[مشاركة لمسابقة الافطار الصباحي العائلي] كاباتشينو مع الرسم من مطبخ لوبا

[luba]

السلام عليكم ورحمة الله



كاباتشينو مع الرسم

في هالموضوع كل وحدة وليها طريقتها

وهدي الطريقة تنفع للي يحبوا الكاباتشينو قوية شوية يعني القهوة اكتر من الحليب







2 ملعقة صغيرة سكر مع ملعقة صغيرة من قهوة الكاباتشينو القهوية اللون

يضاف ليها نصف ملعقة صغيرة ماء وتضرب بالملعقة وادا كانت المية شوية اضيفي قطرات

لين تصير الخليط شبه الكريمه




نضيف عليها 3 ملاعق صغيرة حليب حكة ( الكورنيش )



تم نضيف الماء الساخن ونحرك حتي يدوب الخليط





ناخد كمية صغيرة من حليب الباكو ونضيف عليه رشات من قهوة الكاباتشينو

وندخله الميكروويف حتي يسخن تم نضربه بالسلك اليدوي لين يختفي كل الحليب و

يصبح رغوة ويمكن ترك القليل جدا من الحليب حتي تقدري تسكبيه





بعد سكب رغوة الحليب في الكوب ناخد حبات من قهوة الكاباتشينو

ونضيف عليها قطرات قليله من الماء بحيت يبقي الخليط تقيل مع القهوة

ونستعمل عود نظيف ومنديل

نغمس العود في خليط القهوة تم نرسم بيه وكل ما احتجتي للرسم

نمسح طرف العود بالمنديل قبل غمسه في الخليط حتي مايصير لون

الخليط خفيف من الحليب وتظهر الرسم نظيف






هادي بعض من الرسومات البسيطة

يمكن تتحكموا في الطبقة العلوية بيضة او بنية

ادا استعملتي حليب الباكو وصبيتيه من البكرج بطريقة

انك تحركي البكرج فوق وتحت او او يمين ويسار وتخففي سرعة الصب في الاخير جربوا

كل مرة لين تضبط











هنا طريقة الصب اختلفت

حتي طهر قليل من الابيض ونرسم حوافه بالخليط اللي تم شرحها في الاول





وان شاء الله تجربوها وتعجبكم

[ميرولاكى]

اوووووووووووووووو روووووووووووووووعه
طريقتك ساهله وبسيطه
تسلم ديااااااااااااااتك الحلووووووووووه
بس بصراحه الحلوووووووو اللى مع الكابتشينو حتى هو قووووووووووووى يسسسسسسسهف
صحتين والف عافيه
وصحه فطورك

[حبيبتهم]

ماشاء الله عليك يا فنانة تسلم ايديك وصحتين عليكم
ولما بتروحي بنجيك بتديري لي كيفه هههههه
وحتى الكرواسان اللي معاه ايهبل

يا غالية ليك ولموضوعك احلى تقييم

[مغتربة 7]

ماشاء الله تبارك الرحمن على ايدياتك
ابداااااااع عطيك الصحة
فكرة مش عادية لتزين الوجه
ان شاء الله انجربه فى اقرب فرصة
تستاهلي احلى تقييييييييييييييم

[luba]

اوووووووووووووووو روووووووووووووووعه
طريقتك ساهله وبسيطه
تسلم ديااااااااااااااتك الحلووووووووووه
بس بصراحه الحلوووووووو اللى مع الكابتشينو حتى هو قووووووووووووى يسسسسسسسهف
صحتين والف عافيه
وصحه فطورك

الله ايسلمك انت الرائعة بوصفاتك اللي تفرح فيا
وهدا اللي معاها كرواسون مع العسل مانزلتاش مش مصورة كل الخطوات
شكرا لمرورك الطيب

[luba]

ماشاء الله عليك يا فنانة تسلم ايديك وصحتين عليكم
ولما بتروحي بنجيك بتديري لي كيفه هههههه
وحتى الكرواسان اللي معاه ايهبل

يا غالية ليك ولموضوعك احلى تقييم

الله يسلمك يالغالية
غير اني اروح وانت تجي اطلبي وتمني
شكرا للمرور الحلو والتقييم

[luba]

ماشاء الله تبارك الرحمن على ايدياتك
ابداااااااع عطيك الصحة
فكرة مش عادية لتزين الوجه
ان شاء الله انجربه فى اقرب فرصة
تستاهلي احلى تقييييييييييييييم

صحيتي غروبه علي المرور والتقييم
جربي وكل مرة غيري في طريقة الصب للحليب راهو سهل ومش صعب
وان شاء الله تضبط معاك في انتظار نتائجك يالغلا

[المصراتيه]

هي هي
نبي اسم اميره شنو عاطيتيني فنجالك
ماشاءالله لا قوه الا بالله
تهببببببببببببببببببل طريقتك وامنيتي نرسم
وااااو حسني فرحانه رووووووعه
ونبي نسالك علي البريوش هدا واتي ولا انتي امدايرتيه
حسيته حتي الواتي ماهو حلو هكي
بالله كان انتي نزليلي الطريقققققققققه وان شادالله تكوني انتي
يعطيـــــك الصحه وتسلم يدياتك
احلي نجوم لاحلي لوبا

[sweet nona]

وااااااااااااااااااااااااااو لبنى

هبلتى البنات كلهم انحس فيهم كلهم توا

قاعدين ايجربو في الطريقة ههه عشاهم كابتشينو مرسوم هههههههههه

تسلمى يالولو الغالية وربى مايحرمنا منك

كريمة فى عطائك وشكراا عالوصفة الحلوة والمميزة

ابدعتى اليوم لما انشوف فيها فى الفايلات الى عندى انقول صعبة

س توا اكييييييييييييييد حنجربها

شكراا

والحى تقيييييييييييييييييييييييم

[ام ميرال]

بحب الناس الرايقه
تسلم الايادي روووووووووووووووووووعه
للاحتراف باذن الله