اشغال واستفسارات المشاركات بدورة الكروشيه

[المصراتيه]

راي معا رايك وراي البنات وبارك الله فيك

[خوخه]

من زززززززمان وأنا خاااااطري
نتعلم التطريز وياربي نجيها صبوره وربي ايبارك
في ايدياتها ويجعل الجنه مقامك لقيت كل شئ بالشرح المفصل ودروس
واااضحه كاني في دروس عملي وقدام عيني ادعيلي وادعلي يابنات
ربي ايوفقني في اول تجربه لأني نبي نتعلمها وخاطري فيها

[الصابرة]

ان شاءالله اليومين هذين انزل الدروس وعذرا على تاخري

[الصابرة]

خوخة

مشكورة حبيبة
واسعدني انظمامك معانا
وان شاءالله ربي يوفقك حبيبة وننتظر اول محاولاتك وماتخفيش من الخطاء
لانك كان مااخطئتيش لاتتعلمي

حبيبة هذا الفن اسمه كروشيه التطريز عالم بروحه وفن اخر

[المصراتيه]

السلام عليكم
اهلين يا بنات
شوفو شن تعلمت من درس الورد
شال الورد
درته وان شاءالله يعجبكم ويعجب ابلتنا يارب

[الصابرة]

ماشاءالله تبارك الرحمن
سلم دياتك يهبل يا ميمي
ومش عادي
شال غاية في الروعة عيني عليك باردة
كل يوم تخلوني نشكر في ربي هلبة انه عطاني طالبات سريعات البديهة وعندهن رغبة في التعلم
وان شاءالله ياميمي زي مادرتي الشال اديري اللي في بالك الثاني ونفرح لما نشوف صورته حتى هو زي فرحتي بشوفة صورة هذا
ربي يعطيك الصحة

[لوتي]

ماشاء الله تبارك الله ميمي شغل حلو ورائع ربي يعطيك الصحة بس شني الوردة وكيف خيطيها في بعضها تبيديه بالهني

[luba]

ماشاء الله ياميمي اللهم صلي علي النبي

ربي يعطيك الصحة شال يهبل وشغل متقن ومنظم

منورة بالهلبه

وهدا تطبيقي لتوكة صبورة في ردها علي لوتي

[لوتي]

محلاها محلاها توكة لوبا تبيديها بالهني عندها حق صبورة اتكون فخورة بطالبات شطورات زيكم

[الصابرة]

حتى انتي فيك البركة لوتي امغير تسلمي حبيبة

لوبا ماشاءالله توكة تهبل احلى من الاصل سلم دياتك وصحة على بنيتك
واكيد فرحانة بيها امها دايرتلها حاجة من ايديها
ربي يعطيك الصحة ويحفظها ليك يارب