اشغال واستفسارات المشاركات بدورة الكروشيه

[لوتي]

أولا لوبا ماشاء الله علي شغلك والألوان تفتح النفس
تانيا صبورة راني وقفت في السطر الأول من غرزة الزجزاج وبديت في الغرزة إللي بعدها زي ماقالت لويا نقزت بيش انلحق معاكم بنزل الواجب بإذن الله تعالى بعدين ودرت قطعة من الحذاء لكن سؤالي كيف نعرف الطول المناسب للقطعة يعني كم سطر
ولما انولي في غرزة الزجزاج بنشرحلك شن درت بالتفصيل

[luba]

هدا الواجب وفي شوق اني وكل اللي في البيت لي انتظار التكمله
وهدا مقاس لي بنتي ودرته بالزايد شوية باك يصير منه
تلبسها العام الجاي ان شاء الله
وماشاء الله علي لوتي متحمسة ربي يوفقها
ولو مافيش مشكلة نوقفوا بعد انكملوا هالشغل وننتظروا لوتي
اتلحق واتكمل لحد ماتوصلنا وهادي الغرزة الاخيره ساهله
وان شاء الله حتقدر اديرها بسرعه لانها فالحه وناشطه ماشاء الله
عليها ربي يحفظها

معليشي صبورة بنجاوب لوتي كيف قست لي بنتي
في الاول بالميتروا الطول والعرض كيف ماحكت عليه الصابره
شفته كم من سم وبعدين زدت تاكدت من كندرتها حطيت فيها الميترو من داخل
وقستها وهكي وين مانشتغل كم من سطور نرجع انقيس القطعه اللي اشتغلتها بالميترو
والقطعه التانية عديت السطور البارزة ودرت زيهم وان شاء الله ما تحشرت هلبه
في الرد ههههه

[لوتي]

ماشاء الله تبارك الله علي شغلك يالوبا تبارك الرحمن عليك تسلمي علي التشجيع اللي يرفع المعنويات
بالنسبة للقياس يعني نقيس من بداية الصوابع لنهاية الكعب صح هكي

[luba]

ماشاء الله تبارك الله علي شغلك يالوبا تبارك الرحمن عليك تسلمي علي التشجيع اللي يرفع المعنويات
بالنسبة للقياس يعني نقيس من بداية الصوابع لنهاية الكعب صح هكي

ايه من الصبع الكبير لحد اخر الرجل وفيك بارك الله واني وجودك معانا زاد شجعني وفرحني مانحكيلكش قداش فرحانه بالمصراتية
وتوا انت زدتي فرحتيني بيش اللي عندها مشكله مرت بيها ينقدوها الاخريات كيف مانقدتني ميمي في الزجزاج بنسميه زجزاج ميمي هههههههه
عاد ابلتنا محترفه نستهم هالاخطاء وهي بادية فيه من الصف الخامس ماشاء الله تبارك الرحمان
اللهم صلي علي النبي

[الصابرة]

عليه الف صلاة وسلام

معليش لوبا ولوتي والمصراتية السموحة منكم
غلطت غلطة ان شاءالله تسامحوني عليها
طريقة القياس
تقيسي من نهاية القدم لعند ماقبل الاصبع الكبير وليس لنهاية الاصبع الكبير
فأعذروني ومتأسفة جدا

والخطاء حصل اني اعمل في حذاء ثاني سوف انزله لكم لاحقا
وهو اللي طريقة قياسه تكون لعند الاصبع الكبير فلخبطت ولم انتبه للخطاء
الا عندما شفت اجابة لوبا فانتبهت للخطاء الذي ارتكبته فعذرا مرة ثانية

لوتي
احسن مادرتي لتتابعي معنا وخصوصا هذا الحذاء الان وقته
والزجزاج لنا عودة لها

لوبا
شغل متقن ونظيف ماشاءالله عليك بس بنتعبك بتقضي منه عشان القياس الذي اخطئت به

[الصابرة]

المصراتية
وينك حبيبة وين واجبك

[لوتي]

لوبا بارك الله فيك علي الشرح أني توا تميت قطعة من الصبح عليها لكن الصابرة عاودت القياس وبنقص منها شوية لأني مزال مقطعتش الخيط وإن شاء الله يارب ديما فرحانة يالوبا وربي يفتح عليك كيف مانلقا فيك ديما تشجعي فيا
صابرة معليشي يصير التلخبيط المهم إنا انصلحو الخطأ وزي ما قولتي هذا وقته الحذاء معناها القياس من أخر الكعب لتحت الصبع الكبيرعلي عظمة المفصل صح هكي والبداية عمود بلفة والنهاية عمود بلفة
ميمي وينك

[الصابرة]

مزبوط لوتي لكن البداية عمود بلفة والنهاية تكون على اخر شئ وقفتي بيه سوى امامية او خلفية

وطالما انك كملتي قطعة سوف انتظرك لتكملي الاخرى ونتظر ميمي
عشان انزل باقي الدرس

[luba]

صبورة حتي اني هكي فهمت من الدرس زي لوتي

انه اخره لفه عمود ودرت هكي وصحيتي علي التصحيح

وشكرا يالوتي نبهتيني بارك الله فيك معناها بنقض بس بدون اضافة لفة عمود في اخره هكي صح ؟

[المصراتيه]

بارك الله فيكم علي السؤال عليا وان شاءالله مانفقدكم يارب
لوتي تهبلللللللي والله فرحانه بيك بنهبل
صبوره سامحيني اني توا فاتحه من النقال مش قادره نكتب علي راحتي
بس نبي نقولك استمري في الدرس اني الحمدلله كملت فرده ولبنتي كيف لوبا وبكرا نكمل التانيه ونحط الصور أن شاءالله
لوبا حسيته كبير علي بنتك عديتلك السطور البارزة 19 هههه ماشاءالله
صبوره ليش القياس لعند الصبع الكبير نحس فيه قبل الصبع ب سانتي أو 2 ؟؟؟؟؟؟؟؟؟
اول مانوض نكتب زين أن شاءالله
سلام