عرس الغالية مودة الدعوة عامة تفضلوا

**مغتربة 7** · 10-11-2012, 07:15 PM

لولو نصفق بكل قوتي الا الضرة هههههههههههههه
سويت اعطيك الهني موتيني ضحك فكينا منها متع يغسل فى الطناجر هههههههههههههههه

طبعا اني ليا سنين على ها الشتاوي والاغاني الحلوة

هذا حد القدر معاكم نوار الحوش اعطيناكم
جابها المكتوب وجتكم ديروها زي بنيتكم
ررررررررررررررورررررررررررررررري

**زينب محمد** · 10-11-2012, 11:02 PM

**نسيبة** · 10-11-2012, 11:04 PM

الف الف الف مبروكككككككككككككككككك

ان شاء الله بالهناء و السعادة و طول العمر

**luba** · 10-12-2012, 12:35 AM

يا مبروك عليك خديتي**** ياطباقة فراشيتي

صلن علي الهادي وارعنها*** راكن بالعين تخودنها

يامبروك افراح ضنانا *** من عين المعيان ارعانا

ان شاء الله تسلملي ياباتي **** يامدلعني اني وخواتي

يامبروك عليه وليته *** تغسل وتحدد سوريته

جي يخطب قالوله باهي *****من الفرحة ملحت الشاهي

هيا صفقن زين خيركن هكي مرخيات هههه

نهار اليوم تمنيته ***** طلبت العالي ولقيته

ان شاء الله السعد ينوشنا***** انديروا عرس في حوشنا

ان شاء الله السعد يتبعنا***** انديروا عرس في شارعنا

دربكي زين ياسوسو وينها ميمي لتوا ماجت للعرس شورها

عند الكوافيرة لتوا هدا غير عابيين عليها

هيا غروبة شمري اكمامك وصفقي زين وخري حدايدك كان ماتحفظي صفقي

فكك من الضرة خليهم المرخيات شورهم يبوا ضرات وين بنت حواء غاطسة

اكيد تشرب في قهوة هيا حطي الطاسه وصفقي

ان شاء الله في العام الجديد ***تجيبنا بنية ووليد

يامبروك علي ابنيتنا** ياهنايا في غيبتنا
.
يامبروك علي غاليتي **حطيتك وين تهنيتي
.
يامبروك عليك عريسك** اصغير قيسا من قيسك
.
يامبروك عليه خداها** ان شاءالله بطول العمر امعاها

اللي ماتعرف تزغرت ادير حتي بطريقة الهنود الحمر
هيا الصابرة وحبيبتهم زغرتوا وينك ام عدنان
وينك ام ميرال صفقي بقوةووخري خصلاتك من وجهك وحموا العري
وينك ام ايوب خلي ايوب يرقص وتعالي صفقي وانت ادوري وراه
وينك يابارني خلي البنيات ياخدو جوهم في عرس مودة
وانت طايرة وراهم

هي زينة والزين لي هلها ** مبرك يوم اللي حصلها

هي زينة والزين سلاسل **ياسعد اللي بيها استاصل

احني وادينا وادي حنة** ياسعد اللي يغرس منه
.
احني بزرتنا كعب الطيب **ياسعد اللي انديروه نسيب

يانجي بنيت بنغازى *** م الثوار تريد توااازي

فاصل لي اخد الراحة من الشوط التاني

**المصراتيه** · 10-12-2012, 01:17 AM

الف الف الف مبروك وان شاءالله ربي يهنيكم
وهدي هديتي البسيطه

ها يا لوبا ماتشبحيش فيا نرقص وانتي تغني اللي ماتصفقش معانا ووووو معقوله هكي تتمنيلي ضره

ايوه سويت ولوبا زيدن هيا ماشاءالله عليكن ديما ناشطات وعلي الدربوكه صابره خليك ناشطه
لولولولولولولولوليييييييي

**نسمه ليبيه** · 10-12-2012, 01:27 AM

الف مبروك موده وان شاء الله بيت جديد عامر بطاعة الله

وقبل متحشمه مانبيش نغنى لكن سخنتنى

سموا باسم الله وخشوا ......فى حوش الزينين تمشوا

وهذى هديتى

**هبه عاشور** · 10-12-2012, 02:04 AM

ألف ألف مبروك وربي ايهنيك
ويرزقك بالذرية الصالحة

**مغتربة 7** · 10-12-2012, 02:05 AM

لوبا انصفق انصفق ولا يهمك

ميمي ههههههههههههههههه رقصك مش عادي غير وين ماشية بيه هذا كله ردي بالك يوجعك ظهرك ههههههههه لاازم انغنيلك

حزامك يلي تلوي بيه ان شاء الله على وليد تحليه
روووووووووووووورررررررررررررررررسي
وينكم ياعوالات معاش فرقتوا شي اللطف

سوسو خودي الهدايا من الناس

**luba** · 10-12-2012, 02:12 AM

ووووه ياميمي يهبل رقيصك بس اخر مرة تزغرتي هههه

**sweet nona** · 10-12-2012, 02:24 AM

ههههههههههههههه
ا
والله عشت فى الجو صحة لسانك لولو

رورورورورىىىىىىىىىىىىىىى الزغروتة عليا

هيا شوط

ميمى ماشالله رقاصة ولا فيفي عبده شن هالخصر

حسنى متت من الضحك يابنات اسمعو شكلى بنوض بنسشور شعرى وبنبدل حقه هههه

مغتربة نجيها ياربى هيا هيا

مرت الغالى مشبرة ...............الى نلاقيه انخبره

هههههههههه نسيت كل شى لولو قلتى الاغانى كلهم

اتهبلى طالعة اليوم ماشالله

هادى للمصراتية على هالرقصة الحلوة

جبولى حبلين وتل.. انكتف بيهم هالعسل

امتفرج شوف عضلها ...بوها عالعز مدللها

الى ماتصفق بيديها ان شالله صاحبها يرخيها

هيا مش حنخلو حصة للزمزامات بكل احنى بس

الموضوع: عرس الغالية مودة الدعوة عامة تفضلوا

أدوات الموضوع

عرض

معلومات الموضوع

الأعضاء الذين يشاهدون هذا الموضوع

المفضلات

المفضلات

ضوابط المشاركة