اشغال واستفسارات المشاركات بدورة الكروشيه

[ضحى]

بارك الله فيك شكرا على التشجيع

[لوتي]

بسم الله ماشاء الله لاقوة الا بالله
الوان سمحه وشغل مرتب ونظيف وسمح تبارك الله
ربي يسلم هالايدين والعيون ومبارك عللي لبساته ملبوس الهنا ان شاء الله
تعالي اهني خبرينا علي اسلاكك المستعملة اسمهم وصوره قريبة منهم ورقمهم ورقم ابرتك
عجبني سلكك واجد حسيته واقف وجودته كويسه

ربي يرزق صبورة و يسعد قلبها وخاطرها علي تعبها وجهدها معانا

تسلميلي لولو ربي يهنيك الخيوط تركية والإبرة رقمها 3ونص صورتهللك وإن شاء الله إنزلهلك

[لوتي]

امين ياااااااارب

ماشاءالله لوتي والله اول ماشفت البونشو سحبته بتاعي حتى اللون قريب من لوني
ماشاءالله على الإتقان سلمت دياتك ويعطيك الف صحة

الحمد لله تلميذتك طلعو نفس الشي تسلمي

[لوتي]

إستمري ضحى بداية حلوة

[ضحى]

بارك الله فيك

[لوتي]

لبون هذي صور الخيوط اللي إستعملتهم والخيط الأسود نفسهم غير نزلته نبيك تشوفي الورقة اللي عليهم










وهدي الإبرة نرتاح بالخدمة بيها

[رميساء]

السلام عليكم
ما شاء الله عليكم جميعاً
وبارك الله فيك يا معلمة صابرة
سؤال أما سوق أو محل في طرابلس يبيع الصوف وكم السعر ؟
أنا عندي الإبر
مشكورين علي مجهوداتكم
منورين دائماً

[الصابرة]

ملف مرفق 1642تطبيق الدرس الثالث غرزة التزايد والتناقص

ماشاءالله تطبيق حلو لكن الغرزة هذي لازم تكرريه اكثر من مرة عشان تتقنيها لكن واضح انك فهمتي الغرزة سلمت دياتك وانتظار باقي الغرز

[الصابرة]

لوتي
فعلا النوع هذا من الابر نرتاح بالخدمة بيه اولا لانه من الالمونيوم ويتميز بالخفة
وثانيا نهاية الابرة ناعمة مايضابقش فيا في الخدمة ونحب ديمة نشري رقم بلون مختلف يعني حاليا
عندي لون ابيض وزي لون ابرتك وموف ورصاصي

والخيوط نفس خيوطي اللي اشتغلت بيهن بالزبط وميزة الخيط التركي حلو في خدمة الشالات والبنشوات والقفازات وبطاطين البيبي ومفارش اللف والبلوفرات الشتوية
لكن مش حلو في الفساتيناو الجيبات او مفارش الطاولات لان لما تشتغلي فستان بيه يبينك سمينة
طولت عليكم لكن حبيت نعطيكن معلومات على الخيط التركي

[الصابرة]

السلام عليكم
ما شاء الله عليكم جميعاً
وبارك الله فيك يا معلمة صابرة
سؤال أما سوق أو محل في طرابلس يبيع الصوف وكم السعر ؟
أنا عندي الإبر
مشكورين علي مجهوداتكم
منورين دائماً

وعليكم السلام اختي رميساء
وفيك بارك الله وحفظك ورعاك

وبالنسبة لوصف المحل اني مانعرفش في طرابلس الا محل واحد وهذا وصفه
كنت وضعته في اعلان الدورة

(عنوان المحل او بمعنى اصح اقرب وصف له
اسمه دازة
جامع مولاي محمد من عند باب دخول المصلين بجانبه الخطوط الليبية ومحل اخر
اسئليهم يدلوك على العنوان او بعد ماتوفتيهم على ايديك اليمين منعطف تجديه
ان شاءالله الوصف سهل وواضح)

وبالنسبة لاسعاره الصراحة غالي شوي لاني نشري من محل في زليتن ومحل في الخمس
واحيانا ابعث من تونس فيعتبر بالنسبة لهذه المحلات غالي
لكن الصراحة كل شئ تجديه عنده لاني احيانا ابحث عن الوان معينة لا اجده الا عنده
وخامات خيوط مثل القطن المصري لانه ممتاز في ملابس الاطفال لا اجده الا عنده للامانة
واذا عندك حد يمشي لتونس ابعتيه يجبلك ارخص من هنا بهلبة وخامة حلوة
ان شاءالله اكون ساعدتك