اشغال واستفسارات المشاركات بدورة الكروشيه

[luba]

تطبيقي لورشة الخلخال

بارك الله في الصابره علي صبرها معانا وربي يجزيها نعيم الدنيا والاخرة ياااارب


طبعا جهة درتها ورد اللي هي علي بره واللي داخل سلاسل ومرات نلبسه في الصبع الكبير

ومرات في الصبع التاني ودرت جهه وحدة ورد علي خاطر رجلي مش عريضة

خدمت جهتين ورد تخلطوا مع بعضهم وجي مش حلو تبي رجلين اكبر من اللي عندي

فاكتفيت باتجاه واحد مع التغيير

وان شاء الله يعجبك التطبيق















وهدا حصاد تعب الصابرة معانا وطبعا نشكر حبيبتهم من كل قلبي

في ايام التانوي علمتني بدايات الكروشيه ربي يفرح قلبها وقلب الصابرة بالخلف الصالح يااااارب


هدي قونه لبنتي و هيا اولها من فوق العمود الامامية والخلفية

وبعدها سطر بسطر غرزة العمود والنصف عمود


وماعنديش ليها باترون مكتوب ورشتها بالانجليزي كتابه وترجمته

















وهن بنتي لابساته مع ورشة الشوز لصبورة
]

[لوتي]

ماشاء الله يالوبا شغلك حلوووو هلبا الخلخال ورداته ايجن علي جنب لما تلبسيه ؟
قونت بنوتك طالعة حلوة وبنوتك شكلها حلوة ربي يحفظكم لبعض وتلبسيها ديما حاجات حلوة
بارك الله في الصابرة اللي تعبت معانا وعلمتنا

أهاااا طلعتي إنتي وحبيبتهم صحبة

[ام ميرال]

ماشاء الله تبارك الرحمن عليك يا لوبا شغلك روووعه ربي يحفظك
والقونه طالعه ع بنيتك تجنن عسل ربي يخليها ليك
الخلخال عجبتني فكرته انه مش خياطه للوردات يعني الشغل كله ماشي متواصل مرة وحده
اممممممممم فياريت حبيبتي لو ما فيه تعب عليك تديره لينا ورشة بعد اذن صبورة طبعا
وهذا كله بفضل ربي ثم فضلها ربي يفرحها بما تتمنى وانتي معاها

[الصابرة]

ماشاءالله لوبا تبارك الرحمن
سلم دياتك الخلخال يهبل وفكرته حلوة

وبالنسبة لقونة بنيتك ماشاءالله عليها هي وبنيتك روعة
وطالعة عليها تهبل سلم دياتك

وعادي ام ميرال لو لوبا اديرله ورشة مش مشكلة لان الغرض من هذه الدورة التدريبية هو التعلم

وماعنديش مشكلة وخياتي في اللي عندها ورشة انها تنزلها بيش نستافادو منها كلنا
مرات تنزلوا ورشة تكون جديدة عليا حتى اني او مش مارة عليا قبل انتعلم حتى اني معاكن
لان التعلم ليس له حدود وعالم الكروشيه كل يوم فيه جديد

[الصابرة]

اخواتي نزلت البونشو وهو لم يأخذ خيط هلبة
طبعا هو لبنت خوي الصغرى ولاء والبدلة سوف تكون ل آلاء بنت اخي الكبرى وبما ان الصغرى
مدلله جدا عند دادي اختي فبعتت لي طول بالخيوط لعمل البونشو لها وفاتت البدلة
وان شاءالله امي في القريب حتبعت خيط عشان تعمل بدلة لمدللتها آلاء فعذرا ميمي

لوتي اتمنى الورشة تكون واضحة واذا في اي سؤال تفضلي

[الصابرة]

السلام عليكم

يابنات اكيد والمنتدى مسكر كل وحدة فيكن اشتغلت بالكروشيه عدة اشياء

هيا كل وحدة توريني شنو اشتغلت

نستنى في شغلكم مش اطنشوني بعدين نزعل راه

عشان حتى اني انوريكم شنو خدمت

[أم عبادة الليبية]

السلام عليكم صابرة أني للأسف ماعمريش جربت شغل الكروشية بس بعد ماشفت شغلكم ماشاء الله عليكم صار عندي فضول انجربها وربي يسر

[الصابرة]

اهلين ام عبادة
وخيتي دائما البداية تحسي كل شئ صعب لكن شوفي شغل البنات ماشاءالله
خشي على الدروس واني جاهزة لاي مساعدة بأذنه تعالى

[لوتي]

توا بس شفت الورشة ودرت عليها دورة علي السريع كلمة شكر فيك شوية بجد بارك الله فيك شكلها ساهلة أني توا بنبعت علي الخيوط إن شاء الله وبنبدأ فيها وأين حاجة توا نسألك إن شاء الله

[لوتي]

نسيت إنقولك قديش خدت منك كورة صوف
أهلن بأم عبادة أبدي معانا ولا يهمك صبورة شرحها حلو وموضحة بالفيديو حلو لما تصنعي حاجة بإيدك وتلبسيها