عرس الغالية مودة الدعوة عامة تفضلوا

**بنت حواء** · 10-13-2012, 05:50 PM

(مووووووووووووودة)

بارك الله لكما وبارك عليكما وجمع بينكما في خير

هذي هديتي للعروسة الحلوة

وعقبال كل الصبايا

**بنت حواء** · 10-13-2012, 05:57 PM

(مغتربة 7)

مشكورة على البادرة الحلوة والفرصة اللي خلتنا نباركو لوخيتنا مودة
ونحضرو العرس والله جوووووووووووو فاتني
قبل بنصدر وبنرقص ههههههههههه
شكلي لحقت على غسل الماعين
خليتولي روزاطة ولا لا؟؟
لاحصتي باكووي نبيه ههههههههه

**المصراتيه** · 10-14-2012, 12:23 PM

بنيت حواء يا مرحبا يا مرحبا
لا مافاتك شي كل شي عقبولك منه موده موصيه عليك يا حلوه
غير هيا وتي روحك فيسع لسبوع
سويت باهي غير ردي بالك اديري دوه والبسي لبسه كويسه
ام ايوب يا مرحبا سالنا عليك طلعتي في نهايه الصاله تجري في جرت ايوبي
هيا فيسع يا بنات اني توا ماشيه للكوفيرا ونتلاقو بعدين
لوبا اشبح وين مغطسه قالت ابنشري قفطان ومعاش بانت علينا يستر الله

**شروق الشمس** · 10-14-2012, 03:59 PM

الف الف مبرووووك للعروس ربي ايهنيها
ان شاء الله بالرفاه و البنين

**موودة** · 10-14-2012, 08:54 PM

وااااااااااااااااااااااااااااااااااااااااااااااااا و

فاجأتونى ..

مغتربة حبيبتى معش قادرة نعبر بجد

تعرفو .... دزيت ع الواى ماكس عشان وحشتونى

حسستونى كأنكم معايا بس الفرح اللى درتوه احلى بوااااجد

بجد انا سعيدة عشان تعرفت على سيدات وانسات جميلات ورائعات وطيوبات

شكرا لكل وحدة فيكم

خليتو دموعى ينزلو ...................

شكرا واجد

نحبكم

**مغتربة 7** · 10-14-2012, 09:45 PM

مووووووووووودة حبيبتي نورتي ياغالية نجيها ياربي الى تفكر فينا حتى فى عرسها
الف مبروووووووووووووك ربي يهنيك ان شاء الله ويعقد عسلكم
انتي تستاهلي كل الخير
اهو توا انجوك فى الاسبوع

**المصراتيه** · 10-14-2012, 11:43 PM

لا شكرا علي واجب موده وان شاءالله ربي يهنيكم ويسعدكم يارب
هدا واجبنا حبوبه
واسمعي قولي لعيالك رانا واجدين اللي بنجو في الاسبوع وحجزنالك في الكوفيرا
" الكوفيرا هيا ام ميوسه"
هيا يا بنات اللي بتمشي توتي روحها بكري

**الصابرة** · 10-15-2012, 12:00 AM

اهلين بالعروسة الغالية اللي تفكرتنا حتى وهيا المفروض ماتفكر في شئ غير روحها
الف مبروك وربي يدوم عليك بالخير يارب
ويعمر بيتك بالخلفة الصالحة يارب

**sweet nona** · 10-15-2012, 12:52 AM

روروروروى

أهلين بالعروسة ومرحبتين احنا اخواتك وشن متوقعة اقل من هكى مستحيل

ولانط عارفة هالشى اهو متفكرتينا

هههههههههههه شن ميمى فاتنى الاسبوع قصدكم

هيا انى واتية شفتو قفطانى

**luba** · 10-15-2012, 02:03 AM

مش معقولة العروسة بيناتنا
الف مبروووك ياحلوة يادلوعة

نجيها اللي متفكره خواتها في اهم لحظاتها

اهو جايين في الاسبوع

سوسو قفطانك يهبل بس مش معانا البنيات يمشوا

في قفطان عريان من فوق وتحت ماشية لي عرب العريس

ناس برانية ايوة هو سمح بس مش للبنيات فيسع

عدي دوري واحد مستور هههههه

الموضوع: عرس الغالية مودة الدعوة عامة تفضلوا

أدوات الموضوع

عرض

معلومات الموضوع

الأعضاء الذين يشاهدون هذا الموضوع

المفضلات

المفضلات

ضوابط المشاركة