشاء الله وكدلك عشقي اني

كل شي نحب فيه الزيتون اي شي حتي الايس كريم هههه

ربي يسلمك ويعطي اميمتك الصحة وطول العمر وراحة البال

تسلم ايديك وايديها طالع مش عادي ويهبل

تم التقييم ليك وللموضوع