اشغال واستفسارات المشاركات بدورة الكروشيه

**الصابرة** · 01-13-2013, 01:18 AM

ااااااااااااااااااامين يارب
ميمي
تمام شغلك ماشاءالله وسلم دياتك والغرز واضحة والشغل حلو
وهيا شمري على دياتك وكملي عقاب الواجبات انتي ولوتي ولوبا

وباهي طمنتيني ان الدروس ساهلة وصحيتي على الباترون حبيبة

**luba** · 01-13-2013, 06:55 PM

السلام عليكم

هدا الواجب كله صبورة وان شاء الله يعجبك

وفي انتظار ملاحظاتك وكان الواجب ممتع وسهل وشكرا علي الشرح

الواضح والكافي وعلي الفيديوات الرائعه بارك الله فيك وربي يسلمك ويفرح قلبك

بصراحة اعطيتينا كل مانتمنوه في الكروشيه وخليتينا نشتغلوا في اشياء في وقت قياسي

وماننسي كلمات ليك لما تبي تشتغلي حاجه وين تشوفيها ماتقوليش صاعبه الا لما تبدي في شغلها احكمي عليها

بارك الله فيك علي كل شئ من دعم و شرح و شد الهمم كلمة شكرا قليله جدا في حقك

هذه غرزة المنتفخة

الاربعه كلهم مع بعضهم في نفس القطعه

هذي غرزة الاكس

هذي غرزة الفي

هذي غرزة اللفة الامامية الخلفية

**الصابرة** · 01-14-2013, 04:54 AM

مشكورة حبيبة على الكلمات والدعيوات الرائعة وان شاءالله امين يارب

شغل ماشاءالله عليك سلم دياتك ويعطيك الف عافية

بما انك اول وحدة كملتي جميع الدروس وباتقان
فهيا حبيبة ضعي صورة او طلب اي شئ اعملك ليه ورشة او اشرحه لك ان شاءالله

**الصابرة** · 01-14-2013, 04:56 AM

هيا المصراتية وين باقي الواجب
ولوتي وين الواجب كله وان شاءالله تاخركن على خير

**ام ميرال** · 01-14-2013, 12:53 PM

أبلتي يا أبلتي ...الله اكبر عليك
وبسم الله ماشاء الله ع طالباتك بجد بنات شغلكم يهبل تسلم ايدياتكم
انا من لما بديتو ونا امتابعتكم يوم بيوم نستنى فيكم تكملو الغرز ع شان نبدا معاكم في الورش وع فكرة انا طبقت ورشة الشخشير الاول وجاء حلو ودرت 7 من الثاني وكنت ناويه انصورهن وتشوفوهن لاكن للاسف امي رفعتهن كلهن هدايا وما لحقت بس تبو الحق وليت خبره في الشخاشير
وبما ان لوبا اللي بتختار الورشه فيا ريت يا لبلوبه تختاريلنا حاجه حلوه و ع ذوقك
وجزاك الله بكل ما اتمنى وبكل خير ع مجهودك صبوره
في انتظار الورشه الاولى ع نار

**الصابرة** · 01-15-2013, 02:43 AM

اهلين ام ميرال
اسعدني مرورك
وفعلا وخيتي طالباتي ماشاءالله عليهن سريعات البديهة
وخسارة حبيبة اشغالك ماصورتيهمش لكن مش مشكلة
وسعدت بانظمامك معانا توا
ونستنوا لوبا شنو تختار

**المصراتيه** · 01-16-2013, 06:31 AM

بارك الله فيك يا ابلتنا وربي يفرحك ويسعدك ويعطيك كل ماتتمني ويفتح الخير قدامك
بصراحه احسن حاجه نتعلمها في حياتي هيا الكروشيه ومن زمااااان واني خاطري نتعلمه لكن درته شي مستحيل واليوم معاك انتي خليتيه اسهل وامتع شي
الله يرحم ولديك يارب وكانت دوره ممتعه وسهله ومفيده
وهدا الواجب بعد تعطيل

الغرزه المنتفخه

غرزة V

غرزة X

غرزة اللفه الاماميه والخلفيه

والحمد لله كملللللللللت وعارفه ان الواجب مش اوي ولكن فهمته كويييييييييييس

**المصراتيه** · 01-16-2013, 06:33 AM

اهلا وسهلا بام ميرال فرحتينا والله
ياريت تبدي معانا وتصورينا واحني نراجو في لوباااااااااا

لوتي وينك معاش شبحتك ان شاءالله خير

**الصابرة** · 01-16-2013, 04:56 PM

ماشاءالله
ميمي خيره شغلك حلو حبيبة وواضح
والمهم انك فهمتي الدرس

وهيا مازلنا نستنوا لوبا شنو تختار
ولوتي ربي يشفيها من نزلة البرد وتلحق على الواجب واديره

**luba** · 01-17-2013, 09:23 PM

اهلين بام ميرال نورتينا واسعدنا حضورك

والف لاباس علي لووتي ربي يشفيها ويعافيها

ميمي تسلم ايديك وربي يعطيك الصحة علي هالشغل السمح

واسفه علي التأخير واني محتارة شنو نختار

فلو حبيتو نختارو خلخال للقدمين و لو ماحبيتوا الاختيار

عادي ضيفوا ارائكم ونتشاوروا فيهم

هدي صورة الخلخال متلا

هده مجرد اقتراحات واللي عندها اقتراح لورشه تانية ياريت تقولنا

عشان يستفيد الاعدد الاكبر منا من الورشه وماتقتصر علي طرف واحد

في انتظار اقتراحاتكم علي الورش بالصور

الموضوع: اشغال واستفسارات المشاركات بدورة الكروشيه

أدوات الموضوع

عرض

السلام عليكم والرحمه

معلومات الموضوع

الأعضاء الذين يشاهدون هذا الموضوع

المفضلات

المفضلات

ضوابط المشاركة