اشغال واستفسارات المشاركات بدورة الكروشيه

**المصراتيه** · 11-09-2012, 12:27 AM

هي هي لوبا ركزي زين ههههههههههه
اني بعد القض والمعاوده جي مني
وحتي اني نفسسسسك بالزبط السطر الاول يا سلام والسطر التاني كيفك مشقعبببب
عاودي من الاول حتي السلسله فكيها وعاوديها

تو بنوريكم شغلي وان شاءالله يطلع تمام بس كانهدا ابنهبلللللل ولكن انسجمت فيها واجد وعجبتنيييي

**المصراتيه** · 11-09-2012, 02:06 AM

هدا شغلي واتمن ان يكون صحيح
في النهايه قفلته من الجنب وقلبته والقاعده خليت قفلتها علي برا
وخليتها غلاف للنقال

**luba** · 11-09-2012, 02:08 AM

رووووووعه ياميمي يعطيك السلامه كيف درتيه
ربي يسلمك ماشاء الله

**الصابرة** · 11-09-2012, 04:38 AM

ماشاءالله ميمي شغل حلو ومرتب مع بعض الخطاء البسيط في الاجانب
لكن تغلبتي عليها لما خيطيهن
وحلوة فكرة غلاف نقال اهم حاجة زبطتي الدرس

**لوتي** · 11-09-2012, 11:07 PM

ياخسارة كان ودي انكون سريعة معاك في الدورة لكن قدر الله وما شاء فعل بإذن الله ليا مشاركات تقبلي مروري

**luba** · 11-10-2012, 12:20 AM

اولا زغرتولي اعتقد زبطت معاي

وتانيا السموحه منك ياصبورة هبلتك معاي وشكلي قبل نبي يطلع الشغل وخلاص

والله ماقصدي انقلل من شأن عملك حاشاك بس العله فيا مش زابطه كويس ومضغوطه نبي انتم وخلاص

سوووووري يا قلبي

وتالتا نحب نشكر ميمي اولا زادت شجعتني بعد قريب فقدت اعصابي وبنعتزل الاحتراف فيه هههههه

وانها نبهتني لي سبب مشكلتها وكانت نفس المشكله في عمليه التنقيص بالنسبه ليا عواميد

وهيا غلطه بسيطه قلبتلي الشغل كله

بس بصرااااااحه رووووووووووووعه غرزة مش عادية وعجبت زوجي هلبه

درت بيها غطاء للكاميرا عندي حقيبه ليها بس غليظة مانحبش نحطها في جيوبي

وجت عليها تمام وروعه ربي يعطيك الصحة ويبارك في عمرك ويرزقك ماتتمني يارب العلي القدير

وحابه لو تزيدينا واجب تاني متلا يكون زي ماانت قلتي قبل متلا قفازات او وشاح او قبعه وتكون فيها هدي الغرزة

باش ماننسوها وغرزة راااائعه لكل شي

وهدا شغلي يارب يعجبك يا صبورة

خيطتها بغرزة المنزلقه مع بعضها

**المصراتيه** · 11-10-2012, 01:03 AM

ماشاااااااااااااااءالله
لوبا بنعاود شغلي هههه يهبببببل عجبني والاطراف متساويه مش كيفي والسلك متعك حلو حسيته يابس شاد روحه
وفعلا غرزه حلوه واحلي حاجه انك تحرقي فيها دمك لازم عقلك يكون معاها بس
بارك الله فيك ابلتنا

وينننك يا لوتي نراجو فيك من زمان كل مانفتح نقول آهي جت وحطت شغلها
هيا عاد ابدي معانا

**الصابرة** · 11-10-2012, 02:25 AM

لوبا
ماشاءالله شغل فعلا يستاهل الجهد والقض اللي قضيتيه
بصراحة شغل رائع والوان جميلة ومايهمش شنو درتي بيه المهم الاستفادة
وان شاءالله بعد مانكملوا مجموعة غرز ثانية نردوا ليها ونشتغلوا بيها حاجات ثانية
فعلا شغل يستحق تصفيق

وحبيبة الاسف اللي ذكرتيه مليه اي داعي اني بنعلمكم اكيد بيكون بالي واسع
وبعدين مؤمنة ان كثرة السؤال تكسب المعرفة اكثر
يعني كل ماسئلتي فهمتي اكثر

**الصابرة** · 11-10-2012, 02:27 AM

لوتي
وخيتي مافاتكش شئ تقدري اتلحقي علينا
لان القفازات اللي بغرزة الزجزاج يعتبر الشئ الفعلي اللي درناه
واني جاهزة لاي سؤال

**الصابرة** · 11-10-2012, 02:29 AM

المصراتية
ماتقضيش شغلك وجيبي خيط ثاني وعاودي
وحتى انتي شغلك حلو واللي فيه خطاء بسيط لا كاد يرى
او استني بعد فترة انديروا بيها حاجة ثانية
وتجيبي خيط اخر وتشتغليه بيها

الموضوع: اشغال واستفسارات المشاركات بدورة الكروشيه

أدوات الموضوع

عرض

معلومات الموضوع

الأعضاء الذين يشاهدون هذا الموضوع

المفضلات

المفضلات

ضوابط المشاركة