اشغال واستفسارات المشاركات بدورة الكروشيه

[luba]

يهبل الشغل ياميمي رووووعه ومرتب ومشحوط وماشاء الله
وطلع مع الكروشيه جو رومانسي هههه
لا خليك مشحوطه وجديات خير مانلقوا الخيوط دايبات من الرومانسيه
ويعدي فيها الشغل ههههه

اهلين بي لوتي والله فرحتينا بطلتك وتعليقك علي الاشغال
بس بنقولك في الدروس الصابره منزله الطريقة كيف تركبي
للسطر التاني واني الحق كنت في حويله ديمه اعوج وحالته بالهون
بس بعد درسها الحمد لله شوفيه ممكن يديرلك حل كيفي
نراجوا فيك وماعاد عندك شي غير الزجزاج
والا نطيه وتعالي اهني هههههه

[الصابرة]

ماشاءالله الفالحة الناشطة
والله طالبتي فقتن عليا في النشاط
شغل متقن ياميمي ومزبوط وهذا يدل على فهمك للدرس ممتازة
وسهفتيني على جوك خطرتي عليا ايام ماكنت نشتغل كروشيه في مزرعة اهلي جو يهبل وماتحسيش الا والشغل كمل من الجو الجميل
وبالنسبة للبرمة عادي لما نشتغلوا الورشة
سوف تشاهدي كيف يرجع عادي
وحتى ان اردتي عمل قطعة مستطيلة هناك طريقة تجعل الشغل مفرود سوف نتطرق لها فيما بعد

[luba]

وهدا الواجب ان شاء الله تمام
وكان سهل جدا والشكل رووووعه غرزة حلووووة
وكل ماتعطينا غرزة انقول حلوة وتهبل لين نحتار منو الاحلي
ربي يعطيك الصحة ويرزقك بالدريه الصالحه السليمه
عاجل غير اجل يااااارب

هدي من الجهه البارزة







وهدي من الجهه التانية

[الصابرة]

نجيهن يارب طالباتي الفالحات
اللي ماينشفن في ريقي عشان يفهمن
ربي يدوم عليكن يارب سرعة الاستيعاب

شغل متقن ومرتب يالوبا
ولون الخيط يهبل

وكان على الغرز مازال ماريتي شئ حبيبة عالمهن واسع

[محبة الكروشيه]

السلام عليكم ورحمة الله وبركاته يا اخواتي

ما شاء الله علي اشغالكن والبركة في اختنا الصابرة

لو سمحتن من وين تشروا في اللانه او الصوف لان نوعيته شكلها كويسه

وجزاكن الله خيرا

[الصابرة]

اختي محبة الكروشيه

شوفي الردود في هذا الموضوع ذاكرة العنوان بالتفصيل


http://www.libyan-kitchen.com/kitche...D1%E6%D4%ED%E5

[محبة الكروشيه]

بارك الله فيك
اشكرك على ردك على الموضوع

[الصابرة]

العفو حبيبة ولا يهمك
ولا ترددي في السؤال

[لوتي]

صابرة أني توا بديت في غرزة الزجزاج أول شي درت 37 سلسلة وبعدين إتبعت نفس الخطزات للأخير في السطر الأول لكن إنتي تميتي الشرح عند الغرزة 24 وقلتي كملي الباقي نفس الأول يعني أني توا إندير 24 عمودين تزايد و25 عمودين تزايد وانكمل الباقي نفس الشي صح هكي

[الصابرة]

اديري هكي تمام يالوتي لكن لما توصلي 24 قبلها مشتغلة 3 اعمدة عادية او لا
اذا لا اعمليهن يعني 24 / 25 / 26 اعمدة عادية ثم 27 / 28 تزايد او تناقص على حسب الشغل
اذا مافهمتيش عليا قوليلي حبيبتي لوتي