اشغال واستفسارات المشاركات بدورة الكروشيه

[الترياق]

بسملة.jpg

بارك الله فيك يا الصابرة علي ها الدورة و اللهي من زمان نتمني نتعلم الكروشهه و ما نعرف غير غرزة السلسلة,, حنطبق و نوريكم أن شاء الله

المصراتية ماشاء الله عليك ديما سباقة عطينا شوية فرصة يالطيف
ربي يوفق الجميع أن شاء الله

[المصراتيه]

اهلا وسهلا بيك حماة ام عبسي ياريت تنورينا

صبوره اني خاطري في هالبدله عاجبتني ولو حتي شرح

وبارك الله فيك وخودي وقتك برااااحه بشوي عليك مش مستعجبه عليها ولو في اي وحده عندها ورشه عادي تحطها وهدي تخليها في الاخير

وهدي صوره البدله

[لوتي]

أهلين بحماة أم عبسي بينا

ميمي حلوة البدلة

وتوا الواجب


غرزة البيكو








غرزة العنقود




الغرزة المنتفخة

















غرزة الفيشارة





غرزة اكس






غرزة في






الأمامية والخلفية في نفس القطعة

[الصابرة]

عذرا على تأخري في عدم الرد

نبدا من الاول
لوتي
حبيبة لو عندك صورة للبنشو ياريت اتنزلي لانه اشكاله هلبة وفي الصعب وفي السهل هلبة
وتبيه لعمر صغير او كبير
وماعندكش مشكلة انديره غير نبي نشري خيوط بس لان الخيوط اللي عندي قليلة الان

حماة ام عبسي
مرحبا بيك معانا وطالما انك تعرفي السلسلة الباقي ساهل
وخلاص نستنى في تطبيقك للواجبات وابدي من الاول
وكل ماتكملي واجب نزليه واذا عندك اي سؤال انجاوبك عليه

المصراتية
بدلة تهبل ذوقك حلو تعرفي ليا فترة بندير بدلة لبنت خوي لكن محتارة في الموديل لكن ان شاءالله انديرلها الموديل اللي
اخترتيه ونشتغلوه مع بعض ان شاءالله غير نشري خيوط بس زي ماقلت للوتي الخيوط اللي عندي قليلة
ان شاءالله اندير اللي تبوه كله لكن توسعوا بالكم معاي بس يعني تتعلموا الصبر معاي

لوتي
ماشاءالله الواجب مشغول على اكمل وجه سلم دياتك
تصل متاخرا خير من ان لاتصل

[ام ميرال]

هذا تطبيقي لورشة الخلخال فكرته حلوه وطلع في اللبس احلي
ننصحكم تجربوه يا بنات
شكرا للوبا ع الفكرة ولأبلتنا ع الورشه



وهذين اقتراحاتي للورش الجايه


بونشو اطفال

pelerinonudj8-1.jpg

شنطه كروشيه

4rnr.jpg
وع فكرة عجبني اقتراح المصراتيه لان خاطري في قفطان والا بدلة لبنتي كلك ذوووق ميمي

[الصابرة]

ماشاءالله ام ميرال تطبيق يهبل سلم دياتك وعجبني اللون
ربي يعطيك الصحة
واقتراحاتك حلوة
غير ترد علينا لوتي في مقاس البونشو
ونبدوا ان شاءالله فيها الاول
لان البدلة تأخذ خيط هلبة وتأخذ وقت شوي لكن على طول بعد البونشو نبدو فيها طول

[luba]

لوتي ماااشاء الله عليك شغللك حلووووو وراااائع ومرتب

وافتراحك حلوووو ان شاء الله نشارك فيه

ام ميرال تسلم ايديك ماشاء الله عليك وان شاء الله قريب انتمه الخلخال لاني درت هلبه وردات

وانزل صورته قريبا

واختياراتك حلوة وخاطري فيهم وخاصة الشنطة غير نوع الخيط للحقايب ماعندي ان شاء الله نحصله ونشد معاك في الشنطة

وفي شنطه عيني عليها ان شاء الله نجيب ورشتها لو عجبتكم انطبقوها ولو لا فوتوها

ميمي اختيار حلو وراااائع ان شاء الله لو شريت خيوط رقيقات نبدي اول ماتبدوا

وربي يوفقك الصابرة ويجعل ماتقدميه لينا في موازين حسناتك ويعطيك ربي ماتتمني يااااارب

[الصابرة]

يالوتي هذين صور لبنشو
وشوفي








​

[لوتي]

لوبا شكرا ليك علي التشجيع
أم ميرال ماشاء الله خلخال حلو تبيديه بالهني
صابرة أول ما قلتلك علي البونشو دورت صور وملقيتش اللي علي بالي لكن انتي جبتي اللي نبيه بالزبط اللي لابساته البنوتة هوا اللي في بالي نبي انديره لبنت خوي عمرها سنتين وشهور

[الصابرة]

خلاص لوتي نشري خيوط بالوان معينة وباهي انك تبيه لبنت صغيرة
حتى اني انديره لبنت خوي على الاقل نرضي الاثنين توا
وحدة بدلة ميمي وحدة بنشو لوتي
اصبروا شوي